Image

ഫോമായ്ക്ക് വ്യക്തമായ കാഴ്ചപ്പാടുമായി ഫൈസല്‍ എഡ്വാര്‍ഡ്…

Published on 22 June, 2014
ഫോമായ്ക്ക് വ്യക്തമായ കാഴ്ചപ്പാടുമായി ഫൈസല്‍ എഡ്വാര്‍ഡ്…
ജനപ്രിയന്‍ കൊച്ചിന്‍ ഷാജി എന്നറിയപ്പെടുന്ന ഫൈസല്‍ എഡ്വാര്‍ഡ് ഇക്കുറി അങ്കത്തട്ടില്‍ എത്തുന്നത് വളരെ വ്യക്തമായ ദീര്‍ഘവീക്ഷണത്തോടെയാണ്. ഫോമായില്‍ പ്രവര്‍ത്തിക്കുന്നവര്‍ക്കും, ഫോമായോടു അനുഭാവം ഉള്ളവര്‍ക്കും അദ്ദേഹത്തെ പരിചയപ്പെടുത്തണ്ട കാര്യമില്ലെന്നറിയാം, അതുകൊണ്ട് ഈ മത്സരത്തെ ഒരു സൗഹൃദവേദിയായി മാത്രമേ അദ്ദേഹം കാണുന്നുള്ളൂ.

ഫോമായുടെ ബാലാരിഷ്ടതകള്‍ മാറിയെന്നും, കൗമാരവും കടന്നു യൗവ്വനത്തിന്റെ പൂര്‍ണ്ണതയിലെത്തിയെന്നും ഷാജി പറഞ്ഞു. ഫോമായുടെ കെട്ടുറപ്പ് പ്രാദേശിക അസോസിയേഷനുകളാണ്, അവരുമായുള്ള എന്റെ ബന്ധങ്ങള്‍ക്ക് ഞാന്‍ മൂല്യം കല്‍പിക്കുന്നു. ഫോമാ നേതാക്കളെ ആശ്രയിക്കുന്ന സാധാരണക്കാരുടെ പിന്തുണയാണ് എന്റെ ശക്തി.

ഫോമായുടെ ജനറല്‍ സെക്രട്ടറി എന്ന പദവി, അതിന്റെ പൂര്‍ണ്ണരൂപത്തിലും ബഹുമാനത്തിലും ഉത്തരവദാത്തിലും ഉള്‍ക്കൊള്ളാന്‍ എനിക്ക് കഴിയും എന്ന് പൂര്‍ണ്ണ വിശ്വാസമുണ്ട്. ഫോമായെ അന്തര്‍ദേശീയ തലത്തില്‍ അറിയപ്പെടുന്ന ഒരു പ്രൊഫഷണല്‍ സംഘടനയായി വളര്‍ത്തിയെടുക്കണം അത് എന്റെ സ്വപ്നമാണ്.

ഇനിയും ഫോമായുടെ ഭാവി പരിപാടികള്‍  നടപ്പാക്കുന്നതിനാലും തന്റെ ശ്രമമെന്നും, അതിനായി ഒത്തൊരുമിച്ച് പ്രവര്‍ത്തിക്കാന്‍ എല്ലാവരുടെയും വിലയേറിയ വോട്ടുകള്‍ തന്നു തന്നെ വിജയിപ്പിക്കണം എന്നും അദ്ദേഹം വിനീതമായി അഭ്യര്‍ത്ഥിച്ചു.


ഫോമായ്ക്ക് വ്യക്തമായ കാഴ്ചപ്പാടുമായി ഫൈസല്‍ എഡ്വാര്‍ഡ്…
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക