അമേരിക്കയിലെ സുപ്രസിദ്ധ കവയിത്രിയും, സാഹിത്യ പ്രതിഭയുമായ ശ്രീമതി എല്സി
യോഹന്നാന് ശങ്കരത്തിലിന്റെ ഒന്പതാമത്തെ പുസ്തകം `നേര്ക്കാഴ്ചകള്' കേരളാ
മുഖ്യമന്ത്രി ശ്രീ ഉമ്മന് ചാണ്ടി, ശ്രീ. കെ. മുരളീധരന് എം.എല്.എയ്ക്ക് നല്കി
തിരുവനന്തപുരത്തു വച്ച് പ്രകാശനം ചെയ്തു.
കഴിഞ്ഞ 43 വര്ഷങ്ങളായി
അമേരിക്കയില് താമസിച്ചിട്ടും മലയാള ഭാഷയെ മറക്കാതെ മാറോടണച്ച്് ആരാധിക്കുന്ന
ശ്രീമതി എല്സി യോഹന്നാനെ പ്രശംസിച്ച്, ആ കുടുംബത്തോടുള്ള തന്റെ ഉറ്റ
സ്നേഹബന്ധവും മറ്റും സ്മരിച്ചുകൊണ്ട് ശ്രീ ഉമ്മന് ചാണ്ടി
സംസാരിച്ചു.
ശ്രീമതി എല്സി യോഹന്നാന് പ്രസിദ്ധീകരിച്ച വിശ്വ മഹാകവി
രവീന്ദ്ര നാഥ ടാഗോറിന്റെ നൊബേല് സമ്മാനാര്ഹമായ ഗീതാഞ്ജലിയുടെ വൃത്തബദ്ധമായ
പരിഭാഷയുള്പ്പടെ മറ്റ് എട്ടു പുസ്തകങ്ങളും കവിതാ സമാഹാരങ്ങളാണ്്,
`നേര്ക്കാഴ്ചകള്' ഗദ്യസമാഹാരവും. ഇംഗ്ലീഷിലും മലയാളത്തിലും മറ്റു ധാരാളം
കവിതകളും ലേഖനങ്ങളും പ്രസിദ്ധീകരിക്കയും, അമേരിക്കയിലും കേരളത്തിലും നിരവധി
പുരസ്ക്കാരങ്ങള് നേടുകയും ചെയതിട്ടുണ്ട്. 34 വര്ഷക്കാലം ന്യൂയോര്ക്ക് നാസാ
കൗണ്ടി ഡിപ്പാര്ട്ടുമെന്റ് ഓഫ് പബ്ലിക്ക് വര്ക്സില് എന്ജിനീയറായി ജോലി
ചെയ്തു വിരമിച്ച ശേഷം സമുദായിക, സാമൂഹ്യ, സാംസ്കാരിക രംഗങ്ങളില്
പ്രവര്ത്തിക്കുന്ന എല്സി യോഹന്നാന് ശങ്കരത്തില്, വെരി. റവ. ഡോ. യോഹന്നാന്
ശങ്കരത്തില് കോറെപ്പിസ്ക്കോപ്പായുടെ സഹധര്മ്മിണിയാണ്.