Original statement by Pinarai: കേരളത്തില്‍ സജീവമാകുന്ന സദാചാര പൊലീസുകാരെ ശക്തമായി നേരിടുമെന്ന് സിപിഐ എം സംസ്ഥാന സെക്രട്ടറി പിണറായി വിജയന്‍ പറഞ്ഞു. സദാചാര പൊലീസിനെതിരെ രൂപപ്പെട്ട കൂട്ടായ്മയാണ് ചുംബനസമരം. സദാചാര പൊലീസിനെതിരായ മുഴുവന്‍ പേരെയും ഒന്നിച്ചണിനിരത്താവുന്ന സമരമുറയല്ല ഇത്. വ്യത്യസ്തമായ സമരം നടത്തുന്നവരെ പൊലീസായാലും സദാചാര പൊലീസായാലും തല്ലിയൊതുക്കുന്നത് അംഗീകരിക്കാനാവില്ല. ഭാര്യയും ഭര്‍ത്താവും മുറിക്കുള്ളില്‍ ചെയ്യേണ്ടത് റോഡില്‍ കാട്ടുന്നത് നാട് അംഗീകരിച്ചെന്ന് വരില്ല. എന്നാല്‍, ചുംബനസമരക്കാരോട് എതിര്‍പ്പുണ്ടെങ്കില്‍ അത് ജനാധിപത്യപരമായി ചര്‍ച്ച ചെയ്യണം. മര്‍ദനം കൊണ്ടല്ല അതിനെ നേരിടേണ്ടതെന്നും പിണറായി പറഞ്ഞു.