ന്യൂയോര്ക്ക്: കഴിഞ്ഞ 16 വര്ഷമായി ഇന്ത്യയിലെ പ്രത്യേകിച്ച് കേരളത്തിലെ
അശരണര്ക്ക് താങ്ങും തണലുമായി പ്രവര്ത്തിക്കുന്ന ജീവകാരുണ്യ സംഘടനയാണ്
`ഹെല്പ്പിംഗ് ഹാന്ഡ്സ് ഓഫ് കേരള' നിസ്വാര്ത്ഥരായ ഒരുപറ്റം
മനുഷ്യസ്നേഹികളാണ് ഇതിന്റെ പിന്നില് പ്രവര്ത്തിക്കുന്നത്.
കോട്ടയം
ജില്ലയിലെ ആയംകുടി എന്ന സ്ഥലത്ത് ബുദ്ധിമാന്ദ്യമുള്ള കുട്ടികള്ക്കുവേണ്ടി
പ്രവര്ത്തിക്കുന്ന സ്കൂള് ആണ് `ആശാനികേതന്'. സ്കൂളിലെ കുട്ടികളുടെ
യാത്രാസൗകര്യത്തിന്റെ പ്രയാസങ്ങള് സ്കൂള് പ്രിന്സിപ്പല് സിസ്റ്റര് ജെസ്സി
ഹെല്പിംഗ് ഹാന്ഡ്സിന്റെ പ്രസിഡന്റ് ജോണ്സണ് മൂഴയിലിന്റെ
ശ്രദ്ധയില്പ്പെടുത്തി. ഹെല്പിംഗ് ഹാന്ഡ്സിന്റെ അംഗങ്ങളുടെ പരിശ്രമഫലമായി
ഒരുമാസംകൊണ്ട് ഒരു സ്കൂള് വാങ്ങുവാനുള്ള തുക കണ്ടെത്താനും, പുതിയ
സ്കൂള്വര്ഷത്തില് കുട്ടികളുടെ യാത്രാസൗകര്യത്തിനായി ഉപയോഗിക്കുവാനും സാധിച്ചു.
ഈ സംഘടനയില് ചേര്ന്ന് പ്രവര്ത്തിക്കുവാന് ആഗ്രഹിക്കുന്നവര്
പ്രസിഡന്റ് ജോണ്സണ് മൂഴയില് (917 603 9224), ലാലി കളപ്പുരയ്ക്കല് (516 931
7866) എന്നിവരുമായി ബന്ധപ്പെടുക. ജോസഫ് കളപ്പുരയ്ക്കല് അറിയിച്ചതാണിത്.