ഡാലസ്: അത്ഭുത പ്രവര്‍ത്തകനായ വി. യൂദാ ശ്ലീഹായുടെ തിരുന്നാളും, ജപമാല മാസാചരണ ഭാഗമായി നടത്തുന്ന  'മാഗ്‌നിഫിക്കാത്ത് '  മരിയന്‍ മ്യൂസിക്കല്‍ കണ്‍സേര്‍ട്ടും  കൊപ്പേല്‍  സെന്റ് അല്‍ഫോന്‍സാ ദേവാലയത്തില്‍ ഒക്ടോബര്‍ 27 ഞായറാഴ്ച നടക്കും.

ഞായറാഴ്ച ഉച്ചകഴിഞ്ഞ്   3.30 ന്  ആഘോഷമായ തിരുന്നാള്‍ കുര്‍ബാനയും തുടര്‍ന്ന്  പ്രദക്ഷിണവും നടക്കും. വൈകുന്നേരം ആറിനു നടക്കുന്ന   'മാഗ്‌നിഫിക്കാത്ത് '  മരിയന്‍ കണ്‍സേര്‍ട്ടില്‍  സുതിഗീതങ്ങള്‍ ആലപിക്കാന്‍  അന്‍പത് ഗായകര്‍ അണിചേരും. വിശ്വാസികള്‍ ഒന്നുചേര്‍ന്നുള്ള  സ്‌നേഹവിരുന്നോടെ  പരിപാടികള്‍ സമാപിക്കും.

ഇടവക വികാരി റവ. ഫാ. ജോണ്‍സ്റ്റി തച്ചാറ, തിരുന്നാള്‍ പ്രസുദേന്തിയാകുന്ന ഇര്‍വിംഗ് സെന്റ്. ജൂഡ് വാര്‍ഡ് അംഗങ്ങളും തിരുന്നാളിന് നേതൃത്വം നല്‍കും.