കേരള ലിറ്റററി സൊസൈറ്റിയും പ്രസ്സ്‌ക്ലബ് ഓഫ് നോര്‍ത്ത് ടെക്‌സസും സംയുക്തമായി നവം.5 ന് കേരളപിറവി ഡാളസ്സില്‍ ആഘോഷിക്കുന്നു.
പി.പി.ചെറിയാന്‍ Published on 10 October, 2011
ഡാളസ് : 1956 നവംബര്‍ ഒന്നിന് രൂപീകൃതമായ കേരള സംസ്ഥാന അമ്പത്തിയഞ്ചാം ജന്മദിനാഘോഷങ്ങള്‍ നവം.5ന് ഡാളസ്സ് ഫാര്‍മേഴ്‌സ് ബ്രാഞ്ച് മാര്‍ത്തോമാ ചര്‍ച്ച് ഓഡിറ്റോറിയത്തില്‍ വെച്ചു സംഘടിപ്പിക്കുവാന്‍ തീരുമാനിച്ചു.
ഒക്‌ടോബര്‍ 2ന് ഗാര്‍ലാന്റിലുള്ള കേരള കമ്മ്യൂണിറ്റി സെന്ററില്‍ ചേര്‍ന്ന ഇരു സംഘടനകളുടെയും പ്രവര്‍ത്തക യോഗമാണ് ഈ തീരുമാനം കൈകൊണ്ടത്.
ഗാന്ധിജയന്തി ദിനത്തില്‍ ചേര്‍ന്ന സംയുക്തയോഗം രാഷ്ട്ര പിതാവിന്റെ സ്മരണക്കു മുമ്പില്‍ ആദരാഞ്ജലികള്‍ അര്‍പ്പിച്ചു കൊണ്ടാണ് ആരംഭിച്ചത്.
പ്രസ് ക്ലബ് പ്രസിഡന്റ് എബ്രഹാം തോമസ് യോഗത്തില്‍ അദ്ധ്യക്ഷത വഹിച്ചു. കെ.എല്‍ . എസ്സ് സെക്രട്ടറി തോമസ് മാത്യൂ സ്വാഗതമാശംസിച്ചു.
കേരളപ്പിറവി ആഘോഷങ്ങളുടെ ഭാഗമായി കാവ്യസന്ധ്യ, ചെണ്ടമേള മത്സരം, മലയാളി മങ്ക തിരഞ്ഞെടുപ്പ്, വിവിധ കലാപരിപാടികള്‍ തുടങ്ങിയ ഉണ്ടായിരിക്കുമെന്ന് കെ.എല്‍ . എസ്സ് പ്രസിഡന്റ് ജോസന്‍ ജോര്‍ജ്ജ് അറിയിച്ചു. പരിപാടിയില്‍ പങ്കെടുക്കുവാന്‍ താല്പര്യമുള്ളവര്‍ സംഘടനകളുടെ ഭാരവാഹികളുമായി ബന്ധപ്പെടേണ്ടതാണ്. യോഗത്തില്‍ ലാനാ പ്രസിഡന്റ് എബ്രഹാം തെക്കേമുറി, ബിജിലി ജോര്‍ജ്ജ്, സിജു.വി.ജോര്‍ജ്ജ്, ജോസ് ഓച്ചാലില്‍ , ബെന്നി തുടങ്ങിയവര്‍ പ്രസംഗിച്ചു. പ്രസ് ക്ലബ് സെക്രട്ടറി ജോസ് പ്ലാക്കാട് നന്ദി രേഖപ്പെടുത്തി.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala