ഹൂസ്റ്റണ്: മലങ്കര ഓര്ത്തഡോക്സ് സുറിയാനി സഭയുടെ സൗത്ത്-വെസ്റ്റ്
ഭദ്രാസനത്തിന്റെ `പ്രെയര് ആന്റ് മിഷന് ഫെല്ലോഷിപ്പിന്റെ' ആഭിമുഖ്യത്തില്
ഹൂസ്റ്റണ് സെന്റ് തോമസ് കത്തീഡ്രലില് വെച്ച് നവംബര് 12 ശനിയാഴ്ച രാവിലെ 9
മുതല് ഉച്ചയ്ക്ക് 1 മണിവരെ മെഡിക്കല് ക്യാമ്പ് നടത്തുന്നു.
ഹെല്ത്ത് ഇന്ഷ്വറന്സ് സംരക്ഷണം ഇല്ലാത്തവരും, ആരോഗ്യസംരക്ഷണ
സഹായം, നിര്ദ്ദേശങ്ങള് എന്നിവ ആവശ്യമുള്ളവരുമായ എല്ലാ ഇന്ത്യന് വംശജരും ഈ അവസരം
ഉപയോഗിക്കണമെന്ന് സംഘാടകര് അഭ്യര്ത്ഥിച്ചു.
ഓര്ത്തഡോക്സ് സഭയുടെ
ഹൂസ്റ്റണിലുള്ള നാലു ദേവാലയങ്ങളിലെ പ്രശസ്തരായ ഡോക്ടര്മാരും നഴ്സുമാരും
ആരോഗ്യപരിപാലന രംഗത്തെ വിദഗ്ദ്ധരുമടങ്ങിയ ഒരു സംഘമാണ് ഈ മെഡിക്കല് ക്യാമ്പ്
ഒരുക്കിയിരിക്കുന്നത്.
സഭയുടെ സൗത്ത്-വെസ്റ്റ് ഭദ്രാസനധിപന് അഭിവന്ദ്യ
അലക്സിയോസ് മോര് യൂസേബിയസ് തിരുമനസ്സുകൊണ്ട് നവംബര് 12-ന് രാവിലെ 9 മണിക്ക്
ക്യാമ്പ് ഉദ്ഘാടനം ചെയ്യുന്നതാണ്.
കൂടുതല് വിവരങ്ങള്ക്ക്: റവ. ഫാ.
മാമ്മന് മാത്യു 281 788 0459, ശ്രീമതി ലീല വര്ഗീസ് 832 768 2808.