മസ്കിറ്റ്(ഡാളസ്): കേരള അസ്സോസിയേഷന് ഓഫ് ഡാളസ് എല്ലാവര്ഷവും സംഘടിപ്പിക്കാറുള്ള വാര്ഷിക പിക്ക്നിക്കും, സ്പോര്ട്സും, ഈ വര്ഷം ഒക്ടോബര് 1 ശനിയാഴ്ച നടത്തുന്നതാണ്.
കേരള അസ്സോസിയേഷന് പുതിയതായി വാങ്ങിയ കേരള കമ്മ്യൂണിറ്റി സെന്ററിലാണ് ഈ വര്ഷത്തെ പരിപാടികള് സംഘടിപ്പിക്കുന്നത്.
കേരള അസ്സോസിയേഷന് അംഗങ്ങള്ക്കും, കുടുംബത്തിനും ഒരേ സമയം പങ്കെടുക്കാവുന്ന വിവിധ സ്പോര്ട്സ് ഇനങ്ങള് , ബാര്ബിക്യൂ, കപ്പപുഴക്ക്, കാന്താരി സമ്മന്തി, സംഭാരം തുടങ്ങിയ ഭക്ഷണ പദാര്ത്ഥങ്ങള് എന്നിവ അസ്സോസിയേഷന് ഒരുക്കിയിട്ടുണ്ട്.
ഗാര്ലാന്റില് ബ്രോഡ് വേയില് സ്ഥിതി ചെയ്യുന്ന മൂന്നേക്കറോളം വരുന്ന സ്ഥലത്ത് സംഘടിപ്പിച്ചിരിക്കുന്ന ഈ സ്പോര്ട്സിലും, പിക്ക്നിക്കിലും ഡാളസ് ഫോര്ട്ട് വര്ത്ത് മെട്രോപ്ലക്സിലുള്ള എല്ലാ മലയാളികളേയും പ്രത്യേകം ക്ഷണിക്കുന്നതായി സംഘാടകരായ ഏലിയാസ് പത്രോസ്, സൈമണ് ജേക്കബ് എന്നിവര് അറിയിച്ചു. പ്രവേശം സൗജന്യമാണ്.