പ്രണയത്തിന്
മഴയാകാമായിരിക്കാം,
ഇലയാകാമായിരിക്കാം,
അതിന്-
പക്ഷിയാകാമായിരിക്കാം.
ഇപ്പോളവള്
കണ്ണാടിയില് നോക്കുകയായിരിക്കാം;
അവളുടെ-
കടല്ക്കണ്ണുകളില് തിരകളിളകുന്നുണ്ടായിരിക്കാം;
എന്നാണ്
കിളിയേ
ദലമേ
മഴമേഘമേ
എന്റെ വസന്തശകുന്തളത്തിന്
നിങ്ങളുടെ TEXT MESSAGE യാത്രപോകുന്നത്?
പ്രണയത്തിന്
മഴയാകാമായിരിക്കാം;
അതിലവള് നനയുകയായിരിക്കാം;
അവള് - മുംതാസ്; ശലോമോന്റെ-
സ്നേഹജപമാലയില്
വിരലുകളോടിക്കുകയാകാം!
ഇപ്പോളവള്
ചെടിനടുകയായിരിക്കാം;
അവളുടെ-
ചെറിപൂത്തമനസ്സില് മഴപൊഴിയുകയായിരിക്കാം;
കുഞ്ഞു മുയലുകള്
കുരുത്തുവരുന്ന പ്രണയത്തിന്റെ
തളിര് നുള്ളുകയായിരിക്കാം; അവള്-
മകളെ പുന്നാരിക്കുന്ന നിനവിലായിരിക്കാം.
പ്രണയത്തിന്
മഴയാകാമായിരിക്കാം;
അതിലവള് നനയുകയായിരിക്കാം;
അവള് - മറിയം; എന്റെ-
മുറിവേറ്റ പ്രണയത്തിന്
മരുന്ന് പുരട്ടുന്നവള്!
ഇപ്പോളവള്
ഈശോയോട് പ്രാര്ത്ഥിക്കുകയായിരിക്കാം;
അവളുടെ-
ON CALLരാത്രിയിലെ ചൂടുപുതപ്പിലായിരിക്കാം;
ഇന്നത്തെ ബുദ്ധപൗര്ണ്ണമിയില്
ഒരേചന്ദ്രനെ നീയും ഞാനും ഒരേശ്വാസത്തില്
ഒന്നിച്ച് കൊതിച്ചുപോയിരിക്കാം! ...
but i am very happy to say the romantic lines by the lover surpasses the song of songs and may be even the Rubiyat.
Enjoy the love feelings in dreams and reality.
may your dreams come fullfill.
andrews