തിരുവല്ല : മലയാള ഭാഷയ്ക്ക് ക്ലാസിക്കല് പദവി
ലഭിക്കുമ്പോള് അമേരിക്കന് മലയാളി എഴുത്തുകാരുടെ സംഘടനയ്ക്ക് അഭിമാനമെന്ന്
ലാനാ മുന് പ്രസിഡന്റ് ഏബ്രഹാം തെക്കേമുറി. 2010 ല് ഫ്ളോറിഡായില് നടന്ന
കണ്വന്ഷന്റെ പ്രധാന പ്രമേയമായിരുന്നു മധുരം മലയാളത്തിന് ക്ലാസിക്കല്
പദവി നല്കുക എന്നത്. അതിന്റെ എളിയ ഭാഗമാകാന് അമേരിക്കന് മലയാളികള്ക്ക്
കഴിഞ്ഞതില് മഹാഭാഗ്യമാണെന്നും അദ്ദേഹം പറഞ്ഞു.
ഫ്ളോറിഡയില് വച്ച് നടന്ന ലാനാ സമ്മേളനത്തില് മലയാള ഭാഷയ്ക്ക്
ക്ലാസിക്കല് പദവി നല്കണമെന്നാവശ്യപ്പെട്ട് അന്നത്തെ മുഖ്യമന്ത്രി
വി.എസ്. അച്ചുതാനന്ദന്, വിദ്യാഭ്യാസമന്ത്രി എം.എ.ബേബി, പ്രതിപക്ഷ നേതാവ്
ഉമ്മന്ചാണ്ടി എന്നിവര്ക്ക് നിവേദനം നല്കുകയുണ്ടായി ലാന.
ഏബ്രഹാം തെക്കേമുറി പ്രസിഡന്റും, സാംസി കൊടുമണ് സെക്രട്ടറിയും വാസുദേവ്
പുളിക്കല് (ഇപ്പോഴത്തെ ലാന പ്രസിഡന്റ്) ട്രഷററുമായ കമ്മറ്റഇയായിരുന്നു
ശ്രേഷ്ഠഭാഷാ പദവി പ്രമേയവും, നിവേദനവും കേന്ദ്ര സര്ക്കാരിന്
സമര്പ്പിച്ചത്. മലയാള ഭാഷ ഒരു സംസ്കാരത്തിന്റെ വലിയ
ഓര്മ്മപ്പെടുത്തലാണെന്ന് വരും തലമുറ മനസിലാക്കണെമെന്ന് ഏബ്രഹാം തെക്കേമുറി
ഈ മലയാളിയോട് പറഞ്ഞു.