Image

`മദാമ്മയേയും, മക്കളേയും മാറ്റിനിര്‍ത്തൂ! കോണ്‍ഗ്രസിനെ രക്ഷിക്കൂ' (രാജു മൈലപ്ര)

Published on 20 October, 2014
`മദാമ്മയേയും, മക്കളേയും മാറ്റിനിര്‍ത്തൂ! കോണ്‍ഗ്രസിനെ രക്ഷിക്കൂ' (രാജു മൈലപ്ര)
അങ്ങനെ ഒരിക്കല്‍ക്കൂടി കോണ്‍ഗ്രസ്‌ പാര്‍ട്ടി പരാജയത്തിന്റെ പടുകുഴിയില്‍ വീണിരിക്കുന്നു. അങ്കം നടന്നത്‌ സംസ്ഥാനതലത്തിലായിരുന്നെങ്കില്‍ തന്നെയും മഹാരാഷ്‌ട്രയിലേയും ഹരിയാനയിലേയും തിളക്കമാര്‍ന്ന വിജയം, ദേശീയ തലത്തില്‍ ബി.ജെ.പിക്ക്‌ വര്‍ധിച്ചുവരുന്ന പിന്തുണ പകല്‍പോലെ വ്യക്തമാക്കുന്നു. പ്രചാരണ തന്ത്രങ്ങള്‍ ആവിഷ്‌കരിച്ചതും, മുന്നില്‍ നിന്നു പടനയിച്ചതും മോദി തന്നെ. മുപ്പതോളം പ്രചാരണ യോഗങ്ങളിലാണ്‌ പങ്കെടുത്തത്‌.

അതേസമയം മദാമ്മയും മകനുംകൂടി പത്തില്‍താഴെ സമ്മേളനങ്ങളിലേ കോണ്‍ഗ്രസിനുവേണ്ടി ദര്‍ശനമരുളിയുള്ളൂ! സോണിയാജിയുടെ മുഖം കണ്ടാല്‍, എല്ലാ ഭാരതീയരോടും അവര്‍ക്കു പുച്ഛമോ വെറുപ്പോ ആണെന്നു തോന്നിപ്പോകും. സംസ്ഥാനങ്ങളില്‍ തെരഞ്ഞെടുപ്പ്‌ ചൂടിന്റെ തിരമാലകള്‍ ഉയര്‍ത്തി മോദി കത്തിപ്പടര്‍ന്നപ്പോള്‍, അമുല്‍ ബേബി പഞ്ചാബിലെ യുവതികളുമായി സംവാദം നടത്തുകയായിരുന്നത്രേ! എന്നാ കോപ്പ്‌ അറിഞ്ഞിട്ടാണ്‌ ഈ പയ്യന്‍ സംവാദത്തിന്‌ ഇറങ്ങി പുറപ്പെട്ടിരിക്കുന്നത്‌!

കഴിഞ്ഞ പാര്‍ലമെന്റ്‌ തെരഞ്ഞെടുപ്പില്‍ ദേശവ്യാപകമായി കോണ്‍ഗ്രസിനുണ്ടായ പരാജയം അവര്‍ ചോദിച്ചുവാങ്ങിയതാണ്‌. നരേന്ദ്ര മോദിയുടെ ജൈത്രയാത്രയ്‌ക്ക്‌ വഴിയൊരുക്കിയത്‌ കോണ്‍ഗ്രസിന്റെ കഴിഞ്ഞകാല വികല നയങ്ങളാണ്‌. മഹാത്മാഗാന്ധിയുടേയും ജവഹര്‍ലാല്‍ നെഹ്‌റുവിന്റേയും പിന്‍ഗാമികള്‍ എന്നു അവകാശപ്പെടുന്ന കോണ്‍ഗ്രസ്‌ പാര്‍ട്ടി, കഴിഞ്ഞ ഒരു ദശകം ഭരണം നടത്തിയപ്പോള്‍ പ്രധാനമായും അവഗണിച്ചത്‌ ആ മഹാന്മാരുടെ നയങ്ങളെ തന്നെയായിരുന്നു.

പാര്‍ലമെന്റില്‍ പ്രതിപക്ഷ നേതാവിന്റെ പദവി പോലും സ്വന്തമാക്കാന്‍ കഴിയാതെ പോയ ഒരു ദയനീയാവസ്ഥയാണ്‌ ഇന്നു കോണ്‍ഗ്രസിന്റേത്‌- തോല്‍വിയുടെ ഉത്തരവാദിത്വം ഏറ്റെടുത്ത്‌ അമ്മയും മകനും കൂടി ഒരു രാജിനാടകം കളിച്ചു. മദാമ്മയെ കാണുമ്പോള്‍ കവാത്ത്‌ മറക്കുന്ന കോണ്‍ഗ്രസ്‌ കുഞ്ഞുങ്ങളെല്ലാവരും കൂടി `അമ്മേ...അമ്മേ....പോകല്ലേ...' എന്ന്‌ നെഞ്ചത്തടിച്ച്‌ കരഞ്ഞ്‌ കാലുപിടിച്ചു. `ശരി, അത്ര നിര്‍ബന്ധമാണെങ്കില്‍ ഞാനും മോനുംകൂടി ഇനിയും നിങ്ങളെ നയിച്ചുകൊള്ളാം' എന്നവര്‍ മനസ്സലിവു തോന്നി സമ്മതിച്ചു. മദാമ്മയാരാ മോള്‍? ലോക്‌സഭാ തെരഞ്ഞെടുപ്പ്‌ കഴിഞ്ഞ്‌ നാലു മാസം പിന്നിട്ടിട്ടും, ശക്തിക്ഷയത്തില്‍ നിന്ന്‌ കരകയറുവാന്‍ ഒരു ചെറുവിരല്‍ പോലും അനക്കാന്‍ കോണ്‍ഗ്രസിനു കഴിഞ്ഞിട്ടില്ല. പാര്‍ലമെന്റ്‌ തെരഞ്ഞെടുപ്പില്‍ ബി.ജെ.പിയ്‌ക്ക്‌ ഭരണം സുവര്‍ണ്ണത്തളികയില്‍ വെച്ച്‌ നല്‍കുന്ന സമീപനമായിരുന്നു കോണ്‍ഗ്രസിന്റേത്‌. ഇലക്ഷ്‌ന്‌ മുമ്പുതന്നെ കോണ്‍ഗ്രസ്‌ തോല്‍വി സമ്മതിച്ചു. നരേന്ദ്രമോദിയുടെ വ്യക്തിപ്രഭാവത്തിനു മുന്നില്‍ പടിച്ചു നില്‍ക്കാന്‍ മദാമ്മയ്‌ക്കും മകനും കഴിയാതെ പോയി. കഴമ്പുള്ള ആരോപണങ്ങളാണ്‌ പാര്‍ട്ടിക്കെതിരേ ഉയര്‍ന്നത്‌. രാജ്യത്തെ സമ്പദ്‌ഘടനയെ ദുരുപയോഗിക്കുകയും ദുര്‍ബലപ്പെടുത്തുകയും ചെയ്‌തതായിരുന്നു അതില്‍ ഒന്നാമത്തേത്‌. മന്‍മോഹന്‍ സിംഗിനെ പാവയാക്കി നിര്‍ത്തി അമ്മയും മകനും കൂടി അധികാരം കൈയ്യാളി. 2 ജി സ്‌പെക്‌ട്രം, കല്‍ക്കരി ഖനികള്‍, കോമണ്‍വെല്‍ത്ത്‌ ഗെയിംസ്‌, ആദര്‍ശ്‌ ഫ്‌ളാറ്റ്‌ എന്നിങ്ങനെ ശതകോടികളും സഹസ്രകോടികളും കഴിഞ്ഞ്‌ അഴിമതിയുടെ തോത്‌ ലക്ഷം കോടിയിലേക്ക്‌ കടക്കുന്നതു കണ്ട്‌, ഒരു ലക്ഷമെന്നു കേട്ടാല്‍ തലകറങ്ങി താഴെപ്പോകുന്ന സാധാരണ ഭാരതീയര്‍ക്ക്‌, ബാലറ്റുപെട്ടിയിലൂടെ കോണ്‍ഗ്രസിന്റെ ശവക്കുഴി തോണ്ടുകയല്ലാതെ മറ്റ്‌ മാര്‍ഗ്ഗമുണ്ടായിരുന്നില്ല.

രാജ്യം അംഗീകരിക്കുന്ന ഒരു ദേശീയ നേതാവിന്റെ അഭാവമാണ്‌ കോണ്‍ഗ്രസ്‌ പാര്‍ട്ടി നേരിടുന്ന പ്രധാന പ്രതിസന്ധി. രാഹുല്‍ഗാന്ധി കോണ്‍ഗ്രസുകാര്‍ക്കിടയില്‍ തന്നെ കണ്ണിലെ കരടായി മാറിക്കഴിഞ്ഞു. എ.കെ. ആന്റണി `ഞ ഞ്ഞാ പിഞ്ഞാ' പറഞ്ഞ്‌ ആദര്‍ശധീരനായി ചുക്കിനും ചുണ്ണാമ്പിനും കൊള്ളാത്തവനായി തെക്കുവടക്ക്‌ ഷട്ടിലടിക്കുന്നു. `പ്രിയങ്കയെ വിളിക്കൂ കോണ്‍ഗ്രസിനെ രക്ഷിക്കൂ' എന്നു മുറവിളി കൂട്ടുന്നവരും ഇക്കൂട്ടത്തിലുണ്ട്‌. എന്നാല്‍ പ്രിയങ്ക പാര്‍ട്ടിയുടെ അമരത്തു വന്നാല്‍ അതു പുലിവാലാകുമോ എന്ന ആശങ്കയും ഇല്ലാതില്ല. പ്രിയങ്കയുടെ ഭര്‍ത്താവ്‌ റോബര്‍ട്ട്‌ വാദ്രയുടെ റിയല്‍ എസ്റ്റേറ്റ്‌ അഴിമതിയാണ്‌ നരേന്ദ്രമോദി ഹരിയാന തെരഞ്ഞെടുപ്പില്‍ തുറുപ്പുചീട്ടാക്കിയത്‌. ഹരിയാനയുടെ ഇതുവരെയുള്ള രാഷ്‌ട്രീയ ചരിത്രം തിരുത്തി എഴുതി, 2009-ല്‍ നാലു സീറ്റുകള്‍ മാത്രം നേടിയ ബി.ജെ.പി 47 സീറ്റുകളാണ്‌ ഹരിയാനയില്‍ തൂത്തുവാരിയത്‌. 2009-ല്‍ 40 സീറ്റുകള്‍ നേടി ഭരണത്തിലേറിയ കോണ്‍ഗ്രസ്‌ 15 സീറ്റുകളുമായി ഇത്തവണ മൂന്നാം സ്ഥാനത്തേക്ക്‌ തള്ളപ്പെട്ടു. ഭൂമിയിടപാട്‌ അഴിമതി വലയില്‍ കുരുങ്ങി അകത്താകാതിരിക്കാന്‍ തന്റെ അണികളെ ഇപ്പോള്‍തന്നെ റോബര്‍ട്ട്‌ വാദ്ര, മോദി അനുഭാവികളാക്കി മാറ്റിക്കഴിഞ്ഞുവെന്നാണ്‌ പിന്നാമ്പുറ വാര്‍ത്തകള്‍! കോണ്‍ഗ്രസിന്റെ അമ്പതില്‍ താഴെയുള്ള പാര്‍ലമെന്റ്‌ അംഗങ്ങളിലെ പ്രമുഖരെ സ്വന്തം ചേരിയിലേക്ക്‌ ചേര്‍ക്കുവാനുള്ള തന്ത്രമാണ്‌ ഇപ്പോള്‍ മോദി മെനയുന്നത്‌. പട്ടികയില്‍ പ്രഥമ സ്ഥാനം ഡല്‍ഹി നായര്‍ ശശി തരൂരാണ്‌. ഈയിടെയായി തരൂര്‍ പ്രകടിപ്പിക്കുന്ന അമിത മോദി ഭക്തി, താന്‍ മറുകണ്ടം ചാടാനുള്ള തയാറെടുപ്പിലാണെന്നു വ്യക്തമാക്കുന്നു. സുനന്ദാ പുഷ്‌കറിന്റെ ഗതികിട്ടാതെ അലയുന്ന ആത്മാവിന്റെ ശാപം തരൂരിനെ നിഴല്‍ പോലെ പിന്തുടര്‍ന്നുകൊണ്ടിരിക്കുന്ന ഈ അവസരത്തില്‍, അഴിയെണ്ണാതിരിക്കണമെങ്കില്‍, മോദിയൊരുക്കുന്ന കൂട്ടില്‍ കയറി കിടക്കുകയല്ലാതെ മറ്റ്‌ മാര്‍ഗ്ഗമൊന്നും അദ്ദേഹത്തിനു മുന്നിലില്ല.

ഒരു വിജയംകൊണ്ട്‌ ഏതെങ്കിലും ഒരു പാര്‍ട്ടി അനിഷേധ്യമാകുകയോ, പരാജയംകൊണ്ട്‌ മറ്റൊരു പാര്‍ട്ടി എഴുതിത്തള്ളപ്പെടുകയോ ചെയ്യുന്ന ചരിത്രം ഇന്ത്യയ്‌ക്കില്ല. എന്നാല്‍ പരാജയത്തില്‍ നിന്ന്‌ ഒരു പാഠവും പഠിക്കാതെ പൂര്‍വ്വാധികം ശക്തിയോടെ തിരിച്ചുവരുമെന്നു വീമ്പിളക്കുന്നതു കേള്‍ക്കുമ്പോള്‍, ഒരിക്കലും ചിരിക്കാത്ത പിണറായി വിജയന്‍ പോലും ചിരിച്ചുപോകും. ഹരിയാനയിലും മഹാരാഷ്‌ട്രയിലും ബി.ജെ.പി നേടിയ വന്‍വിജയം പ്രധാനമന്ത്രി നരേന്ദ്രമോദി വാഗ്‌ദാനം ചെയ്യുന്ന വികസന സ്വപ്‌നങ്ങള്‍ക്ക്‌ ജനം നല്‍കിയ അംഗീകാരമാണ്‌. ജനങ്ങള്‍ തങ്ങളിലര്‍പ്പിച്ചിരുന്ന വിശ്വാസം കാത്തുസൂക്ഷിക്കാന്‍ ബി.ജെ.പിയ്‌ക്കും, താന്‍ ജനങ്ങള്‍ക്ക്‌ നല്‍കിയ വികസന സ്വപ്‌നങ്ങള്‍ യാഥാര്‍ത്ഥ്യമാക്കുവാന്‍ മോദിക്കും കഴിയുമെന്ന്‌ പ്രത്യാശിക്കാം.

പ്രവാസി മലയാളികള്‍ക്കു നയാ പൈസയുടെ നന്മ ചെയ്യാതിരുന്ന പല്ലുകൊഴിഞ്ഞ പഴയ പ്രവാസി മന്ത്രിയെ ഈയിടയ്‌ക്ക്‌ അമേരിക്കയിലേക്ക്‌ ക്ഷണിച്ചുവരുത്തി വ്‌ലപ്പോഴുമൊക്കെ ഒന്ന്‌ ആദരിക്കണമെന്ന്‌ ഓവര്‍സീസ്‌ കോണ്‍ഗ്രാസുകാരോട്‌ അഭ്യര്‍ത്ഥിക്കുകയാണ്‌. വെറുതെ ചോറിയും കുത്തി വീട്ടില്‍ ഇരിക്കുകയല്ലേ? പഴയ ഓര്‍മ്മകള്‍ പുതുക്കി അദ്ദേഹം ഒന്നു ഉഷാറാകട്ടെ! ഒരു ഗവര്‍ണറാകാനുള്ള ബാല്യമൊന്നും അദ്ദേഹത്തിനില്ല. ബി.ജെ.പിയുടെ വാതില്‍ അടുത്ത അഞ്ചുവര്‍ഷത്തേക്ക്‌ തുറന്നിട്ടിരിക്കുകയാണ്‌? ഭാഗ്യം തേടിവരുന്ന വഴി അതാണെന്നു പ്രവചിക്കാന്‍ പറ്റില്ലല്ലോ!
`മദാമ്മയേയും, മക്കളേയും മാറ്റിനിര്‍ത്തൂ! കോണ്‍ഗ്രസിനെ രക്ഷിക്കൂ' (രാജു മൈലപ്ര)
Join WhatsApp News
RAJAN MATHEW DALLAS 2014-10-20 18:20:20
 
 കോണ്‍ഗ്രസിന്റെ കഴിഞ്ഞ കാല വികല നയങ്ങൾ എന്തൊക്കെയാണാവോ ?  അത് തന്നെയല്ലേ മോഡിയും ആവർത്തിക്കുന്നത് ? 

താന്ഗ്ഗളുടെ വലിയ സാമ്പത്തിക അറിവ് വച്ച് അതിലെ വൈകല്ല്യം ഒന്ന് അറിയിക്കുമോ ?

A.C.George 2014-10-20 19:18:38
This is just a wave, just a \\\"tharangam\\\", change of crews. Modi team promised sudden change. But I do not see any better changes even after 120 days. The common people are just in the same boat.Their problem and sufferings continues. Same or more price rise, no decision on black money,burocarcy or burocratic blockage, all such evils are there. Probably it is too early to say. Let us give Mody more time. Let us be patient and cautious..But the indications are not so great so far. But effective campaign and one man show is there. He knows how to sell. how to manipulate, how to get the trust and confidence of the voters. This is just a modi magic and he played very well the divide and rule policy and the religious game. In India, USA or all over the world and many of the pravasis including the Cogress/UPA people jumped on the Mody band wagon. Very soon you will see Sasi Tharur also in Mody\\\'s camp. Probably he is already in there. Still our Overseas Congress leaders in USA carry Sashi Tharur in their shoulders. For many years they carried Vaylar Ravi also. Now they dropped him. With all that people are fed up. They need a change. They want a change, whether Mody or some body. They are testing and they are impatient. Do you remeber Jayaprakash/V P Singh thrangam? Then what happened? Any way let us give time, more time for Mody and group. As an ordinary person I am independent, impartial and stand for justice for all.Whoever, I wish a better Bharath. Thank you, Raju Sir for giving some interesting flavour for your outlook. Remember that I am not a BJP man or a congress man. I am a every day common man. Let us take things case by case..
Biju Cherian 2014-10-21 01:30:25
Very good article . Need to give a chance to BJP in Kerala, then  only both LDF & UDF learn a lesson. Congress need a popular leader to survive. Congratulations.
Shaji. M, Kozhencherry. 2014-10-21 05:49:20
Rajuchetta, Kothi kothi overseas congressnem kothi!!! Madammede alkare inganeyoke pukazthamo!!! Very good. Keep it up!!!
Truth man 2014-10-21 06:32:22
Mr.Raju mylapra your article is excellent .Now we are paying tax in India and Amercia because of that old man Manmohansing.
Sudhir said before that Manmohansing did lot of trouble to pravasi. That is correct .Now in India we have good Goverment.
We can pray for them do not repeat  shavapetti  kumbakonam.
Thundiyath Babukutty 2014-10-21 07:07:52
Very Good.
Renjith Nair 2014-10-21 10:50:09
You said it!!!Nice Article
ESO 2014-10-22 12:02:48
The Question raised in my mind; "IN A DEMOCRATIC INIDA; DOES CONGRESS PARTY HAS ANY MORE RELEVANCE; WHERE THERE IS NO INNER PARTY DEMOCRACY". There are unprecedented erosion of support in Congress rank and files. Majority of the Congress Party supporters around the world were confused and now changed their hopes and aspirations and learned to lean on to the alternatives hoping for a better tomorrow for India. The desire of the Indian origin people who love the nation, India. The "High Command", "Sonia" and "Rahul" Syndrome continue to flash ash in the eyes of the public and Congress supporters. There is no inner party democracy in Congress, but only a "caucus of High Command Syndrome". There is dearth in the leadership of Congress Party for many years with second and third rate level of leaders from around India. The Syndrome and Caucus have not allowed any one with leadership qualities flourish in the Party. This is only for pushing over the party and India "Rahul" the mediocre leader. People are of the opinion that he does not have the brilliance, statesmanship, leadership even to head a Village Panchayath. After the election debacle; Mr. AK Anthony produced a fact finding report on election debacle, which has been "phoophooed" by everyone. AK did not have the backbone to speak the truth and bring the real reasons and truth of the debacle. That is the rank and file of Congress Party "the donkey worshipers in the Congress". WILL CONGRESS PARTY SURVIVE OR RISE UP IN A GENERATION OF YEARS: The party has been eroded and rapidly being washed away from the minds of the people. In the last decade Congress party has doomed in corruption. It was definitely driven from the back seats by the High Command making a scapegoat in PM, MMS. It has been silently approved by the party file and rank leaders including all the ministers and MPs all over especially from Kerala. We do not wish to give a clean chit to anyone including AK. If any of them were innocent, they should have quit the party when things were driven out of hand. We also do not give a clean chit to any UPA partners. History will never forget all those spectators at authority - a majority being from Kerala - . Now we understand how in-effective we were at the borders of China and Pakistan. How we compromised at the Security of the Nation. How the Military, Navy and Air Force suffered. How the Congress Party looted the resources of India and funneled out the loot to foreign banks. Madame and son are eye sours for the people of India and for another Generation. Madame and son and the "the so called Gandhi clan" cannot hang like an albatross on the politics of India. They should retire and leave. The only hope for Congress is a re-grouping of new breed of leadership from every corner of India with inner party democracy, slowly build up the party, unanimously elevate and project a capable leader and hope for a change in ten years. If this process does not start, Madame, son and Congress Party will be doomed forever in 10 years. How long the people can be fooled? All things that are irrelevant for the nation must disappear from Congress. We can't stand anymore "THE HIGH COMMAND, SONIA & RAHUL SYNDROME". WILL YOU CAST AWAY THESE FOR THE GOOD OF CONGRESS. E. Sam Oommen
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക