.....തെരഞ്ഞെടുപ്പ് നീണ്ടുപോയത് AAP ക്ക് സമയം നല്‍കി. അവര്‍ സംസ്ഥാനത്ത് സംഘടന കെട്ടിപ്പടുക്കുകയും നഗരവാസികളുടെ പ്രശ്നങ്ങള്‍ പഠിക്കുകയുംചെയ്തു. കോണ്‍ഗ്രസിന് സ്വാധീനമുണ്ടായിരുന്ന കോളനികളില്‍ AAP വേരുറപ്പിച്ചു. 49 ദിവസത്തെ കെജ്രിവാള്‍ ഭരണത്തില്‍ ഡല്‍ഹി പൊലീസുമായി സംഘര്‍ഷങ്ങള്‍ ഉണ്ടായെങ്കിലും ജനങ്ങള്‍ക്ക് പൊതുവെ നല്ല അനുഭവമാണ് ഉണ്ടായത്. ഉദാഹരണത്തിന്, ചന്തകളിലെ വ്യാപാരികളില്‍നിന്ന് പൊലീസുകാരുടെ പണപ്പിരിവ് ഡല്‍ഹിയിലെ പതിവാണ്. പണം നല്‍കാത്തവരെ പലരീതിയില്‍ ഉപദ്രവിക്കും. AAP ഭരണത്തിലുണ്ടായിരുന്ന കാലത്തുമാത്രമാണ് പൊലീസുകാര്‍ ഇതില്‍നിന്ന് വിട്ടുനിന്നതെന്ന് കച്ചവടക്കാര്‍ പറയുന്നു. ഇതുപോലുള്ള ഒട്ടേറെ ഘടകങ്ങള്‍ വോട്ടര്‍മാരെ സ്വാധീനിച്ചു. "പാഞ്ച് സാല്‍ കെജ് രിവാള്‍' (അഞ്ചുവര്‍ഷം കെജ് രിവാള്‍) എന്ന മുദ്രാവാക്യം ജനങ്ങളെ ആകര്‍ഷിച്ചത് ഈ സാഹചര്യത്തിലാണ്.....