തനതായ ഒരുപാട് സാംസ്കാരികവും, വിശ്വാസപരവുംഒക്കെയായ പൈതൃകങ്ങള് ഉള്ളഒരുനാടാണ് ആറന്മുള. അവിടെ അതിനെഎല്ലാം തൃണവത്ഗണിച്ചു കൊണ്ടുള്ള ഒരുപദ്ധതിഅടിച്ചേല്പ്പിക്കാന്ശ്രമിക്കുന്നത് ഒരു യുദ്ധപ്രഖ്യാപനം പോലെതന്നെ കാണേണ്ടിവരുന്നുഎന്ന് തിരുവിതാംകൂര് ദേവസ്വം ബോര്ഡു മെമ്പര് പി കെ കുമാരന്പറഞ്ഞു. ആറന്മുള വിമാന താവളവിരുദ്ധഏകോപനസമിതിയുടെ നേതൃത്വത്തില് നടന്നുവരുന്ന സത്യാഗ്രഹ സമരം പതിനാലാം ദിവസം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ആറന്മുളയ്ക്കടുത്ത് മെഴുവേലിസ്വദേശി കൂടിയായകുമാരന് അത്തരം സമ്പന്നമായ വള്ളം കളി ഉള്പ്പെടെയുള്ള എല്ലാറ്റിനെയും മുച്ചൂടും നശിപ്പിച്ചു കൊണ്ടുള്ള ഒരു സമീപനത്തെ എതിര്ക്കാതിരിക്കാന് ആവില്ല എന്ന് പറഞ്ഞു, അത് നടക്കില്ല നടക്കില്ല എന്ന് ഉറക്കെ പറയേണ്ടതുണ്ട്.ആ ദൌത്യം ഞാനും നിങ്ങളോടൊപ്പം ഏറ്റെടുക്കുകയാണ്, എല്ലാ അര്ത്ഥത്തിലും. ബഹുമാനപ്പെട്ട കേരള മുഖ്യമന്ത്രിയ്ക്കും, ഒപ്പം മറ്റുള്ളവര്ക്കും നേരിന്റെ വഴിയെ വരാന് കഴിയട്ടെ എന്നാശിക്കുകയാണ്. ഒരു മഹാ ക്ഷേത്രത്തെ, അതിന്റെ വിശ്വാസങ്ങളെ ബാധിക്കുന്ന ഈ പ്രശ്നം അതിന്റെ ഗൌരവത്തില് തന്നെ ബോര്ഡു മീറ്റിംഗില് അവതരിപ്പിക്കാന് ഞാന് ശ്രമിക്കും എന്നും അദ്ദേഹം തുടര്ന്നു പറഞ്ഞു.
പൈതൃകഗ്രാമകര്മസമിതി മധ്യമേഖല ചെയര്മാന് കെ സി ഗണപതി പിള്ള അദ്ധ്യക്ഷത വഹിച്ചു. പഞ്ചനക്ഷത്ര ഹോട്ടല് സമുച്ചയങ്ങളും, മാളുകളും ഒക്കെയായുള്ള വികസന സ്വപ്നങ്ങള് ഉള്ളവരല്ല ഇന്നാട്ടുകാര്, അവരുടെ അടിസ്ഥാന ആവശ്യങ്ങള്നിറവേറപെടാതെ കിടക്കുമ്പോള് ആണ് ഇത്തരം പദ്ധതികളുമായി ചിലര് രംഗത്ത് എത്തുന്നത്. ഇതാനുവദിച്ചു കൂടാ, കുടി വെള്ളവും ക്ഷേത്ര ആചാരങ്ങളുംഒക്കെ നഷ്ടപ്പെട്ട് ഒരു വികസന ഇവിടെ ആവശ്യമില്ല, അതു തടയുക തന്നെചെയ്യും എന്ന് അദ്ധ്യക്ഷ പ്രസംഗത്തില് ഗണപതി പിള്ള പറഞ്ഞു.
സമരസമിതിയുടെ ആരംഭകാലം മുതലുള്ളപ്രവര്ത്തകനും, പ്രമുഖ പരിസ്ഥിതിപ്രവര്ത്തകനും ആയ കെ പി ശ്രീരംഗനാഥന്മുഖ്യ പ്രഭാഷണം നടത്തി. ഇതില് പ്രവര്ത്തിക്കുന്നവര്സ്ഥാപിത താത്പര്യക്കാര് അല്ല, താനും ഇതില് ഇടപെടുന്നത് സ്വന്തം മനസാക്ഷിയുടെ നീതി ബോധം മൂലമാണ്. അടുത്ത തലമുറ ഇത് ചെയ്തില്ലെങ്കില് നമുക്കുമാപ്പ് തരില്ല, അടിസ്ഥാന നിലനില്പ്പ് അപകടത്തില് ആക്കിയുള്ള ഒരു വികസനവും അംഗീകരിക്കാന് ആര്ക്കും ആവില്ല. ഇന്ന് കൂറ്റന് പദ്ധതികള് അത്ര തന്നെ ഭീമന് കടങ്ങള് വാങ്ങി നടപ്പാക്കുന്ന സര്ക്കാരുകള് അടുത്ത തലമുറയ്ക്ക് ഇതെല്ലം കൈമാറുകയാണ്. അവര് കടക്കാരാകുമ്പോള് ഈ നാട് ഒത്തുതീര്പ്പുകള്ക്ക് നാളെ നിര്ബന്ധിതം ആകുംഎന്ന്ഉറപ്പാണ്. ഇവിടെ ഭരണകൂടം തന്നെ ഇതിനെല്ലാം കൂട്ട് നില്ക്കുന്നു. ആറന്മുള കൃഷിയിടങ്ങള് തിരികെ ജീവത്താ ക്കേണ്ടതുണ്ട്, ഇല്ലെങ്കില് ഇത്തരം ആക്രമണങ്ങള് ഇനിയും ഉണ്ടാകും.