സിഥിയന് കൊടുംകാടില് നിന്ന് ചിറകടിക്കുന്ന കഴുകാന്മ്മാരുടെ ശബ്ദം തനിക്കു
കേള്ക്കാം. തന്റെ കരളിന് ഒരു നിമിഷാര്ത്തിന്റെ ആയുസ് .ചോര അവനു ലഹരി നുണയാന്
ഉള്ളതും.
`സാധാരണക്കാരനെ കൊള്ളയടിച്ചു അരമനയിലെ പള്ളിയറയില് നിധി
നിറയ്ക്കുന്ന രാജാവേ ....നീ ഒരു കഴുകന് തന്നെ'
`രാജാവിനോട് അങ്ങനെ
പറയാമോ'
പടയാളിയുടെ ചാട്ടവാര് അടികൊണ്ടു പ്രജ പിടഞ്ഞു .
`എന്നെ
ഭരിച്ചു നീ പട്ടിണികാരനാക്കി എന്നിട്ടും നിന്റെ കണ്ണ് എന്റെ പച്ച മാംസത്തില്
നിന്ന് കിനിയുന്ന ചോരയില്'
`രാജാവിനെ ചോദ്യം ചെയ്യുന്നവന് മരിക്കണം
അതാണ് രാജ നീതി'
`ഞാന് ധാര്മികത കൊണ്ട് രാജി വെയ്ക്കുമെന്നു
കരുതണ്ട'
രാജാവിന്റെ ചിരിയില്, കൊത്തി പറിച്ചിട്ടും കൊതി തീരാത്ത കഴുകന്റെ
ആര്ത്തി പ്രജ കണ്ടു.
പന്നെ ആരും രാജാവിനെ ചോദ്യം ചെയ്യാന് വന്നില്ല
.
രാജാവ് അഴിമതിയില് മുങ്ങികുളിച്ച് , ഇരയുടെ ചോരയില് ലഹരി നുകര്ന്ന്
കൂട്ടികൊടുപ്പിന്റെ അരമനകളില് വ്യഭിചരിച്ചു .
അരമനയില് രാജാവിനെയും
പട്ടിണി ബാധിച്ചു . അപ്പോള് രാജാവ് പുതിയ പോര്മുഖം തുറന്നു ,
ഇരയുടെ
ചോരകാട്ടി കഴുകന്മാരെ ആകര്ഷിക്കുന്ന വിദ്യ .
ആ സ്വയംവരത്തിനു രാജാവ് ഒരു
പേരും ഇട്ടു `എമര്ജിങ്ങ് നാട് '
ആ പരിക്ഷണത്തില് രാജാവ് വിജയിച്ചെന്നു
തന്നെ പറയാം ,
പട്ടിണികാരുടെ രുചിയുള്ള ചോര കുടിച്ച, കഴുകന്മാര്ക്ക് അത്
ഇഷ്ടപെടുക തന്നെ ചെയ്തു .
അവര് രാജ്യം പകുത്തു കൊള്ളയടിച്ച്, ചോര ഈമ്പി
കുടിച്ചു .
അവര് ജനാധിപത്യത്തിന്റെ മുഖം മുടി ഇട്ടതിനാല് പലരും അവരെ
തിരിച്ചറിഞ്ഞില്ല .
തിരിച്ചറിഞ്ഞവര് , അപ്പഴേക്കും ചോരയില്ലാത്ത മാംസ
പിണ്ടങ്ങളായി മാറിയിരുന്നു .
കഴുകന് തലയനായ രാജാവിന്റെ മരണം പ്രജ
ആഘോഷമാക്കി .
പള്ളിയറകള് തുറക്കപ്പെടുമെന്നും അതില് കുമിഞ്ഞു കൂടിയ
നിതികൊണ്ട് നാട്ടില് സോഷിലിസം വരുമെന്നും പ്രജ കരുതി .
പക്ഷെ രാജാവിന്റെ
കീരിടം അണിഞ്ഞ രാജകുമാരന്റെ തലയില് ഇരുന്നു കഴുകന് ചിരിക്കുന്നതു കണ്ട് പ്രജ
ഓടി ബോധി വൃക്ഷത്തില് അഭയം തേടി .
ബോധി വൃക്ഷം അവനെ നോക്കി ചിരിച്ചു
.
അവന്റം എല്ലാ പ്രശ്നത്തിനുമുള്ള ഉത്തരം ബോധി വൃക്ഷത്തില്
ഉണ്ടെന്നറിഞ്ഞ്, മുറിവുണങ്ങാത്ത ശരിരത്തോടെ അവന് ബോധി വൃക്ഷത്തെ
കെട്ടിപുണര്ന്നു.
ബോധി വൃക്ഷം അവന്റെ മുറിവുകള് വച്ചുകെട്ടി അവനെ
സ്വന്തനിപ്പിച്ചു
`മാഫികള് മരിക്കുന്നില്ല . അവര് സൂക്ഷ്മ രൂപികളായി
ഒന്നില് നിന്ന് മറ്റൊന്നിലേക്കു ജീവിച്ചുകൊണ്ടിരിക്കും'
പ്രജ അങ്ങനെ
പട്ടിണി ഭക്ഷിച്ചുകൊണ്ട് ആത്മീയ ജ്ഞാനത്തിന്റെ പുതിയ അറിവുകളില് ജീവിച്ചു
.
പക്ഷെ അപ്പോഴും ബോധി വൃക്ഷത്തിന് വെളിയില് രൂപം മാറിയ കഴുകാന്മാര്
കെണിയൊരുക്കി മാനുകളെ വേട്ടയാടികൊണ്ടിരുന്നു .
`ഈ ലോകം മായയാണ് . ഇവിടെ
പട്ടിണി കിടക്കുന്നവന് ദൈവം സ്വര്ഗ്ഗത്തില് പട്ടുമെത്ത വീരിക്കും .അതുകൊണ്ട് നീ
ഇതു ദൈവ വിധിയാണെന്ന് കരുതി സമാധാനിക്ക്'.
ബോധി വൃക്ഷം പ്രജയെ ഇങ്ങനെ
ഉത്ബോധിപ്പിച്ചുകൊണ്ടിരുന്നു .
പ്രജ ബോധി വൃക്ഷത്തിന്റെ തണലില്
സ്വപ്നങ്ങള് നെയ്തു തുടങ്ങിയപ്പഴാണ് പറമ്പില് തെങ്ങുകളും , കവുങ്ങുകളും ചത്തു
വീണുതുടങ്ങിയത് .
ഇങ്ങനെ പോയാല് താന് മുഴു പട്ടിണിയാകും.
വീണ്ടും
പ്രജ ബോധി വൃക്ഷത്തിന്റെ അരികില് പരിഹാരം തേടി എത്തി .
`പേടിക്കെണ്ട അതൊരു
കരിസ്മാറ്റിക് ധ്യാനത്തിലുടെ പരിഹരിക്കാവുന്ന പ്രശനമേയുള്ളൂ'.
ബോധി
വൃക്ഷത്തിന്റെ വെളിപാടില് പ്രജ മുണ്ട് മുറുക്കി ഉടുത്ത്, പണമുണ്ടാക്കി ഒരു
കരിസ്മാറ്റിക് ധ്യാനം തന്നെ നടത്തി .
പക്ഷെ എന്നിട്ടും മരങ്ങള് ചത്ത്
വീണു കൊണ്ടിരുന്നപ്പോള് പ്രജ അതിന്റെ സത്യം തേടിയിറങ്ങി .
അവസാനം പ്രജ ആ
സത്യം കണ്ടു പിടിക്കുക തന്നെ ചെയിതു.
ബോധി വൃക്ഷത്തിന്റെ തണലില് താന്
രമിക്കുമ്പോള് അതിന്റെ നീണ്ട വേരുകള് മറ്റു മരങ്ങളുടെ ചോരയും,നീരും വലിച്ചു
കുടിച്ച് കൊഴുത്തുകൊണ്ടിരിക്കുകയായിരുന്നു.