യുക്തിവാദം (കൃഷ്‌ണ)
കൃഷ്‌ണ Published on 21 October, 2012
യുക്തിവാദികള്‍ എന്ന്‌ പറയപ്പെടുന്ന ചിലരെപ്പറ്റി നമ്മളെല്ലാം കേട്ടിട്ടുണ്ട്‌.
ആരാണ്‌ യുക്തിവാദികള്‍!
എനിക്ക്‌ മനസ്സിലായിടത്തോളം പഞ്ചേന്ദ്രിയങ്ങളും മനസ്സും കൊണ്ട്‌ അനുഭവിച്ചറിയാന്‍ കഴിയാത്തതിനെയെല്ലാം അന്ധവിശ്വാസം, അറിവുകേട്‌ എന്നെല്ലാം പറഞ്ഞ്‌ പുച്ഛത്തോടെ തള്ളിക്കളയുന്ന ആളുകള്‍!. അവരെ സംബന്ധിച്ചിടത്തോളം ഇന്ന്‌ നമ്മള്‍ സയന്‍സ്‌ എന്ന്‌ പറയുന്ന ശാസ്‌ത്രവിഭാഗം അംഗീകരിക്കാത്തതൊന്നും ശരിയല്ല. സംസാരിക്കുമ്പോള്‍! നാഴികക്ക്‌ നാല്‌പ്പതുവട്ടം അശാസ്‌ത്രീയം എന്ന്‌ പറയാനാണ്‌ അവര്‌ക്ക്‌ താല്‌പര്യം.അവര്‍ പറയുന്നത്‌ പലതും ശരിയാകാം. പക്ഷെ ഫിസിക്‌സും കെമിസ്‌ട്രിയും അതുപോലെയുള്ള ശാസ്‌ത്രവിഭാഗങ്ങളും ഇന്നുവരെ എത്തിച്ചേരാത്ത അറിവുകളെല്ലാം തെറ്റാണെന്ന്‌ വാദിച്ചാല്‍?
ദൈവമാണ്‌ അവരുടെ ആദ്യത്തെ ഇര. ദൈവസങ്കല്‌പ്പത്തില്‍ വിശ്വസിക്കുന്നവരെല്ലാം അജ്ഞാനികള്‍!.
എല്ലാവരും ഇങ്ങനെയാകണമെന്നില്ല. പക്ഷെ പലരും ഇങ്ങനെയാണെന്നാണ്‌ തോന്നുന്നത്‌.
ഞാന്‍ ഇപ്പോള്‍ ഇത്‌എഴുതാന്‍ കാരണം അടുത്തിടെ ടി.വി.യില്‍ കണ്ട ഒരു പരിപാടിയാണ്‌. പാമ്പുകളെ പ്പറ്റിയായിരുന്നു ചര്‍ച്ച.
പാമ്പിനെ പിടിക്കുന്ന (കൊല്ലാന്‍ വേണ്ടിയല്ല) ചിലരും പിന്നെ മറ്റുചിലരും ആയിരുന്നു വേദിയില്‍!. അവരോടൊപ്പം ഒരു യുക്തിവാദിയും.
എല്ലാവരും പാമ്പ്‌ എന്ന പദം ഉപയോഗിച്ചുകൊണ്ടിരുന്നപ്പോള്‍ വേദിയിലുണ്ടായിരുന്ന ഒരാള്‍ സര്‍പ്പം എന്ന്‌ പറഞ്ഞു. യുക്തിവാദി ഇടപെട്ടു: 'പാമ്പ്‌ എന്ന്‌ പറഞ്ഞാല്‍ മതി.' പിന്നീട്‌ ഒരാള്‍ നാഗം എന്ന്‌ പറഞ്ഞതും അദ്ദേഹത്തിനിഷ്ടപ്പെട്ടില്ല. `പാമ്പ്‌ എന്ന്‌ പറഞ്ഞാല്‍ മതി.' യുക്തിവാദി പറഞ്ഞു.
പാമ്പ്‌ എന്ന്‌ പറയുന്നതിനുപകരം സര്‍പ്പം, നാഗം എന്നെല്ലാം പറയുന്നത്‌ ഏതു യുക്തിക്ക്‌ എതിരാണെന്ന്‌ എനിക്ക്‌ മനസ്സിലായില്ല. ഇതൊക്കെയാണോ യുക്തിവാദിയുടെ വീക്ഷണം? സാധാരണ ഉപയോഗിക്കുന്ന ഒരു വാക്കിന്‌ പകരം അതിന്റെ പര്യായം ഉപയോഗിക്കുന്നത്‌ യുക്തിയ്‌ക്ക്‌ എതിരാകുമോ? അമ്മ എന്നു പറയുന്നതിനുപകരം മാതാവ്‌, ജനനി എന്നെല്ലാം പറഞ്ഞാല്‍ അതില്‍ യുക്തിഭംഗമുണ്ടോ? ഇതൊക്കെയാണോ യുക്തിവാദം? നാഗം, സര്‍പ്പം എന്നെല്ലാം പറയുമ്പോള്‍ അതില്‍ ഭക്തിയോ ആദരവോ ഒക്കെയുണ്ടെന്നു സമ്മതിക്കാം.
മനുഷ്യനെക്കാളേറെ പ്രകൃതിയോടടുത്തു നില്‌ക്കുന്ന സര്‍പ്പങ്ങളെ ആദരിക്കുന്നത്‌ തെറ്റാണെന്നാണോ യുക്തിവാദം പഠിപ്പിക്കുന്നത്‌? മനുഷ്യനാണോ പ്രകൃതിയിലെ ഏറ്റവും മഹാന്‍? മനുഷ്യന്‌ കേള്‍ക്കാനാകാത്ത ശബ്ദങ്ങള്‍ കേള്‍ക്കുന്ന നായയും സുനാമിയുടെ വരവ്‌ മുന്‍കൂട്ടിയറിഞ്ഞു പ്രതികരിച്ച ചെറുജീവികളും എങ്ങനെ മനുഷ്യനേക്കാള്‍ മോശമാകും?
യുക്തിവാദികള്‍ ധരിച്ചിരിക്കുന്നത്‌ പ്രപഞ്ചരഹസ്യങ്ങളെല്ലാം സയന്‍സ്‌ മനസ്സിലാക്കിക്കഴിഞ്ഞു എന്നാണെന്ന്‌ തോന്നുന്നു. യഥാര്‍ത്ഥത്തില്‍ സയന്‍സ്‌ എന്താണ് വിശദീകരിക്കുന്നത്‌? പ്രപഞ്ചത്തിലെ ഏതാനും ചില പ്രതിഭാസങ്ങളെപ്പറ്റി അവ എങ്ങനെ രൂപപ്പെടുന്നു എന്ന്‌ വിശദീകരിക്കുന്നു. (പ്രപഞ്ചത്തിലെ എണ്ണമറ്റ പ്രതിഭാസങ്ങളുടെ 0.01 ശതമാനത്തെപ്പറ്റിപ്പോലും മുകളില്‍ പറഞ്ഞ ശാസ്‌ത്രശാഖകള്‍ക്ക്‌ അറിവുണ്ടെന്ന്‌ എനിക്ക്‌ തോന്നുന്നില്ല. ഭൂമി എന്ന ഗ്രഹത്തിന്റെം മാത്രം കാര്യമെടുത്താല്‍ പോലും.).
അതുമല്ല, ഒരിക്കല്‍ സ്ഥാപിച്ചത്‌ പലതും പിന്നീട്‌ ശാസ്ത്രത്തിന് മാറ്റേണ്ടിവന്നിട്ടുണ്ട്‌, തിരുത്തേണ്ടിവന്നിട്ടുണ്ട്‌. എങ്ങനെ രൂപപ്പെടുന്നു എന്നതിനപ്പുറം അങ്ങനെയെല്ലാം രൂപപ്പെടുത്തുന്ന ഊര്‍ജ്ജം ഇതാണ്‌ എന്ന്‌ ശാസ്ത്രത്തിന് പറയാന്‍ കഴിയുമോ? ഭൂമി സൂര്യനെ ചുറ്റുന്നതിലൂടെ കാലാവസ്ഥകള്‍ മാറുന്നു. പക്ഷെ ഏതു ശക്തിയാണ്‌ അങ്ങനെ ചുറ്റിക്കുന്നത്‌, ആ ശക്തിയുടെ സ്രോതസ്സ്‌ ഏതാണ്‌ എന്നെല്ലാം യുക്തിവാദികള്‍ക്ക്‌ പറയാനാകുമോ?
ഇലക്ട്രിസിറ്റി ഒരേസമയം ഫാനും കൂളറും ഹീറ്ററും ലൈറ്റും പ്രവര്‌ത്തിപ്പിക്കുന്നു. ആ പ്രവര്‍ത്തനങ്ങള്‍ നടക്കത്തക്ക രീതിയില്‍ ഉപകരണങ്ങള്‍ ഉണ്ടാക്കിയിരിക്കുന്നു. അതേപ്രകാരം ലോകത്തിലെ പ്രവര്‍ത്തനങ്ങള്‍ എല്ലാം (വസ്‌തുസംബന്ധവും ശാരീരികവും മാനസികവും അതിനപ്പുറത്തുള്ളതും എല്ലാം) നടപ്പാക്കുന്നതും അതിനൊത്ത ഉപകരണങ്ങള്‍ സൃഷ്ടിക്കുന്നതുമായ ഒരു സുപ്പര്‍ ഇലക്ട്രിസിറ്റി ഉണ്ടെന്നു മനസ്സിലാക്കുന്നതില്‍ തെറ്റുണ്ടോ? അതിനെ എതുപേരും വിളിക്കാം.
ദൈവം മുതല്‍ പിശാച്‌ വരെ എതുപേരും. പേരെന്തായാലും അതിന്റെ കഴിവ്‌ കുറയുകയില്ലല്ലോ. അതിന്റെ്‌ പ്രവര്‍ത്തനരീതികളിലെ ചില സത്യങ്ങള്‍ മനസ്സിലാക്കിയെടുക്കാനുള്ള ശക്തി ചില മനുഷ്യര്‍ക്ക്‌ അത് നല്‍കുന്നു. അവര്‍ ശാസ്‌ത്രജ്ഞരാകുന്നു. അത്രമാത്രം. അല്ലാതെ ആ സുപ്പര്‍ ഇലക്ട്രിസിറ്റി എങ്ങനെ ഓരോന്നിനും ഇന്നുകാണുന്ന കഴിവുകള്‍ നല്‌കി എന്ന്‌ പറയാന്‍ ഒരു ശാസ്‌ത്രജ്ഞനും കഴിയില്ലല്ലോ?
ആ ശക്തിയെ ദൈവം എന്ന്‌ പറയുന്നത്‌ നാണക്കേടായി തോന്നുന്നവര്‍ക്ക്‌ അതിനെ സൂപ്പര്‍ പവര്‍, സൂപ്പര്‍ ഇലക്ട്രിസിറ്റി എന്നെല്ലാം വിളിക്കാമല്ലോ? പേരിലല്ല കാര്യം, അംഗീകരിക്കലിലാണ്‌. അതിനെ അംഗീകരിച്ചില്ലെങ്കിലും അത് പ്രവര്‍ത്തിച്ചുകൊണ്ടിരിക്കും. പക്ഷെ അതിനെ അംഗീകരിക്കാതെ നിഷേധിച്ചാല്‍ അതില്‍ സത്യമുണ്ടോ? കണ്മുന്‍പിലുള്ളതിനെ എങ്ങനെ കാണാതിരിക്കാന്‍ കഴിയും?
ലോകം കണ്ട ഏറ്റവും മഹാനായ ഒരു ശാസ്‌ത്രജ്ഞനായിരുന്ന ആല്‍ബര്‍ട്ട്‌ ഐന്‍സ്റ്റീന്‍ പറഞ്ഞ ഒരു വാചകം ഇവിടെ ഉദ്ധരിച്ചുകൊള്ളട്ടെ:
He said: Where physics ends, Metaphysics starts.
തെറ്റുകളെ അംഗീകരിക്കണമെന്നല്ല ഞാനുദ്ദേശിക്കുന്നത്‌. മുകളില്‍ പറഞ്ഞ, ഐന്‍സ്റ്റീന്‍ തിരിച്ചറിഞ്ഞ ആ സത്യംകൂടി അംഗീകരിക്കണമെന്നുമാത്രം. ഇല്ലെങ്കില്‍ അത് യുക്തിവാദമല്ല, അയുക്തിവാദമായിത്തീരും.
എനിക്ക്‌ മനസ്സിലായിടത്തോളം പഞ്ചേന്ദ്രിയങ്ങളും മനസ്സും കൊണ്ട്‌ അനുഭവിച്ചറിയാന്‍ കഴിയാത്തതിനെയെല്ലാം അന്ധവിശ്വാസം, അറിവുകേട്‌ എന്നെല്ലാം പറഞ്ഞ്‌ പുച്ഛത്തോടെ തള്ളിക്കളയുന്ന ആളുകള്‍!. അവരെ സംബന്ധിച്ചിടത്തോളം ഇന്ന്‌ നമ്മള്‍ സയന്‍സ്‌ എന്ന്‌ പറയുന്ന ശാസ്‌ത്രവിഭാഗം അംഗീകരിക്കാത്തതൊന്നും ശരിയല്ല. സംസാരിക്കുമ്പോള്‍! നാഴികക്ക്‌ നാല്‌പ്പതുവട്ടം അശാസ്‌ത്രീയം എന്ന്‌ പറയാനാണ്‌ അവര്‌ക്ക്‌ താല്‌പര്യം.അവര്‍ പറയുന്നത്‌ പലതും ശരിയാകാം. പക്ഷെ ഫിസിക്‌സും കെമിസ്‌ട്രിയും അതുപോലെയുള്ള ശാസ്‌ത്രവിഭാഗങ്ങളും ഇന്നുവരെ എത്തിച്ചേരാത്ത അറിവുകളെല്ലാം തെറ്റാണെന്ന്‌ വാദിച്ചാല്‍?
ദൈവമാണ്‌ അവരുടെ ആദ്യത്തെ ഇര. ദൈവസങ്കല്‌പ്പത്തില്‍ വിശ്വസിക്കുന്നവരെല്ലാം അജ്ഞാനികള്‍!.
എല്ലാവരും ഇങ്ങനെയാകണമെന്നില്ല. പക്ഷെ പലരും ഇങ്ങനെയാണെന്നാണ്‌ തോന്നുന്നത്‌.
ഞാന്‍ ഇപ്പോള്‍ ഇത്‌എഴുതാന്‍ കാരണം അടുത്തിടെ ടി.വി.യില്‍ കണ്ട ഒരു പരിപാടിയാണ്‌. പാമ്പുകളെ പ്പറ്റിയായിരുന്നു ചര്‍ച്ച.
പാമ്പിനെ പിടിക്കുന്ന (കൊല്ലാന്‍ വേണ്ടിയല്ല) ചിലരും പിന്നെ മറ്റുചിലരും ആയിരുന്നു വേദിയില്‍!. അവരോടൊപ്പം ഒരു യുക്തിവാദിയും.
എല്ലാവരും പാമ്പ്‌ എന്ന പദം ഉപയോഗിച്ചുകൊണ്ടിരുന്നപ്പോള്‍ വേദിയിലുണ്ടായിരുന്ന ഒരാള്‍ സര്‍പ്പം എന്ന്‌ പറഞ്ഞു. യുക്തിവാദി ഇടപെട്ടു: 'പാമ്പ്‌ എന്ന്‌ പറഞ്ഞാല്‍ മതി.' പിന്നീട്‌ ഒരാള്‍ നാഗം എന്ന്‌ പറഞ്ഞതും അദ്ദേഹത്തിനിഷ്ടപ്പെട്ടില്ല. `പാമ്പ്‌ എന്ന്‌ പറഞ്ഞാല്‍ മതി.' യുക്തിവാദി പറഞ്ഞു.
പാമ്പ്‌ എന്ന്‌ പറയുന്നതിനുപകരം സര്‍പ്പം, നാഗം എന്നെല്ലാം പറയുന്നത്‌ ഏതു യുക്തിക്ക്‌ എതിരാണെന്ന്‌ എനിക്ക്‌ മനസ്സിലായില്ല. ഇതൊക്കെയാണോ യുക്തിവാദിയുടെ വീക്ഷണം? സാധാരണ ഉപയോഗിക്കുന്ന ഒരു വാക്കിന്‌ പകരം അതിന്റെ പര്യായം ഉപയോഗിക്കുന്നത്‌ യുക്തിയ്‌ക്ക്‌ എതിരാകുമോ? അമ്മ എന്നു പറയുന്നതിനുപകരം മാതാവ്‌, ജനനി എന്നെല്ലാം പറഞ്ഞാല്‍ അതില്‍ യുക്തിഭംഗമുണ്ടോ? ഇതൊക്കെയാണോ യുക്തിവാദം? നാഗം, സര്‍പ്പം എന്നെല്ലാം പറയുമ്പോള്‍ അതില്‍ ഭക്തിയോ ആദരവോ ഒക്കെയുണ്ടെന്നു സമ്മതിക്കാം.
മനുഷ്യനെക്കാളേറെ പ്രകൃതിയോടടുത്തു നില്‌ക്കുന്ന സര്‍പ്പങ്ങളെ ആദരിക്കുന്നത്‌ തെറ്റാണെന്നാണോ യുക്തിവാദം പഠിപ്പിക്കുന്നത്‌? മനുഷ്യനാണോ പ്രകൃതിയിലെ ഏറ്റവും മഹാന്‍? മനുഷ്യന്‌ കേള്‍ക്കാനാകാത്ത ശബ്ദങ്ങള്‍ കേള്‍ക്കുന്ന നായയും സുനാമിയുടെ വരവ്‌ മുന്‍കൂട്ടിയറിഞ്ഞു പ്രതികരിച്ച ചെറുജീവികളും എങ്ങനെ മനുഷ്യനേക്കാള്‍ മോശമാകും?
യുക്തിവാദികള്‍ ധരിച്ചിരിക്കുന്നത്‌ പ്രപഞ്ചരഹസ്യങ്ങളെല്ലാം സയന്‍സ്‌ മനസ്സിലാക്കിക്കഴിഞ്ഞു എന്നാണെന്ന്‌ തോന്നുന്നു. യഥാര്‍ത്ഥത്തില്‍ സയന്‍സ്‌ എന്താണ് വിശദീകരിക്കുന്നത്‌? പ്രപഞ്ചത്തിലെ ഏതാനും ചില പ്രതിഭാസങ്ങളെപ്പറ്റി അവ എങ്ങനെ രൂപപ്പെടുന്നു എന്ന്‌ വിശദീകരിക്കുന്നു. (പ്രപഞ്ചത്തിലെ എണ്ണമറ്റ പ്രതിഭാസങ്ങളുടെ 0.01 ശതമാനത്തെപ്പറ്റിപ്പോലും മുകളില്‍ പറഞ്ഞ ശാസ്‌ത്രശാഖകള്‍ക്ക്‌ അറിവുണ്ടെന്ന്‌ എനിക്ക്‌ തോന്നുന്നില്ല. ഭൂമി എന്ന ഗ്രഹത്തിന്റെം മാത്രം കാര്യമെടുത്താല്‍ പോലും.).
അതുമല്ല, ഒരിക്കല്‍ സ്ഥാപിച്ചത്‌ പലതും പിന്നീട്‌ ശാസ്ത്രത്തിന് മാറ്റേണ്ടിവന്നിട്ടുണ്ട്‌, തിരുത്തേണ്ടിവന്നിട്ടുണ്ട്‌. എങ്ങനെ രൂപപ്പെടുന്നു എന്നതിനപ്പുറം അങ്ങനെയെല്ലാം രൂപപ്പെടുത്തുന്ന ഊര്‍ജ്ജം ഇതാണ്‌ എന്ന്‌ ശാസ്ത്രത്തിന് പറയാന്‍ കഴിയുമോ? ഭൂമി സൂര്യനെ ചുറ്റുന്നതിലൂടെ കാലാവസ്ഥകള്‍ മാറുന്നു. പക്ഷെ ഏതു ശക്തിയാണ്‌ അങ്ങനെ ചുറ്റിക്കുന്നത്‌, ആ ശക്തിയുടെ സ്രോതസ്സ്‌ ഏതാണ്‌ എന്നെല്ലാം യുക്തിവാദികള്‍ക്ക്‌ പറയാനാകുമോ?
ഇലക്ട്രിസിറ്റി ഒരേസമയം ഫാനും കൂളറും ഹീറ്ററും ലൈറ്റും പ്രവര്‌ത്തിപ്പിക്കുന്നു. ആ പ്രവര്‍ത്തനങ്ങള്‍ നടക്കത്തക്ക രീതിയില്‍ ഉപകരണങ്ങള്‍ ഉണ്ടാക്കിയിരിക്കുന്നു. അതേപ്രകാരം ലോകത്തിലെ പ്രവര്‍ത്തനങ്ങള്‍ എല്ലാം (വസ്‌തുസംബന്ധവും ശാരീരികവും മാനസികവും അതിനപ്പുറത്തുള്ളതും എല്ലാം) നടപ്പാക്കുന്നതും അതിനൊത്ത ഉപകരണങ്ങള്‍ സൃഷ്ടിക്കുന്നതുമായ ഒരു സുപ്പര്‍ ഇലക്ട്രിസിറ്റി ഉണ്ടെന്നു മനസ്സിലാക്കുന്നതില്‍ തെറ്റുണ്ടോ? അതിനെ എതുപേരും വിളിക്കാം.
ദൈവം മുതല്‍ പിശാച്‌ വരെ എതുപേരും. പേരെന്തായാലും അതിന്റെ കഴിവ്‌ കുറയുകയില്ലല്ലോ. അതിന്റെ്‌ പ്രവര്‍ത്തനരീതികളിലെ ചില സത്യങ്ങള്‍ മനസ്സിലാക്കിയെടുക്കാനുള്ള ശക്തി ചില മനുഷ്യര്‍ക്ക്‌ അത് നല്‍കുന്നു. അവര്‍ ശാസ്‌ത്രജ്ഞരാകുന്നു. അത്രമാത്രം. അല്ലാതെ ആ സുപ്പര്‍ ഇലക്ട്രിസിറ്റി എങ്ങനെ ഓരോന്നിനും ഇന്നുകാണുന്ന കഴിവുകള്‍ നല്‌കി എന്ന്‌ പറയാന്‍ ഒരു ശാസ്‌ത്രജ്ഞനും കഴിയില്ലല്ലോ?
ആ ശക്തിയെ ദൈവം എന്ന്‌ പറയുന്നത്‌ നാണക്കേടായി തോന്നുന്നവര്‍ക്ക്‌ അതിനെ സൂപ്പര്‍ പവര്‍, സൂപ്പര്‍ ഇലക്ട്രിസിറ്റി എന്നെല്ലാം വിളിക്കാമല്ലോ? പേരിലല്ല കാര്യം, അംഗീകരിക്കലിലാണ്‌. അതിനെ അംഗീകരിച്ചില്ലെങ്കിലും അത് പ്രവര്‍ത്തിച്ചുകൊണ്ടിരിക്കും. പക്ഷെ അതിനെ അംഗീകരിക്കാതെ നിഷേധിച്ചാല്‍ അതില്‍ സത്യമുണ്ടോ? കണ്മുന്‍പിലുള്ളതിനെ എങ്ങനെ കാണാതിരിക്കാന്‍ കഴിയും?
ലോകം കണ്ട ഏറ്റവും മഹാനായ ഒരു ശാസ്‌ത്രജ്ഞനായിരുന്ന ആല്‍ബര്‍ട്ട്‌ ഐന്‍സ്റ്റീന്‍ പറഞ്ഞ ഒരു വാചകം ഇവിടെ ഉദ്ധരിച്ചുകൊള്ളട്ടെ:
He said: Where physics ends, Metaphysics starts.
തെറ്റുകളെ അംഗീകരിക്കണമെന്നല്ല ഞാനുദ്ദേശിക്കുന്നത്‌. മുകളില്‍ പറഞ്ഞ, ഐന്‍സ്റ്റീന്‍ തിരിച്ചറിഞ്ഞ ആ സത്യംകൂടി അംഗീകരിക്കണമെന്നുമാത്രം. ഇല്ലെങ്കില്‍ അത് യുക്തിവാദമല്ല, അയുക്തിവാദമായിത്തീരും.
Facebook Comments
Comments
Abhijith R 2014-06-01 07:04:03
Dear sir, I thought you had proper education, I was wrong. ശാസ്ത്രത്തിന് എല്ലാമറിയില്ല, ശാസ്ത്രം മാറിക്കൊണ്ടിരിക്കുന്നു. ശാസ്ത്രം മാറിക്കൊണ്ടിരിക്കുന്നു എന്നതുതന്നെയാണ് അതിന്റെ ശക്തിയും. അത് നൂറ്റാണ്ടുകള്‍ക്ക് മുമ്പ് ജീവിച്ചിരുന്നവരുടെ വിശ്വാസങ്ങളെ അതിജീവിച്ച് പുതിയ അറിവുകള്‍ നേടിയും, തെറ്റായവ കണ്ടെത്തി തിരുത്തിയും വികസിക്കുന്നു. അങ്ങനെ മാറിയിരുന്നില്ലെങ്കില്‍ അതും ഒരു മതം മാത്രമായേനേ. പിന്നെ, സാറിന്റെ ചില ചോദ്യങ്ങള്‍ ഏതൊരു ഹൈസ്കൂള്‍ ശാസ്ത്ര വിദ്യാര്‍ഥിക്കും പറഞ്ഞുതരാനാകുന്നതേ ഉള്ളൂ. സൂര്യനും ഭൂമിയും മറ്റും ചുറ്റുന്നത് ഗ്രാവിറ്റി എന്ന ഊര്‍ജത്താലാണെന്നും എന്താണ് വൈദ്യുതിയെന്നും, അതിന്റെ സ്വഭാവങ്ങളും നമുക്കിന്ന് അറിയാവുന്നതാണ്. സാറിപ്പറഞ്ഞ ദൈവത്തിന്റെ വിവരങ്ങള്‍ ശാസ്ത്രീയമായി തെളിയിക്കാനാകാത്തതിനാലാണ് ഞങ്ങളില്‍ ചിലര്‍ അവിശ്വാസികള്‍/യുക്തിവാതികള്‍ ആയത്. സാറിനത് തെളിയിക്കാമെങ്കില്‍ ഞാന്‍ അങ്ങയുടെ ദൈവത്തിന്റെ അസ്തിത്വത്തെ അംഗീകരിക്കാം
Vnod Shankar 2014-06-01 10:15:12
ഇദ്ദേഹത്തിന്റെ 'സൂപ്പർ ഇലക്ട്രിസിറ്റി' (ദൈവത്തിന്റെ പുതിയ പേര്) അടിക്കൂടെ വന്നു തലേക്കേറി ലോകം നയിക്കുന്ന സത്യാവസ്ഥ കാണിച്ചു കൊടുക്കുന്ന, വാ തോരാതെ അക്കാര്യം പറയുകയും, പിന്നെ ഇതുപോലെ പത്രങ്ങളിലും മറ്റും എഴുതിപ്പിടിപ്പികയും ചെയ്യുന്ന ഒരുപാടെണ്ണം മറ്റുള്ളവരുടെ സ്വൈരം കളയാൻ ഇറങ്ങിത്തിരിച്ചിട്ടുണ്ട്. ഇദ്ദേഹത്തിന്റെ 'സൂപ്പർ ഇലക്ട്രിസിറ്റി' യുടെ സ്വിച്ചു എവിടാ, ഇങ്ങോട്ടൊന്ന് തരാമോന്നു ചോദിച്ചാൽ 'യുക്തിവാദി' യാ, മറ്റേതാ എന്നെല്ലാം പുലമ്പും. ശ്ശോ... മടുത്തു! സാക്ഷാൽ കൃഷ്ണനും ഇതു കേട്ട് മൂക്കേൽ കൈ വെക്കില്ലേ കുമാരാ? ദാ, വായിക്ക്...
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala