തിരുവനന്തപുരം: ചുംബന സമരത്തിനെതിരെ ആഞ്ഞടിച്ച് സി.പി.എം സംസ്ഥാന സെക്രട്ടറി പിണറായി വിജയന്. ഭാര്യയും ഭര്ത്താവും മുറിയില് കാട്ടുന്നത് തെരുവില് കാണിച്ചാല് നാട് അത് അംഗീകരിക്കില്ലെന്ന് അദ്ദേഹം പറഞ്ഞു.
സദാചാര പൊലീസിനെതിരെയുള്ള സമരരീതി ഇതാണോയെന്ന് പിണറായി ചോദിച്ചു. സദാചാര പൊലീസിനെതിരെ എല്ലാവരെയും അണിനിരത്താന് സമരക്കാര്ക്ക് സാധിച്ചില്ലെന്നും ഇത്തരം സമരങ്ങള്ക്ക് ജനപിന്തുണ ലഭിക്കില്ലെന്നും അദ്ദേഹം വ്യക്തമാക്കി. സമര രീതിയില് മാറ്റം വേണോയെന്ന് സംഘാടകര് തന്നെ ചിന്തിക്കണം. സദാചാര പൊലീസിനെതിരെ ജനങ്ങള് പ്രതികരിക്കണമെന്നും പിണറായി കൂട്ടിച്ചേര്ത്തു.