Image

ഇന്നലെ കണ്ട സ്വപ്നം (കവിത-സിറില്‍ മുകളേല്‍)

Published on 23 November, 2013
ഇന്നലെ കണ്ട സ്വപ്നം (കവിത-സിറില്‍ മുകളേല്‍)
see YouTube video also: http://www.youtube.com/watch?v=kxB9shpA-4E

ഇന്നലെ കണ്ട സ്വപ്നം ഇനിയും ആവര്‍ത്തിക്കുമോ?
മുന്നാലെ പോയവര്‍ വഴിവിളക്കണക്കുമോ?
റാന്തല്‍ വെളിച്ചം പൂന്തിങ്കളിന് അല്‍പായുസാകുമോ?
വിടരുന്ന പൂവിന് ശലഭങ്ങള്‍ ശല്യമാകുമോ?

കാലം സമയാശ്വത്തിലെ യാത്രയില്‍ ദുരിതത്തിന്‍ വിത്തു വിതച്ചു
അത്യാഗ്രഹത്തിന്‍ പേമാരിയില്‍ അവ വളര്‍ന്നുയര്‍ന്നു
സത്യത്തിനു തിമിരമുള്ളോര്‍ ഫലങ്ങള്‍ കൊയ്‌തെടുക്കുന്നു
കച്ചവടക്കണ്ണുമായി പാഞ്ഞടുക്കുന്നു ചൂഷകര്‍

പകല്‍ വെളിച്ചത്തില്‍ മുടന്തി യാചിച്ചവന്‍,
ഇരുട്ടില്‍ കോമരം തുള്ളുന്നു
ഭീതിയുടെ കൊടുംകാറ്റില്‍
തണല്‍മരങ്ങള്‍ കടപുഴകുന്നു

അധികാര കസേരതന്‍ നിഴലിനും
ചുടുചോര തന്‍ ഗന്ധം
നീതി തന്‍ തുലാസില്‍ തുലാഭാരം
നടത്തുന്നു ന്യായാധിപര്‍
മാറ്റത്തിന്‍ കുപ്പായമണിഞ്ഞ ജ്ഞാനികള്‍

ചെകുത്താന് കിരീടം വയ്ക്കുന്നു
ശീലാവതി ചമഞ്ഞവര്‍ അഗ്‌നിശുദ്ധി
വരുത്തി സീതയെ കാട്ടിലേയ്ക്കയക്കുന്നു
പാഞ്ചാലി സ്വയം വിവസ്ത്രയായി,
പാണ്ഡവര്‍ കൈകൊട്ടിച്ചിരിക്കുന്നു

ചക്രവ്യുഹത്തില്‍ അകപ്പെട്ട അഭിമന്യു
കൌരവരോട് മാപ്പ് ചോദിക്കുന്നു
ദേവാലയങ്ങളില്‍ മെഴുതിരി കത്തിച്ചു
കീര്‍ത്തനം പാടുന്നു യുദാസിന്
വിളറി പിടിച്ച നായകള്‍
നാണത്താല്‍ മൌനം ഭജിക്കുന്നു

നാളത്തെ സ്വപ്നം പുത്തനാകട്ടെ
മുന്നാലെ പോയവര്‍ വഴി വിളക്കാകട്ടെ
റാന്തല്‍ വെളിച്ചം പൂന്തിങ്കളിന് പകിട്ടേകട്ടെ
വിടരുന്ന പൂവിന് ശലഭങ്ങള്‍ കൂട്ടായിടട്ടെ
Join WhatsApp News
Mahakapi Wayanadan 2013-11-23 22:12:33
മൂന്നാവര്‍ത്തി വായിച്ചു, നന്നായിട്ടുണ്ട്.
<മഹാകപി വയനാടന്‍)
വിദ്യാധരൻ 2013-11-24 07:53:46
വായിച്ചു വായിച്ചു 
നമ്മൾ നന്നാകണം 
അതിനായി കുറിക്കണം 
കവിതകൾ കവികൾ 


വിക്രമൻ 2013-11-24 10:04:22
അപ്പോൾ ഈ പ്രേമവും പ്രണയുവും ഉള്ള കവിത വായിച്ചു നമ്മൾ എങ്ങനെ നാന്നാവും വിദ്യാധരൻ ഗുരുജി?
വിദ്യാധരൻ 2013-11-24 13:27:32
ആവാം പ്രണയവും 
പ്രേമവും വിക്രമാ 
അവെരുതെന്നാൽ 
അതിക്രമം ഒന്നുമേ 

Lilly Wayanad 2013-11-24 19:54:06
മഹാ കപി വയനാടൻ വയനാടിനെ അധിക്ഷേപിക്കുന്ന പേർ മാറ്റണം , താങ്കള് കപിയായിരിക്കാം , അതിന് വയനനാടുകാർ എന്ത് പിഴച്ചു . വീര പഴശ്ശിയുടെ , , മാനതവാടി പുഴയുടെ, പാപ നാശിനിയുടെ, സീതാ ക്ഷേത്രത്തിന്റെ, വള്ളിയൂർക്കാവിന്റെ, തിരുനെല്ലിയുടെ , വയലേലകളുടെ, തേയിലത്തോട്ടങ്ങളുടെ, thEninte, ഗന്ധകശാലയുടെ, വർഗീസിന്റെ , വയനാടൻ മഞ്ഞളിന്റെ , കബനീ നദിയുടെ എടയ്ക്കൽ ഗുഹയുടെ , 5000 വർഷങ്ങളുടെ സാംസ്കാരിക മേന്മയുള്ള വയനാട് ഒരു മഹാ കപിയെ പ്രസവിച്ചതായ് അറിവില്ല , ദയവായി മഹാ കപി, മഹാ കപിയാവുക , വയനാടിനെ വെറുതെ വിടുക . ലില്ലി വയനാട്
andrews 2013-11-25 08:37:48
കപിയിൽ നിന്നും പരിണമിച്ച നമ്മൾ എന്തിനു നാണിക്കുന്നു.ലില്ലി വെറുതെ അരിശം കൊള്ളാതെ. വികാരവും വിജ്ഞാനവും  നന്മ ചെയുവാൻ ഉപയോഗിക്കു
Mahakapi Wayanadan 2013-11-25 08:56:29
പ്രിയ ലില്ലി വയനാടിന്,
എഴുത്തിന്‍റെ ഘടനവെച്ച് നോക്കുമ്പോള്‍, ലില്ലിയെക്കാള്‍ ഒരുപാട് കോടമഞ്ഞ്‌ ഞാന്‍ കൊണ്ടിട്ടുണ്ട് എന്നുതോന്നുന്നു. ദിവസവും, എത്രയായിരം ആളുകളാണ് വയനാട് ചുരത്തില്‍ കുരങ്ങമാരുടെ കളികാണാനും, കളിപ്പിക്കാനും വണ്ടി നിര്‍ത്തിയിറങ്ങുന്നത്. ആ കപികള്‍ വയനാടിന്‍റെ അഭിമാനമല്ലേ? അങ്ങനെയുള്ള ഒരു മുതുകുരങ്ങിന്‍റെ(മഹാകപി) വീക്ഷണമാണ് എന്‍റെ എഴുത്തുകള്‍, ഒരിത്തിരി  മുകളില്‍ നിന്നുള്ള വീക്ഷണം. എന്‍റെതന്നെ "നായാട്ടുകാരന്‍റെ തറവാട്ടുമഹിമ" എന്ന കവിതയിലെ ചില ശ്ളോകങ്ങള്‍ ചുവടെ ചേര്‍ക്കുന്നു.

ഇരുള്‍ ശാഖയിലെ ഞാലികൊമ്പില്‍ തൂങ്ങിയും
ഇരുകൈയില്‍, തോളില്‍ അള്ളിപ്പിടിച്ച ഒരുവയര്‍
പങ്കിട്ടവരെ പേറി എരിവെയില്‍, പെരുമഴ, കൊ-
ടുങ്കാറ്റ്, അതിശൈത്യവും താണ്ടി തളരാതെത്തി

മനുഷ്യക്കാടിന് ഇക്കരെയുള്ളോരു മുള്‍മരത്തില്‍
ഹാരം കിട്ടിയ  കപിയെന്ന് അക്കരെയുള്ളവര്‍ ചൊല്‍കെ
കലപില കൂട്ടിയതല്ലയിതെന്‍ കദന ഉള്‍തുടുപ്പുകള്‍
പിന്നിട്ടതിലും കഠിനമിന്ന്‌, മുട്ടിയ നാളെകളും

വരുമോരോ ശരം, കല്ല്, പരിഹാസതൊപ്പിയും
യന്ത്രതോക്കാലുള്ള കരുവിലും  വന്‍ കാലക്കേടും
നാല് ദിക്കെങ്കിലും, ഒന്നിലൂടെയും ചാടികടന്നു-
ന്‍ രക്ഷപെടാനാവാതെ തളíപ്പെട്ടകപി ഞാന്‍

മഹാകപി വയനാടന്‍

vaayanakkaaran 2013-11-25 09:04:01
സാമൂഹ്യ, സാംസ്കാരിക പരിണാമങ്ങൾ തീണ്ടാത്ത എത്രയോ കപികൾ നമുക്കിടയിലുണ്ട് ലില്ലീ.



വിദ്യാധരൻ 2013-11-25 16:49:13
വയനാടിനെ  ചൊല്ലി അഭിമാനംകൊള്ളുന്ന
വയനാടിൻ പുത്രിയെ ലില്ലി പൂവേ
കപികളെ ഇങ്ങനെ അധിക്ഷേപിച്ചീടല്ലേ
അവെരെല്ലാം നമ്മടെ പൂർവ്വികരാ
അവരുടെ ഉള്ളിന്റെ ഉള്ളിലും കാണുമാ
കലയുടെ കവിതയിൻ കലപിലകൾ
വയനാടിൻ കാട്ടിലെ മരത്തിന്റെ കൊമ്പിലും
മാനന്തവാടിപുഴയുടെ പുളിനത്തിൻ കാട്ടിലും
സീതാക്ഷേത്രത്തിൽ  വള്ളിയൂർ കാവിലും
കേൾക്കാം കപിയുടെ കലപിലകൾ
മാനുഷജാതികൾ ഇന്നും മുഴക്കുന്ന കലപിലകൾ
ആയിരമായിരം  വർഷങ്ങൾക്കപ്പുറം നമ്മളെ 
സൃഷ്ടിച്ച നമ്മടെ  മുതുമുത്തച്ചന്മാർ
അവരുടെ ഉള്ളിലും ഉണ്ടായിരുന്നന്നും
കലയുടെ കവിതയിൻ കലപിലകൾ
പേരിലും നാളിലും എന്തിത്ര കോപിക്കാൻ
രൂപ ഭാവങ്ങളിൽ നമ്മൾ ഒന്നാ
വയനാടിനെ ചൊല്ലി അഭിമാനംകൊള്ളുന്ന
വയനാടിൻ പുത്രിയെ ലില്ലി പൂവേ
കപികളെ ഇങ്ങനെ അധിക്ഷേപിച്ചീടല്ലേ
അവെരെല്ലാം നമ്മടെ പൂർവ്വികരാ
വിദ്യാധരൻ 2013-11-25 20:41:23
കവി കപി ആകാനും പാടില്ല 
കപി കവി ആകാനും പാടില്ല 
കപി ഇരിക്കണ്ടടത്തു കപിയും 
കവി ഇരിക്കണ്ടടത്തു  കവിയും ഇരിക്കണം 
കപി കവിയെ ഇരുത്താൻ നോക്കരുത് 
കവി കപിയേയും ഇരുത്താൻ നോക്കരുത് 
കവിയുടെ കപിതയും 
കപിയുടെ കവിതയും തമ്മിൽ വ്യത്യാസം ഉണ്ട് 
കവി കപിയെ ചൊറിയരുത് 
കപി കവിയേയും 
കപി മരത്തിൽ ഇരിക്കുമ്പോൾ 
കവി നിലത്തു ഇരിക്കണം 
കപി നിലത്തു ഇരിക്കുമ്പോൾ 
കവി മരത്തിലും 
കപിക്ക് കവിയെ മാന്തണം എന്ന് തോന്നാം 
കവി കപിയെ മാന്താൻ തുനിയരുത് 
കപി പല്ലിളിക്കുമ്പോൾ
കവി ചിരിക്കണം 
കപി  ചിരിക്കുമ്പോൾ 
കവി പല്ലിളിക്കണം 
കവി കപിയെ സൂക്ഷിച്ചു നോക്കുക 
കപി കവിയേയും 
കവിയും കപിയും കുഴപ്പക്കാര 
കപി ഒരു നഗ്ന സത്യമാണ് 
കവി നഗ്ന സത്യങ്ങൾ വിളിച്ചു പറയുന്നു 
കപി പറയുന്നത് കവിക്കോ 
കവി പറയുന്നത് കപി ക്കോ മനസിലാകില്ല 
കവിത പോലെ 



vaayanakkaaran 2013-11-25 21:39:56
കവി/കപി/കവി/കപി കവിത കലക്കി, വിദ്യാധരാ!
Jack Daniel 2013-11-26 04:44:54
കവി ചിരിക്കുമ്പോൾ, കവി ചിരിക്കുകയാണോ പല്ലിളിക്കുകയാണോ എന്ന് കപിക്ക് എങ്ങനെ മനസിലാകും വിദ്യാധരാ? I am totally confused ! 
വിദ്യാധരൻ 2013-11-26 05:09:53
കവി കപിയെ കലക്കിയോ 
കപി കവിയെ കലക്കിയോ 
കവി കവിത കലക്കിയോ 
കപി കവിത കലക്കിയോ 
എന്തായാലും ഇപ്പോൾ 
കലക്ക വെള്ളത്തിൽ മീൻ പിടിക്കാം  



Thomas Antony 2013-11-26 08:15:16
Dear Emalayalee Editor: You are publishing comments that are very irrelevent to the subject. This website has become a joking area for many comentators like Vidyadharan etc that makes no sense. please do not degrade yourself, malayalee community and your publication. Please get little more serious about this. Do not publish comments that are irrelevant.
Anthappan 2013-11-26 09:38:19
Dear Thomas Antony There is irrelevancy everywhere in life. The poem (for me it is a good poem with a message in it) itself is pointing towards the irrelevancy in life. The beggar, politicians those who are after power, njaanikal, and some of the poets are also not making any sense and living an irrelevant life. The first comment by Maha Kapi Vynadan was a positive comment but someone found irrelevancy in the name and questioned it. (Of course everyone is using the name or writing the poem under the freedom of speech right and the editor has his right too to accept or reject). The one reason I go to the response page is Vidhyadharan and that is how I read this poem. He is critical, satirical, analytical and forcing writers to improve. Writers must take it as a challenge and overcome the criticisms than getting intimidated by it. Malayala Sahithyam in America is becoming a comic by itself and there should be check and balances. The best people to do that are the readers who respond to it critically than people just saying good or bad. I have seen many times Vidhyadaran making positive comments on article and poems through his response poems or writing. Be offensive with our strength than defensive with our weakness. Whoever you are Vidhyadharan, you have a sense of humor.
വിദ്യാധരൻ 2013-11-26 17:37:41
    കാവ്യ മോചനം
(കനക ചിലങ്ക കിലുങ്ങി കിലുങ്ങി എന്ന രീതി) 

ഉരിയുക തോമാച്ച നിൻ  കാപട്യവസ്ത്രം
ചെവികൊണ്ടു കേൾക്കുക ഞാൻ ചൊല്ലുന്ന കാര്യം
പലനാളായി നിങ്ങളെൻ കാവ്യാഗംനയെ 
പീഡിപ്പിച്ചങ്ങനെ വിലസുന്നിവിടെ 
"ആരണ്യാന്തരഗഹരോദര" ഗുഹൾക്കുള്ളിൽ 
അവളെ നീ വല്ലാതെ പീഡിപ്പിച്ചിടുന്നു
കവികളായി കപികളായി വേഷം ധരിച്ചു 
അവളുടെ ഉടുവസ്ത്രം കീറുന്നു നിങ്ങൾ 
എത്ര നാളായവളുടെ മൊഴിയൊന്നു കേൾക്കാൻ 
തത്രപെട്ടങ്ങനെ കഴിയുന്നു ഞങ്ങൾ 
'കനക ചിലങ്ക കിലുക്കി കിലുക്കി' 
അവളുടെ വരവിനായി കാതോർത്തിരിപ്പൂ 
അവളുടെ മോചനം അതിനായി ഞങ്ങൾ (വായനക്കാർ )
പലവിധ മാർഗ്ഗങ്ങൾ ആരായും ഞങ്ങൾ 
തടയണ്ട ഞങ്ങളെ പ്ലാക്കുകൾ കാട്ടി 
തടയണ്ട പൊന്നാട കഴുത്തിൽ കുരുക്കി 
തടയണ്ട 'ത്രൈമാസ' തരികട കാട്ടി 
വിട്ടീടുക കവിതയെ സ്വതന്ത്രയായി നിങ്ങൾ 
തട്ടീടും കാപാലികരെ അലെങ്കിൽ ഞങ്ങൾ 


 
വിദ്യാധരൻ 2013-11-26 17:44:53
കവിയും കപിയും ജാക്ക് ദാനിയേൽ  അടിച്ചിട്ട് ചിരിക്കുകയോ പല്ലിളിക്കുകയോ ചെയ്‌താൽ രണ്ടും ഒരുപോലിരിക്കും കണ്ഫ്യുഷനും മാറികിട്ടും 

Malayali 2013-11-27 06:51:12
പത്രോസേ, നീ പാറയാകുന്നു. നിന്റെ പാറമേൽ ഞാനെന്റെ കവിത പണിയും.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക