Image

എനിക്ക്‌ ക്രിസ്‌തുവിനോട്‌ പറയാനുള്ളത്‌ (കവിത: ഷീല മോന്‍സ്‌ മുരിക്കന്‍)

Published on 21 December, 2013
എനിക്ക്‌ ക്രിസ്‌തുവിനോട്‌ പറയാനുള്ളത്‌ (കവിത: ഷീല മോന്‍സ്‌ മുരിക്കന്‍)

ഇനി പിറക്കാതിരിക്കുക
ഇവിടെ ഈ സ്വാര്‍ത്ഥഗോപുരങ്ങള്‍ക്കിടയില്‍
നിനക്കു പിറന്നുവീഴാന്‍
ഒരു കാലിത്തൊഴുത്തുപോലും അവശേഷിച്ചിട്ടില്ല
ഒരു രക്ഷകനും ചുമക്കുവാനാവാത്ത
പാപഭാരം ചുമന്ന്‌
ഭൂമി നില്‍ക്കാനാവാതെ കറങ്ങുകയാണ്‌
അതുകൊണ്ട്‌ തന്നെയാവാം
ഭൂമിയില്‍ ഇപ്പോള്‍
അവതാരങ്ങളും ജന്മമെടുക്കാറില്ല.
അവതാരങ്ങള്‍ക്ക്‌ പൊന്നും മീയും കുന്തിരിക്കവും
കാഴ്‌ച നല്‍കാന്‍ ഇവിടെ
രാജാക്കന്മാരും അവശേഷിച്ചിട്ടില്ല.
മുള്‍ക്കിരീടവും മുള്ളാണികളും മരക്കുരിശുമാണ്‌
ഇവിടുത്തെ കാഴ്‌ചദ്രവ്യങ്ങള്‍
ഒരിക്കല്‍ നീ വന്നപ്പോള്‍
മൂന്ന്‌ ആണികള്‍ സമ്മാനിച്ചവര്‍
ഇനി നീ വരുമ്പോള്‍
മൂവായിരം ആണികള്‍കൊണ്ട്‌
ഉയര്‍ത്തെഴുന്നേല്‍ക്കുവാനാവാത്തവിധം
നിന്നെ ക്രൂശിച്ചേക്കാം.
നിനക്കുവേണ്ടി ഞാനും കരുതിയിരിക്കുന്നത്‌
മൂര്‍ച്ഛയുള്ള ഒരു കുന്തംതന്നെയാണ്‌
നിന്റെ ചങ്കാണ്‌ എന്റെ ലക്ഷ്യം
എന്റെ കുരുടന്‍ കണ്ണുകളുടെ
അന്തര്‍ദാഹവും
അതിലെ രക്തവും വെള്ളവും തന്നെയാണ്‌.!

എനിക്ക്‌ ക്രിസ്‌തുവിനോട്‌ പറയാനുള്ളത്‌ (കവിത: ഷീല മോന്‍സ്‌ മുരിക്കന്‍)എനിക്ക്‌ ക്രിസ്‌തുവിനോട്‌ പറയാനുള്ളത്‌ (കവിത: ഷീല മോന്‍സ്‌ മുരിക്കന്‍)
Join WhatsApp News
Thelma 2013-12-24 21:19:21
Sheela, Your article was excellent. What they would do to HIM if HE came back again was exactly true, I agree with you. But Sheela, why did you say that you also will join them? Do You want to be one among them? Instead of addressing towards yourself, you could have used the word 'YOU' 'Ningal' yes, ningalum andhehathinte changil....... that would have been more appropriate. Because you are a sweet lady, a sweet lady will not do it to HIM. Congratulations for the article.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക