കോഴിക്കോട്: മെഡിക്കല്‍ കോളേജിന് സമീപം സ്വകാര്യ ബസ്സിടിച്ച് ബൈക്കില്‍ സഞ്ചരിച്ച ദമ്പതികള്‍ മരിച്ചു. കാരന്തൂരിനും മുണ്ടിക്കല്‍താഴത്തിനും ഇടയ്ക്ക് തിങ്കളാഴ്ച ഉച്ചകഴിഞ്ഞാണ് അപകടമുണ്ടായത്. ഇരുവരും സംഭവ സ്ഥലത്തുതന്നെ മരിച്ചു. മുക്കത്തുനിന്ന് കോഴിക്കോട്ടേക്കുവന്ന സ്വകാര്യ ബസ്സാണ് ബൈക്ക് യാത്രക്കാരെ ഇടിച്ചു തെറിപ്പിച്ചത്. സംഭവത്തെ തുടര്‍ന്ന് നാട്ടുകാര്‍ ബസ് അടിച്ചു തകര്‍ത്തു.