ഡബ്ലിന്: മലങ്കര സുറിയാനി കത്തോലിക്കാ സഭയുടെ മേജര് ആര്ച്ച് ബിഷപ്പ് മോറാന്
മോര് ബസേലിയോസ് ക്ലീമിസ് കാതോലിക്കാ ബാവ ജൂണ് 24 ന് അയര്ലന്ഡില് സന്ദര്ശനം
നടത്തുന്നു. ഡബ്ലിനിലെ ഗാര്ഡിനര് സ്ട്രീറ്റ് സെന്റ് ഫ്രാന്സിസ് സേവ്യര്
പള്ളിയില് ഉച്ചകഴിഞ്ഞ് രണ്ടിന് വിശുദ്ധ കുര്ബാന അര്പ്പിക്കുന്നു. മോസ്റ്റ്
റവ. തോമസ് മാര് യൌസേബിയോസ് മെത്രാപ്പോലീത്തയും ഫാ. മാത്യു അറയ്ക്കപറമ്പിലും സഹ
കാര്മികത്വം വഹിക്കും.
പുനരൈക്യ ശില്പ്പി ദൈവദാസന് ആര്ച്ച് ബിഷപ്പ്
മാര് ഇവാനിയോസ് തിരുമേനി 1932 ല് റോമിലേക്ക് നടത്തിയ ചരിത്രമായ
തീര്ഥയാത്രയില് പതിനൊന്നാം പീയൂസ് മാര്പാപ്പയില് നിന്നും പാലിയം
സ്വീകരിച്ചതിനുശേഷം മുപ്പത്തിരണ്ടാം ദിവ്യ കാരുണ്യ കോണ്ഗ്രസില് പങ്കെടുക്കാന്
ഡബ്ലിനില് എത്തിച്ചേരുകയും, അവിടെ ഈശോ സഭ വൈദികരുടെ അതിഥിയായി കഴിയുകയും ചെയ്തു.
ഈ അവസരത്തില് ഡബ്ലിനിലെ ഗാര്ഡിനര് സ്ട്രീറ്റ് സെന്റ് ഫ്രാന്സിസ് സേവ്യര്
പള്ളിയില് മലങ്കര സുറിയാനി ക്രമത്തിലുള്ള ആഘോഷമായ വിശുദ്ധ കുര്ബാന
അര്പ്പിക്കാന് അവസരം ലഭിച്ചു. ഈ സംഭവങ്ങള് മാര് ഇവാനിയോസ് തിരുമേനിയെ പറ്റി
മാര്ഗരറ്റ് ഗിബ്ബോന്സ് എന്ന ഐറിഷ് വനിത എഴുതിയ `Mar Ivanios, Archbishop of
Trivandrum: The Story of a Great Conversion എന്ന പുസ്തകത്തില്
പ്രതിപാദിക്കുന്നുണ്ട്.
ചരിത്ര സംഭവത്തിന്റെ 80-ാമത് വാര്ഷികത്തിലാണ്
കത്തോലിക്കാ ബാവ അയര്ലന്ഡ് സന്ദര്ശിക്കുന്നത്. ചടങ്ങിലേക്ക് എല്ലാ
വിശ്വാസികളെയും ഹാര്ദമായി സ്വാഗതം ചെയ്യുന്നതായി ഭാരവാഹികള് അറിയിച്ചു.