എം.എം.മണി സുപ്രീംകോടതിയില്‍ ഹര്‍ജി നല്‍കി
Published on 05 July, 2012
ന്യൂഡല്‍ഹി: രാഷ്ട്രീയ കൊലപാതകങ്ങളെക്കുറിച്ച് നടത്തിയ വിവാദ പ്രസംഗത്തിന്റെ അടിസ്ഥാനത്തില്‍ തനിക്കെതിരെ രജിസ്റ്റര്‍ ചെയ്ത എഫ്‌ഐആര്‍ റദ്ദാക്കണമെന്നും കേസുകള്‍ പുനരന്വേഷിക്കാനുള്ള സര്‍ക്കാര്‍ നീക്കം വിലക്കണമെന്നും ആവശ്യപ്പെട്ട് സിപിഎം ഇടുക്കി ജില്ലാ സെക്രട്ടറിയായിരുന്ന എം.എം.മണി സുപ്രീംകോടതിയില്‍ ഹര്‍ജി നല്‍കി. അഭിഭാഷകനായ ജി.പ്രകാശ് മുഖേനയാണ് മണി ഹര്‍ജി നല്‍കിയത്.
ഒരിക്കല്‍ വിചാരണ പൂര്‍ത്തിയായ കേസില്‍ പുനരന്വേഷണത്തിന് ഉത്തരവിടാന്‍ തൊടുപുഴ മജിസ്‌ട്രേറ്റ് കോടതിക്ക് അധികാരമില്ലെന്നും മണി ഹര്‍ജിയില്‍ വ്യക്തമാക്കിയിട്ടുണ്ട്. അഞ്ചേരി ബേബി, മുട്ടുകാട് നാണപ്പന്‍ വധക്കേസുകളിലെ പുനരന്വേഷണം റദ്ദാക്കണമെന്നാണ് മണി ഹര്‍ജിയില്‍ ആവശ്യപ്പെട്ടിരിക്കുന്നത്. തന്റെ പ്രസംഗം വളച്ചൊടിച്ചുവെന്നും സര്‍ക്കാര്‍ അധികാര ദുര്‍വിനിയോഗം നടത്തിയെന്നും മണി ഹര്‍ജിയില്‍ വ്യക്തമാക്കിയിട്ടുണ്ട്.
നേരത്തെ എഫ്‌ഐആര്‍ റദ്ദാക്കണമെന്നും കേസുകള്‍ പുനരന്വേഷിക്കാനുള്ള നീക്കം വിലക്കണമെന്നും ആവശ്യപ്പെട്ട് മണി സമര്‍പ്പിച്ച ഹര്‍ജി ഹൈക്കോടതി തള്ളിയിരുന്നു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala