ഇന്ത്യയുടെ സൈനിക ഹെലികോപ്റ്റര് വിട്ടുകൊടുത്ത പാകിസ്താന്റെ നടപടിയെ അമേരിക്ക അഭിനന്ദിച്ചു
Published on 27 October, 2011
വാഷിങ്ടണ്: അതിര്ത്തി കടന്നെത്തിയ ഇന്ത്യയുടെ സൈനിക ഹെലികോപ്റ്റര്
വിട്ടുകൊടുത്ത പാകിസ്താന്റെ നടപടിയെ അമേരിക്ക അഭിനന്ദിച്ചു. ശ്ലാഘനീയമായ
ഒരു നടപടിയാണ് പാകിസ്താന്റെ ഭാഗത്ത് നിന്നുണ്ടായത്. ഇരു രാജ്യങ്ങളും
തമ്മിലുള്ള സൗഹൃദാന്തരീക്ഷം വളര്ത്താന് ഏറെ സഹായകരമായ നടപടി
കൂടിയാണിത്-യു.എസ്. വിദേശകാര്യവകുപ്പ് വക്താവ് വിക്ടോറിയ ന്യൂലാന്ഡ്
പറഞ്ഞു.
ഇരു രാജ്യങ്ങളും തമ്മില് തുടരുന്ന നിരന്തരമായ ചര്ച്ചകളാണ് ഇത്തരമൊരു
മാതൃകാപരമായ നടപടിക്ക് പാകിസ്താനെ പ്രേരിപ്പിച്ചത്. ഇത്തരം ഉഭയകക്ഷി
ചര്ച്ചകള് തുടരേണ്ടതിന്റെ ആവശ്യകതയാണ് ഇത് കാണിക്കുന്നത്-ന്യൂലാന്ഡ്
പറഞ്ഞു.
ഒക്ടോബര് 23നാണ് അതിര്ത്തി കടന്നെത്തിയ ഇന്ത്യന് സേനയുടെ ചീറ്റ
ഹെലികോപ്റ്റര് പാകിസ്താന് സൈന്യം നിര്ബന്ധിച്ച് നിലത്തിറക്കുകയും
പിന്നീട് ചര്ച്ചകള്ക്കൊടുവില് അഞ്ചു മണിക്കൂറിനുശേഷം വിട്ടയക്കുകയും
ചെയ്തത്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല