കാന്ബെറ: ഓസ്ട്രേലിയന് പാസ്പോര്ട്ടുകളില് ഇനി മെയ്ല്, ഫീമെയ്ല് എന്നതു
കൂടാതെ എക്സ് എന്നൊരു മൂന്നാം ജെന്ഡര് കൂടി രേഖപ്പെടുത്താന് സൗകര്യമുണ്ടാകും.
ഇന്റര്സെക്സ് ആളുകള്ക്കു വേണ്ടിയാണിത് ഏര്പ്പെടുത്തിയിരിക്കുന്നത്.
ജൈവശാസ്ത്രപരമായി പുരുഷനെന്നോ സ്ത്രീയെന്നോ കൃത്യമായി വേര്തിരിക്കാന്
കഴിയാത്തവരെയാണ് ഈ ഗണത്തില്പ്പെടുത്തുന്നത്.
അതേസമയം, ലിംഗമാറ്റ
ശസ്ത്രക്രിയ നടത്തിയവര്ക്ക് എക്സ് എന്ന ജെന്ഡര് അവകാശപ്പെടാന് കഴിയില്ല.
മിക്ക രാജ്യങ്ങളിലും മെയ്ല്, ഫീമെയ്ല് എന്നീ ജെന്ഡര് വിഭാഗങ്ങള് മാത്രമാണ്
പാസ്പോര്ട്ടില് ഉള്പ്പെടുത്തുന്നത്. എന്നാല്, അന്താരാഷ്ട്ര സിവില്
ഏവിയേഷന് ഓര്ഗനൈസേഷന്റെ അഥോറിറ്റിക്കു കീഴില് ഏതു രാജ്യത്തിനും എക്സ്
ജെന്ഡര് സൂചിപ്പിക്കാവുന്നതാണ്.