മുല്ലപ്പെരിയാര് പ്രശ്നത്തില് ചര്ച്ചയ്ക്ക് തയാറാണെന്ന് തമിഴ്നാട്
Published on 05 December, 2011
ന്യൂഡല്ഹി: മുല്ലപ്പെരിയാര് പ്രശ്നത്തില് ചര്ച്ചയ്ക്ക് പോലും
തയാറല്ലെന്ന നിലപാടില് നിന്ന് തമിഴ്നാട് അയയുന്നു. ഡിസംബര് 15 നോ 16 നോ
ചര്ച്ചയ്ക്ക് തയാറാണെന്ന് തമിഴ്നാട് കേന്ദ്രത്തെ അറിയിച്ചു. ഉദ്യോഗസ്ഥതല
ചര്ച്ചയ്ക്കായി കേരളം നിയോഗിച്ച അഡീഷണല് ചീഫ് സെക്രട്ടറി കെ ജയകുമാര്
കേന്ദ്ര ജലവിഭവ സെക്രട്ടറി ധ്രുവ് വിജയുമായി ചര്ച്ചനടത്തിയിരുന്നു. ഈ
കൂടിക്കാഴ്ചയിലാണ് തമിഴ്നാട് ചര്ച്ചയ്ക്ക് സന്നദ്ധത പ്രകടിപ്പിച്ച വിവരം
അദ്ദേഹം ജയകുമാറിനെ അറിയിച്ചത്.
ഇന്ന് നിശ്ചയിച്ചിരുന്ന ചര്ച്ചയില് ചില അസൗകര്യങ്ങള് കാരണമാണ്
പങ്കെടുക്കാതിരുന്നതെന്ന് തമിഴ്നാട് അറിയിച്ചു. അണക്കെട്ടുമായി
ബന്ധപ്പെട്ട സാങ്കേതിക റിപ്പോര്ട്ടുകള് ഉദ്യോഗസ്ഥര് പരിശോധിക്കും.
കേരളത്തില് അനുദിനം സമരങ്ങളും പ്രക്ഷോഭങ്ങളും വര്ധിച്ചുവരുന്നതും
ചര്ച്ചയില് നിന്ന് ഏകപക്ഷീയമായി വിട്ടുനില്ക്കുന്നതും പ്രതികൂലമാകുമെന്ന
വിലയിരുത്തലിനെ തുടര്ന്നാണ് ചര്ച്ചയിലേക്ക് തമിഴ്നാട് എത്തിയതെന്നാണ്
സൂചന
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല