ന്യൂഡല്‍ഹി: 2ജി സ്‌പെക്ട്രം കേസില്‍ അറസ്റ്റ് ചെയ്യപ്പെട്ട് തിഹാര്‍ ജയിലില്‍ കഴിയുന്ന ആര്‍.കെ.ചന്ദോലിയക്ക് ജാമ്യം. സി.ബി.ഐ. പ്രത്യേക കോടതിയാണ് ചന്ദോലിയക്ക് ജാമ്യം അനുവദിച്ചത്. എ.രാജ ടെലികോം മന്ത്രിയായിരുന്ന കാലത്ത് രാജയുടെ പ്രൈവറ്റ് സെക്രട്ടറിയായിരുന്നു ചന്ദോലിയ. കേസുമായി ബന്ധപ്പെട്ട് ജയിലിലായ ഡി.എം.കെ നേതാവ് കനിമൊഴി അടക്കമുള്ളവര്‍ക്ക് കോടതി കഴിഞ്ഞദിവസങ്ങളില്‍ ജാമ്യം നല്‍കിയിരുന്നു.

കേസിലെ ഒന്നാംപ്രതിയായ എ.രാജയും മുന്‍ ടെലികോം സെക്രട്ടറി സിദ്ധാര്‍ത്ഥ ബെഹ്‌റയുമാണ് ഈ കേസുമായി ബന്ധപ്പെട്ട് ഇനി തിഹാര്‍ ജയിലിലുള്ളവര്‍. പതിനേഴ് പ്രതികളാണ് ആകെയുള്ളത്. നേരത്തെ ചന്ദോലിയയുടെ ജാമ്യാപേക്ഷയെ സി.ബി.ഐ. എതിര്‍ത്തിരുന്നു.