മന്ത്രിയുടെ പരാമര്ശത്തില് പ്രതിഷേധിച്ചല്ല വേദി വിട്ടതെന്ന് സുഗതകുമാരി
Published on 05 June, 2012
തിരുവനന്തപുരം: പരിസ്ഥിതി ദിനാചരണത്തില്
മന്ത്രി കെ.ബി.ഗണേഷ്കുമാറിന്റെ പരാമര്ശത്തില് പ്രതിഷേധിച്ചല്ല താന്
വേദി വിട്ടതെന്ന് സുഗതകുമാരി. മറ്റൊരു പരിപാടിയില്
പങ്കെടുക്കേണ്ടതുണ്ടായിരുന്നതിനാലാണ് ചടങ്ങില് നിന്ന് നേരത്തെ
ഇറങ്ങിപ്പോയത്. എന്നാല് മന്ത്രി തനിക്കെതിരെ നടത്തിയ പരാമര്ശം
വേദനിപ്പിച്ചുവെന്നും സുഗതകുമാരി പറഞ്ഞു.
മന്ത്രിയുടെ പ്രസ്താവനയ്ക്ക് മറുപടി പറയണമെന്നുണ്ടായിരുന്നു. എന്നാല്
മറുപടി പറയാനായില്ല. മന്ത്രി അങ്ങനെ പറയരുതായിരുന്നു. മന്ത്രി പരിസ്ഥിതി
പ്രവര്ത്തകരെ അടച്ചാക്ഷേപിച്ചിട്ടില്ലെന്നും മന്ത്രി പറഞ്ഞതുപോലെ തന്നെ
മുന് നിര്ത്തി കപട പരിസ്ഥിതിവാദികള് പ്രവര്ത്തിക്കുന്നുണ്ടോ എന്ന്
അറിയില്ലെന്നും സുഗതകുമാരി പറഞ്ഞു.
അതേസമയം തന്റെ പ്രസ്താവനയില് പ്രതിഷേധിച്ച് സുഗതകുമാരി വേദി വിട്ടുവെന്ന
വാര്ത്തള് അടിസ്ഥാനരഹിതമാണെന്ന് മന്ത്രി കെ.ബി.ഗണേഷ്കുമാര് പറഞ്ഞു. ഇതു
സംബന്ധിച്ച് തെറ്റായ വാര്ത്തകളാണ് പ്രചരിക്കുന്നത്. മറ്റൊരു ചടങ്ങില്
പങ്കെടുക്കേണ്ടതിനാലാണ് സുഗതകുമാരി വേദിയില് നിന്ന് നേരത്തെ പോയത്.
ഇക്കാര്യം തന്നെ നേരത്തേ അറിയിച്ചിരുന്നുവെന്നും ഗണേഷ്കുമാര് പറഞ്ഞു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല