Image

ചിന്താഭാരം - കവിത (മാത്യു മൂലേച്ചേരില്‍ )

മാത്യു മൂലേച്ചേരില്‍ Published on 23 May, 2013
ചിന്താഭാരം - കവിത (മാത്യു മൂലേച്ചേരില്‍ )

മോഹത്തളികയിലാ-
ദൃശ്യങ്ങള്‍ വീണ്ടും!...

ചെറുവിത്തുകളായി,
ചെടികളായി,
മരങ്ങളായി,
പൂക്കളായി!

നിറങ്ങള്‍ കാണാം-
നറുമണം അറിയാം!

എത്തിപ്പിടിക്കുവാനോ,
ചാടിപ്പിടിക്കുവാനോ,
പറ്റാത്തത്ര-
ഉയര്‍ന്ന ശിഖരത്തില്‍!

തൊട്ടീടാന്‍
നീണ്ട തോട്ടി തന്നെ
കൂട്ടിനു വേണം!

നല്ല കാറ്റിനാലും പറ്റും!
കാറ്റില്ലാതുള്ള,
ഇടിയില്ലാതുള്ള,
മുഴുത്ത മഴയ്ക്കോ;
കുറുകി വീഴുന്ന മഴയ്ക്കോ കഴിയും

അന്ത്യംവരെ കാത്തിരിക്കാം!
ഉണങ്ങിക്കരിഞ്ഞ്-
താഴെ വീഴുംവരെ!

ഉണങ്ങിക്കരിഞ്ഞിട്ടുമപ്പോഴും
ഞെടുപ്പില്‍ന്നിന്നാപ്പിടി
കണ്ണുമടച്ചങ്ങ്
വിട്ടീടുകില്ലെങ്കില്‍ കഷ്ടം!

ചിന്താഭാരം - കവിത (മാത്യു മൂലേച്ചേരില്‍ )
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക