Best Online News Websites In US | Live Malayalam News Online

കല കുവൈറ്റ് വാര്‍ഷികാഘോഷ സമാപനം ജനുവരി 10ന്

കുവൈറ്റ് പ്രവാസ ഭൂമിയില്‍ സാംസ്‌കാരിക ജീവകാരുണ്യ പ്രവര്‍ത്തനത്തിന്റെയും സാമൂഹ്യ ഇടപെടലിന്റയും മാതൃകയായി മാറിയ കേരള ആര്‍ട്ട് ലവേഴ്‌സ് അസോസിയേഷന്‍ (കല കുവൈറ്റ്) മുപ്പത്തിയഞ്ചാമത് വാര്‍ഷികാഘോഷങ്ങളുടെ സമാപനം ജനുവരി പത്തിന് (വെള്ളി) വൈകുന്നേരം 4.30 മുതല്‍ വിവിധ പരിപാടികളോടെ അബാസിയ യുണൈറ്റഡ് ഇന്ത്യന്‍ സ്‌കൂളില്‍ നടക്കും.

'കാഫ് 2014': ബയെണ്‍ മ്യുണിക് ജേതാക്കള്‍

സ്റ്റുഡന്റ്‌സ് ഇന്ത്യ മക്ക സംഘടിപ്പിച്ച 'കാഫ് 2014' ഫുട്‌ബോള്‍ ടൂര്‍ണമെന്റില്‍ ബയെണ്‍ മ്യുണിക് ജേതാക്കളായി. കളിയുടെ അവസാന പകുതിയില്‍ അലൂഫ് നേടിയ എതിരില്ലാത്ത രണ്ടു ഗോളുകള്‍ക്കാണ് ബാഴ്‌സലോണയെ പരാജയപ്പെടുതിയത്.

നവോദയ അംഗത്വ വിതരണം ആരംഭിച്ചു

ജിദ്ദാ നവോദയയുടെ ഷറഫിയ വെസ്റ്റ് യൂണിറ്റ് മെംബര്‍ഷിപ് വിതരണം ആരംഭിച്ചു. യുവജനവേദി പ്രസിഡന്റ് ബഷീര്‍ അരിപ്ര, ഫെബിന്‍ അയൂബിന് നല്‍കി മെംബര്‍ഷിപ് വിതരണം ഉദ്ഘാടനം ചെയ്തു. ഏരിയ സെക്രട്ടറി ഫിറോസ് മുഴുപ്പിലങ്ങാട്, ഏരിയ പ്രസിഡന്റ് അര്‍ഷദ് ഫറോക്ക്, റഫീക്ക് പത്തനാപുരം, പി.സി അയൂബ്, യുവജന വേദി പ്രവര്‍ത്തകരായ ഷമീര്‍ പേരാമ്പ്ര

കണ്ണമംഗലം കൂട്ടായ്മയുടെ സഹായത്താല്‍ യുവാവ് നാടണഞ്ഞു

സ്‌പോണ്‍സറുടെ സാമ്പത്തിക ചൂഷണത്തിന് വിധേയനായി പ്രയാസമാനുഭവിച്ചിരുന്ന മലയാളി യുവാവ് ജിദ്ദയിലെ കണ്ണമംഗലം കൂട്ടായ്മയുടെ സഹായത്താല്‍ നാട്ടിലേക്ക് തിരിച്ചു. കണ്ണമംഗലം കിളിനക്കൊദ് സ്വദേശി തച്ചപറമ്പന്‍ ഷറഫുദ്ദീന്‍ ആണ് കണ്ണമംഗലം കൂട്ടായ്മ നല്‍കിയ വിമാന ടിക്കറ്റില്‍ കഴിഞ്ഞ ദിവസം നാട്ടിലേക്ക് തിരിച്ചത്.

വിന്റ0ര്‍ ഫെസ്റ്റ് 2014 "

വേള്‍ഡ് മലയാളി കൗണ്‍സില്‍ (ഡബ്ല്യുഎംസി) ദുബായ് പ്രോവിന്‍സിന്റെ ആഭിമുഖ്യത്തില്‍ നടത്തുന്ന ക്രിസ്മസ് പുതുവല്‍സര ആഘോഷങ്ങള്‍ 'വിന്റര്‍ ഫെസ്റ്റ്2014' എന്ന പേരില്‍ റാസല്‍ഖൈമ ആര്‍.വി. റിലാക്‌സ് ക്യാമ്പിംഗില്‍ ജനുവരി പത്ത് വെള്ളിയാഴ്ച വൈകിട്ട് നാലു മുതല്‍ പത്തുവരെ നടക്കും. പതിനാലു ലോക ഭാഷകളില്‍ ഗാനങ്ങള്‍ ആലപിക്കുന ചാള്‍സ് ആന്റണി മുഖ്യ ആകര്‍ഷകമാകും.

പ്രവാസി മലയാളി ഫെഡറേഷന്‍ ജിദ്ദശാഖയില്‍ അംഗത്വ വിതരണം നടത്തി

പ്രവാസി മലയാളി ഫെഡറേഷന്‍ ജിദ്ദ ശാഖയില്‍ അംഗത്വ വിതരണം നടത്തി . ഷരഫിയയില്‍ നടന്ന പൊതുപരിപാടിയില്‍ വച്ച് പ്രസിഡന്റ്‌റ് രാവീന്ദ്രന്‍ പൊറ്റതില്‍ മെമ്പര്‍ഷിപ്പ് വിതരണം ഉത്ഘാടനം

ഭരത് മുരളി നാടകോല്‍സവം: നാഗണ്ഡല മികച്ച നാടകം, സുവീരന്‍ സംവിധായകന്‍

യുഎഇയിലെ നാടകാസ്വാദകരെ ആവേശഭരിതരാക്കിക്കൊണ്ട് കേരള സോഷ്യല്‍ സെന്ററിന്റെ ആഭിമുഖ്യത്തില്‍ സംഘടിപ്പിച്ച ഒരു മാസം നീണ്ടുനിന്ന അഞ്ചാമത് ഭരത് മുരളി നാടകോത്സവത്തിനു തിരശീല വീണു. അബുദാബി നാടക സൗഹൃദം അവതരിപ്പിച്ച് സുവീരന്‍ സംവിധാനം ചെയ്ത 'നാഗമണ്ഡല' മികച്ച നാടകം മികച്ച സംവിധായകന്‍ അടക്കം നാലു അവാര്‍ഡുകള്‍ വാരിക്കൂട്ടി.

ഖത്തറില്‍ ഓണാട്ടുകര പ്രവാസി അസോസിയേഷന്‍ വാര്‍ഷികം ആഘോഷിച്ചു

ഓണാട്ടുകര പ്രവാസി അസോസിയേഷന്‍ ഖത്തര്‍ (ഒപിഎക്യു) സാംസ്‌കാരിക സംഘടന നാലാമത് വാര്‍ഷികം ആഘോഷിച്ചു.

കുവൈറ്റ് ഇന്ത്യന്‍ എംബസി ജനകീയമാകുന്നു

പരാതികള്‍ക്കും പരാധീനതകള്‍ക്കും അറുതിയായി കുവൈറ്റിലെ ഇന്ത്യന്‍ എംബസി ജനകീയമാകുന്നു. ഈയടുത്ത കാലത്ത് നടന്ന അപഖ്യാപിത തിരച്ചലിനെ തുടര്‍ന്ന് നിരവധി ഇന്ത്യക്കാരെ നാടുകടത്തിയപ്പോയും അനങ്ങാപ്പാറ നയം സ്വീകരിച്ചിരുന്ന എംബസി അധികൃതര്‍ യാഥാര്‍ഥ്യത്തിലേക്ക് തിരിച്ചു വരികയാണ്. താമസ രേഖകള്‍ കൈവശമുള്ളവര്‍ പോലും പുറത്തേക്ക് ഇറങ്ങുവാന്‍ ഭയപ്പെട്ടിരുന്ന ആ കാലത്ത് ഇന്ത്യന്‍ സമൂഹത്തിന്റെ ഭയാശങ്കകള്‍ തീര്‍ക്കുവാന്‍ ഉതകുന്ന നടപടികള്‍ സ്വീകരിക്കുന്നതിന് പകരം ഉത്തരവാദിത്വപ്പെട്ട ഉദ്യോഗസ്ഥന്‍ വാര്‍ഷിക അവധിയിടുത്ത് വിദേശത്തേക്ക് പോയത് പ്രവാസി സമൂഹത്തില്‍ വ്യാപകമായ പ്രതിഷേധത്തിന് കാരണമായിരുന്നു.

കുവൈറ്റ് കേരള ഇസ്‌ലാഹി സെന്റര്‍ യൂണിറ്റ് ഭാരവാഹികള്‍

കുവൈറ്റ് കേരള ഇസ് ലാഹി സെന്ററിന്റെ യൂണിറ്റുകളിലെ തെരഞ്ഞെടുപ്പ് പ്രവര്‍ത്തനങ്ങള്‍ പൂര്‍ത്തിയായതായി സെന്റര്‍ ഓര്‍ഗൈനസിംഗ് സെക്രട്ടറി സുനാഷ് ഷുക്കൂര്‍ പത്രകുറിപ്പില്‍ അറിയിച്ചു.

കെകെസിഎ ക്രിസ്മസ്, പുതുവത്സരാഘോഷങ്ങളും വാര്‍ഷിക സമ്മേളനവും സംഘടിപ്പിച്ചു

കുവൈറ്റ് ക്‌നാനായ കള്‍ച്ചറല്‍ അസോസിയേഷന്റെ ഈ വര്‍ഷത്തെ ക്രിസ്മസ്, പുതുവത്സര ആഘോഷങ്ങളും വാര്‍ഷിക സമ്മേളനവും സംയുക്തമായി ഖൈത്താന്‍ ഇന്ത്യന്‍ കമ്യുണിറ്റി സ്‌കൂളില്‍ വര്‍ണാഭമായി ആഘോഷിച്ചു.

നവസാഹിതി 2013 വായനാമത്സരം ഫലം പ്രഖ്യാപിച്ചു

: നവോദയ സാംസ്‌കാരികവേദി അല്‍ഹസ ഏരിയ സാംസ്‌കാരിക വിഭാഗത്തിന്റെ നേതൃത്വത്തില്‍ നടന്ന നവസാഹിതി 2013 വായനമല്‍സര വിജയികളെ പ്രഖ്യാപിച്ചു.

ദുബായ് ഷോപ്പിംഗ് ഫെസ്റ്റിവല്‍ നറുക്കെടുപ്പില്‍ വിജയിച്ച മലയാളിക്ക് രണ്ട് ആഡംബര കാറുകളും 16 ലക്ഷവും

പുതുവര്‍ഷത്തില്‍ തന്നെ തേടിവന്ന ഭാഗ്യത്തിന്റെ സന്തോഷത്തിലാണ് മലയാളിയായ ഫസല്‍. കഴിഞ്ഞ പത്തു വര്‍ഷമായി മുടങ്ങാതെ നടത്തിയ ഭാഗ്യ പരീക്ഷണത്തിന് ഒടുവില്‍ ഫസലിനെത്തേടി ഭാഗ്യമെത്തിയിരിക്കുന്നു. ദുബായ് ഷോപ്പിംഗ് ഫെസ്റ്റിവലിനോടനുബന്ധിച്ച് നടന്ന മെഗാ നറുക്കെടുപ്പിലാണ് ഫസലിന് ഭാഗ്യവര്‍ഷം. രണ്ട് ആഡംബര കാറുകളും 1 ലക്ഷം ദിര്‍ഹവുമാണ് ഫസലുദ്ദീന്‍ കുട്ടിപ്പാലക്കല്‍ എന്ന തയ്യല്‍ക്കാരനെ തേടിയെത്തിയത്.

എന്‍ഡോസള്‍ഫാന്‍ ഇരകളായ ഒരു കുടുംബത്തിന് ദമാം മീഡിയ ഫോറം വീട് നല്‍കുന്നു

കിഴക്കന്‍ പ്രവിശ്യയിലെ മലയാളി മാധ്യമ പ്രവര്‍ത്തകരുടെ കൂട്ടായ്മ ദമാം മീഡിയ ഫോറം കാസര്‍ഗോഡ് എന്‍ഡോസള്‍ഫാന്‍ ബാധിത പ്രദേശത്തെ ഒരു കുടുംബത്തിന് വീട് പണിത് നല്‍കും. എന്‍ഡോസള്‍ഫാന്‍ ഇരകളുടെ ദുരിതം ഒരു ഡോക്കുമെന്ററിലൂടെ പുറംലോകത്തിന് പരിചയപ്പെടുത്തിയ പ്രഫ. എം.എ. റഹ്മാന്റെ നേതൃത്വത്തിലുള്ള എന്‍വിസാഗ് (എന്‍ഡോസള്‍ഫാന്‍ വിക്ടിംസ് സപ്പോര്‍ട്ട് ഗ്രൂപ്പ്) ട്രസ്റ്റിന്റെ സഹകരണത്തോടെയാണ് പദ്ധതി നടപ്പാക്കുന്നത്.

റിയ കുടുംബസംഗമം സംഘടിപ്പിച്ചു

റിയാദ് ഇന്ത്യന്‍ അസോസിയേഷന്‍ (റിയ) പുതുവല്‍സര പിറവിയോടനുബന്ധിച്ചു നടത്തിയ കുടുംബ കുട്ടായ്മയായ 'റിയ വിന്റര്‍ ഫെസ്റ്റ്- 2014' ജനുവരി മൂന്നിന് (വെള്ളി) വൈവിധ്യമാര്‍ന്ന കലാപരിപാടികളോടെ എക്‌സിറ്റ് 18 ലെ നൂര്‍-അല്‍മാസ് ഓഡിറ്റോറിയത്തില്‍ നടക്കും. വൈകുന്നേരം അഞ്ചു മുതല്‍ രാത്രി 10 വരെ നടന്ന വിവിധ കലാപരിപാടികള്‍ കണ്ടാസ്വദിക്കാന്‍ അംഗങ്ങളും റിയാദിലെ മറ്റു പ്രവാസി സുഹൃത്തുക്കളും സന്നിഹിതരായിരുന്നു. പ്രസിഡന്റ് ക്ലീറ്റസിന്റെ അധ്യക്ഷതയില്‍ ചേര്‍ന്ന സാംസ്‌കാരിക സമ്മേളനത്തില്‍ റിയാദിലെ പ്രമുഖ സാമൂഹിക സാംസ്‌കാരിക സംഘടനകളുടെ പ്രതിനിധികളുടെ സാന്നിധ്യം സജീവമായിരുന്നു.

ചാവക്കാട് പ്രവാസി ഫോറത്തിന്റെ പുതുവത്സര കുടുംബസംഗമം ആവേശമായി

യുഎഇയിലെ ചാവക്കാട് സ്വദേശികളുടെ കൂട്ടായ്മയായ ചാവക്കാട് പ്രവാസി ഫോറം പുതുവത്സരത്തോടനുബന്ധിച്ച് നടത്തിയ കുടുംബ സംഗമം പങ്കാളിത്തം കൊണ്ട് ശ്രദ്ധേയമായി.

ഖത്തര്‍ ഇന്ത്യന്‍ ഇസ്‌ലാഹി സെന്ററിന് പുതിയ ഭാരവാഹികള്‍

ഖത്തര്‍ ഇന്ത്യന്‍ ഇസ്‌ലാഹി സെന്ററിന്റെ 2014-15 വര്‍ഷത്തേയ്ക്കുള്ള ഭാരവാഹികളെ തെരഞ്ഞെടുത്തു. ഡോ. അബ്ദുദുല്‍ അഹമദ് മദനി (പ്രസിഡന്റ്), അബ്ദുള്‍ അലി (ജനറല്‍ സെക്രട്ടറി), മുഹമ്മദ് അഷ്‌റഫ് മടിയാരി (ട്രഷറര്‍) എന്നിവരേയും വൈസ് പ്രസിഡന്റുമാരായി കെ.എന്‍ സുലൈമാന്‍ മദനി, മുനീര്‍ സലഫി, ടി.പി കുഞ്ഞുമഹമ്മദ് എന്നിവരേയും സെക്രട്ടറിമാരായി റഷീദ് അലി, ഷമീര്‍ വലിയവീട്ടില്‍, സന്‍ജബീല്‍ മിസ്‌രി എന്നിവരേയും ഉപദേശക സമിതി ചെയര്‍മാനായി അഡ്വ. ഇസ്മായില്‍ നന്മണ്ടയേയും ഉപദേശക സമിതി അംഗങ്ങളായി അബ്ദു റൗഫ് മദിനി, എന്‍.പി അബ്ദുറഹ് മാന്‍, മുസ്തഫ കല്‍പകഞ്ചേരി എന്നിവരേയും കണ്‍വീനറായി അഹ്മദ് അന്‍സാരിയേയും തെരഞ്ഞെടുത്തു.

റിയാദ് മലപ്പുറം ജില്ലാ കെഎംസിസി തെരഞ്ഞെടുപ്പ് കണ്‍വന്‍ഷന്‍

പ്രവാസ ലോകത്തുതന്നെ ആദ്യമായി ലോകസഭ തെരഞ്ഞെടുപ്പു പ്രവര്‍ത്തനങ്ങള്‍ക്ക് തുടക്കം കുറിച്ചുകൊണ്ട് റിയാദ് മലപ്പുറം ജില്ലാ കമ്മിറ്റി സംഘടിപ്പിച്ച പര്‍ലെമെന്റ് മണ്ഡലം കണ്‍വന്‍ഷന് ബത്ത്ഹയിലെ സഫ മക്ക ഓഡിറ്റോറിയത്തില്‍ നടന്നു. ആസന്നമായ തെരഞ്ഞെടുപ്പില്‍ ഫാസിസ്റ്റ് വര്‍ഗീയ ശക്തികളെ അധികാരത്തില്‍ നിന്നും അകറ്റി നിര്‍ത്തുന്നതിനും ഇന്ത്യ മഹാരാജ്യത്തിന്റെ മതേതര മൂല്യം കാത്തുസൂക്ഷിക്കുന്നതിനും വേണ്ടി ഇന്ത്യന്‍ നാഷണല്‍ കോണ്‍ഗ്രസ് നേതൃത്വം നല്‍കുന്ന യുപിഎ അധികാരത്തില്‍ വരേണ്ടത് അനിവാര്യമാണെന്നും ഹിറ്റ്‌ലറുടെയും മുസോളിനിയുടെയും പിന്‍ഗാമിയായ നരേന്ദ്ര മോഡി അധികാരത്തില്‍ വരുന്നത് തടയേണ്ടത് മതേതര വിശ്വാസികളായ ഓരോ ഇന്ത്യക്കാരന്റെയും കടമയാണെന്നും യോഗം അഭിപ്രായപ്പെട്ടു.

കിടപ്പിലായ മുന്‍പ്രവാസിയുടെ ചികിത്സക്ക് നവോദയ സാമ്പത്തിക സഹായം നല്‍കി

സൗദിയിലെ പൊതുമാപ്പ് ഉപയോഗപ്പെടുത്തി നാട്ടിലെത്തിയശേഷം എന്നേയ്ക്കുമായി കിടപ്പിലായ തിരുവനന്തപുരം ജില്ലയിലെ കോട്ടുകാല്‍, പുന്നകുളം സ്വദേശി സുരേന്ദ്രന് (55) നവോദയ മലാസ് യൂണിറ്റ് 1,09,344 രൂപയുടെ ധനസഹായം നല്‍കും.

നവോദയ കേന്ദ്ര കുടുംബവേദിയുടെ കീഴില്‍ വനിതാ വേദിയും ബാലവേദിയും രൂപീകരിച്ചു

നവോദയ സാംസ്‌കാരിക വേദി ഈസ്‌റ്റേണ്‍ പ്രോവിന്‍സ് കുടുംബവേദിയുടെ കേന്ദ്രകമ്മറ്റിയുടെ കീഴില്‍ വനിതാ വേദി, ബാലവേദിയുടേയും പ്രവര്‍ത്തനങ്ങള്‍ വിപുലപെടുത്തുന്നതിന് ഭാരവാഹികളെ തെരഞ്ഞെടുത്തു.

റിയാദില്‍ ഒഐസിസി കണ്ണൂര്‍ ജില്ലാ കമ്മിറ്റി കുടുംബസംഗമം സംഘടിപ്പിച്ചു

ന്യൂനപക്ഷ സംരക്ഷണം കോണ്‍ഗ്രസ് പാര്‍ടിയുടെ പ്രഖ്യാപിത നയമാണെന്നും മോഡി ഉയര്‍ത്തുന്ന ഭീഷണികളെ ചെറുക്കാന്‍ ഇന്ത്യന്‍ നാഷണല്‍ കോണ്‍ഗ്രസ് ശക്തമാണെന്നും കെപിസിസി ജനറല്‍ സെക്രട്ടറി സതീശന്‍ പാച്ചേനി പ്രസ്താവിച്ചു.

ഹുറൂബില്‍ കുടുങ്ങിയ റഫീഖിനെ കൊല്ലം ജില്ലാ ഒഐസിസിയുടെ സഹായത്താല്‍ നാട്ടിലെത്തിച്ചു

മൂന്നുവര്‍ഷം മുമ്പ് ഹൗസ് ഡ്രൈവര്‍ വീസയില്‍ അബഹയിലെത്തി ഹുറുബ് കുരുക്കില്‍പ്പെട്ട കൊല്ലം താമരക്കുളം സ്വദേശി റഫീഖിനെ കൊല്ലം ജില്ലാ ഒഐസിസിയുടെ സഹായത്താല്‍ നാട്ടിലെത്തിച്ചു.

മെംബര്‍ഷിപ്പ് കാമ്പയിന്‍ പ്രവര്‍ത്തനങ്ങള്‍ക്ക് തുടക്കമായി

നവോദയ സാംസ്‌കാരിക വേദി കിഴക്കന്‍ പ്രവിശ്യയുടെ 2014 മെംബര്‍ഷിപ്പ് പ്രവര്‍ത്തനങ്ങള്‍ക്ക് ജനുവരി മൂന്നിന് വിവിധ മേഖലകളില്‍ തുടക്കമായി. ഫെബ്രുവരി 28ന് മെംബര്‍ഷിപ്പ് പ്രവര്‍ത്തനങ്ങള്‍ പൂര്‍ത്തീകരിക്കും.

ധാര്‍മിക മൂല്യങ്ങളിലൂടെ വളരുന്ന മക്കള്‍ ഉത്തമ സമൂഹത്തിന്റെ അടിത്തറ

ധാര്‍മിക മൂല്യങ്ങളിലൂടെ വളരുന്ന മക്കളാണ് ഭാവിയില്‍ വരുന്ന ഉത്തമ സമൂഹത്തിന്റെ അടിത്തറ രൂപപ്പെടുത്തുന്നതെന്നും അടിയുറച്ച ദൈവീക ബോധവും സഹനശീലവും മക്കളില്‍ സാംസ്‌കാരിക ഉന്നമനത്തിന് നിദാനമാണെന്നും യുവ പ്രബോധകനും വാഗ്മിയുമായ അബ്ദു സുബ്ഹാന്‍ സ്വലാഹി അഭിപ്രായപ്പെട്ടു.

ക്രിസ്മസ്, പുതുവത്സരാഘോഷങ്ങളും എക്യുമെനിക്കല്‍ ക്രിസ്മസ് കരോളും ഹൃദ്യമായി

വൈഎംസിഎ ഷാര്‍ജയുടെ ക്രിസ്മസ്, പുതുവത്സരാഘോഷങ്ങളും എക്യുമെനിക്കല്‍ ക്രിസ്മസ് കരോളും ഷാര്‍ജ സിഎസ്‌ഐ പാരിഷ് വികാര്‍ റവ. ജേക്കബ് ജോണ്‍ മുല്ലയ്ക്കല്‍ ഉദ്ഘാടനം ചെയ്തു.

പാലത്തിനു മുകളില്‍നിന്നും അജ്ഞാതര്‍ തള്ളിയിട്ടു പരിക്കേറ്റ തൊഴിലാളി സഹായം തേടുന്നു

എറണാകുളം നോര്‍ത്ത് പറവൂര്‍ സ്വദേശിയും കുവൈറ്റിലെ ജനറല്‍ ട്രേഡിംഗ് കമ്പനിയിലെ ജീവനക്കാരനുമായ തമ്പി മാധവന്‍ സുമനസുകളുടെ സഹായം തേടുന്നു.

അംഗത്വവിതരണ പ്രവര്‍ത്തനം മക്ക ഏരിയയിലെ വിവിധ യൂണിറ്റുകളില്‍ തുടങ്ങി

നവോദയയുടെ ഈ വര്‍ഷത്തെ അംഗത്വവിതരണ പ്രവര്‍ത്തനം മക്ക ഏരിയ യിലെ വിവിധ യൂണിറ്റുകളില്‍ തുടങ്ങി. മക്ക ഏരിയ തല ഉദ്ഘാടനം കാക്കിയയില്‍ നടന്നു. ഏരിയ കമ്മിറ്റി വൈസ്പ്രസിഡന്റ് മുഹമ്മദ് മേലാറ്റൂരിന്റെ അധ്യക്ഷതയില്‍ ചേര്‍ന്ന യോഗത്തില്‍ സലീം പെരുമ്പാവൂരിനു അംഗത്വം നല്‍കി ജിദ്ദ നവോദയ സെക്രട്ടറി ഫിറോസ് മുഴപ്പിലങ്ങാട് ഉദ്ഘാടനം ചെയ്തു.

ഒഐസിസി ബലദ് മഹജര്‍ ഏരിയ കമ്മിറ്റി എ.കെ. ആന്റണിയെ അഭിനന്ദിച്ചു

രമേശ് ചെന്നിത്തലയുടെ അഭ്യന്തര മന്ത്രി സ്ഥാനലബ്ധി വരുന്ന ലോക്‌സഭ തെരഞ്ഞെപ്പില്‍ യുഡിഎഫിനെ ഒറ്റക്കെട്ടായി നയിക്കുവാനും കോണ്‍ഗ്രസില്‍ ഐക്യം ശക്തിപെടുവാനും ഉപകരിക്കുമെന്നു ഒഐസിസി ബലദ് മഹജര്‍ ഏരിയ കമ്മിറ്റി അഭിപ്രായപെട്ടു.

അബുദാബിയില്‍ 'പൊന്നോത്സവ് 2014' ജനുവരി 10ന്

പൊന്നാനി സിറ്റി വെല്‍ഫെയര്‍ ഫോറം യുഎഇ നാഷണല്‍ കമ്മിറ്റിയുടെ നാലാം വാര്‍ഷികത്തിന്റെ ഭാഗമായി കള്‍ച്ചറല്‍ വിഭാഗം സംഘടിപ്പിക്കുന്ന പൊന്നോത്സവ് 2014 ജനുവരി 10ന് (വെള്ളി) ഉച്ചയ്ക്ക് ഒന്നു മുതല്‍ അബുദാബി കേരള സോഷ്യല്‍ സെന്ററില്‍ നടക്കും.

നവയുഗം സാംസ്‌കാരികവേദി നോര്‍ക്ക ക്ലാസും തിരിച്ചറിയല്‍ കാര്‍ഡ് വിതരണവും നടത്തി

നവയുഗം സാംസ്‌കാരികവേദിയുടെ നേതൃത്വത്തില്‍ സഫ യൂണിറ്റില്‍ നോര്‍ക്ക സേവനങ്ങളെക്കുറിച്ച് ക്ലാസ് നടത്തി. സഫ മേഖലയില്‍നിന്നും സ്വീകരിച്ച നോര്‍ക്ക തിരിച്ചറിയല്‍ അപേക്ഷകളില്‍മേലുള്ള കര്‍ഡുകളുടെ വിതരണവും നടത്തി.

ഇന്ത്യയും സൗദിയും ഗാര്‍ഹിക തൊഴില്‍ കരാറില്‍ ഒപ്പുവച്ചു

മലയാളികളായ പ്രവാസികള്‍ക്ക് ഏറെ ഗുണകരമാകുന്ന ഗാര്‍ഹിക തൊഴില്‍ കരാറില്‍ ഇന്ത്യയും സൗദി അറേബ്യയും തമ്മില്‍ ഒപ്പുവച്ചു. ഡല്‍ഹിയില്‍ നടന്ന ചടങ്ങില്‍ കേന്ദ്ര പ്രവാസികാര്യമന്ത്രി വയലാര്‍ രവിയും സൗദി തൊഴില്‍മന്ത്രി ആദില്‍ ബിന്‍ മുഹമ്മദ് ഫഖീഹും തമ്മിലാണ് ഇത് സംബന്ധിച്ച പ്രാരംഭ കരാറില്‍ ഒപ്പുവച്ചത്. ഇതോടെ, ഗാര്‍ഹിക തൊഴിലാളികള്‍ക്കു മിനിമം വേതനം, കൃത്യമായ തൊഴില്‍ സമയം, ശമ്പളത്തോടെയുള്ള വാര്‍ഷിക അവധി, തൊഴില്‍ തര്‍ക്കം പരിഹരിക്കാനുള്ള സംവിധാനം തുടങ്ങിയവ നിയമപരമാകും. തൊഴിലിടങ്ങളിലെ പരാതികള്‍ ഉന്നയിക്കുന്നതിനു 24 മണിക്കൂറും പ്രവര്‍ത്തിക്കുന്ന ഹെല്‍പ് ലൈന്‍ സംവിധാനവും കരാറിന്റെ ഭാഗമായി നടപ്പിലാക്കും.

പി.എം. സാദ്ദിഖിനു വണ്ടൂര്‍ പ്രവാസി കൂട്ടായ്മ യാത്രയയാപ്പു നല്‍കി

ജോലി ആവശ്യാര്‍ഥം അബൂദാബിയിലേയ്ക്ക് സ്ഥലം മാറിപോകുന്ന പി.എം. സാദ്ദിഖിനു വണ്ടൂര് പ്രവാസി കൂട്ടായ്മ യാത്രയയപ്പു നല്‍കി. കഴിഞ്ഞ 25 വര്‍ഷത്തോളമായി സൗദിയില്‍ ജോലി ചെയ്യുന്ന സാദ്ദിക്ക് കൂട്ടായ്മയുടെ വൈസ് പ്രസിഡന്റ് കൂടിയാണ്. ഇന്‍ഷ്വറന്‍സ് കമ്പനിയില്‍ ജോലി ചെയ്യുകയായിരുന്ന പി.എം സാദിഖ് ജിദ്ദയില്‍ നിരവധി സാമൂഹിക, സാംസ്‌കാരിക സംഘടനകളില്‍ സജീവമായി പ്രവര്‍ത്തിച്ചിരുന്നു. കൂട്ടായ്മയുടെ ഉപഹാരം ഭാരവാഹികള്‍ സാദ്ദിഖിനു ചടങ്ങില്‍ സമ്മാനിച്ചു.

ഇന്ത്യന്‍ ഇസ്‌ലാമിക് അസോസിയേഷന് പുതിയ ഭാരവാഹികള്‍

ഇന്ത്യന്‍ ഇസ്‌ലാമിക് അസോസിയേഷന്‍ ഖത്തര്‍ 2014-15 കാലയളവിലേയ്ക്കുളള പുതിയ ഭാരവാഹികളെ തെരഞ്ഞെടുത്തു. പ്രസിഡന്റായി കെ.സി അബ്ദുള്‍ ലത്ത്വീഫിനെയും ജനറല്‍ സെക്രട്ടറിയായി വി.ടി ഫൈസലിനെയും തെരഞ്ഞെടുത്തു. വൈസ് പ്രസിഡന്റുമാരായി കെ.ടി. അബ്ദുറഹ്മാന്‍, താജ് ആലുവ എന്നിവരും തെരഞ്ഞെടുക്കപ്പെട്ടു. ആര്‍.എസ് അബ്ദുള്‍ ജലീലാണ് ഫൈനാന്‍സ് സെക്രട്ടറി.

കെഐജിക്ക് പുതിയ ഭാരവാഹികള്‍

കേരള ഇസ്‌ലാമിക് ഗ്രൂപ്പിന്റെ 2014-15 വര്‍ഷത്തേയ്ക്കുള്ള പുതിയ കേന്ദ്ര ഭാരവാഹികളെ തെരഞ്ഞെടുത്തു. പ്രസിഡന്റായി കെ.എ. സുബൈറും ജനറല്‍ സെക്രട്ടറിയായി എസ്.എ.പി. ആസാദും ട്രഷററായി പി.കെ. മനാഫും തെരഞ്ഞെടുക്കപ്പെട്ടു. സക്കീര്‍ ഹുസൈന്‍ തുവൂര്‍, ഫൈസല്‍ മഞ്ചേരി (വൈസ് പ്രസിഡന്റുമാര്‍), എന്‍.പി. അബ്ദുള്‍ റസാഖ്, വി.വി. നൗഷാദ് (സെക്രട്ടറിമാര്‍) എന്നിവരാണ് മറ്റു ഭാരവാഹികള്‍.

സ്റ്റുഡന്‍സ് ഇന്ത്യ സിക്‌സസ് ചാമ്പ്യന്‍ഷിപ്പില്‍ അബാസിയ ജേതാക്കള്‍

കെഐജിയുടെ വിദ്യാര്‍ഥി വിഭാഗമായ സ്റ്റുഡന്റ്‌സ് ഇന്ത്യയുടെ ആറു ഏരിയകള്‍ തമ്മില്‍ നടന്ന സിക്‌സസ് ചാമ്പ്യന്‍ഷിപ്പില്‍ അബാസിയ ജേതാക്കളായി.

ഐസിഎഫ് ഉംറ സംഘം വിശുദ്ധ ഭൂമിയില്‍

ഐസിഎഫ് ദുബൈ കമ്മിറ്റിയുടെ നേതൃത്വത്തിലുള്ള ഈ വര്‍ഷത്തെ റോഡു മാര്‍ഗമുള്ള ആദ്യ ഉംറ സംഘം മക്കയില്‍ എത്തി ഉംറ നിര്‍വഹിച്ചു. ബുധനാഴ്ച ഉച്ചക്ക് ദുബായില്‍നിന്ന് പുറപ്പെട്ട സംഘം വ്യാഴാഴ്ച വൈകുന്നേരമാണ് പുണ്യഭൂമിയില്‍ എത്തിയത്.

കോണ്‍ഗ്രസ് ജന്മദിനം ആഘോഷിച്ചു

ഇന്ത്യന്‍ നാഷണല്‍ കോണ്‍ഗ്രസിന്റെ 129-ാം ജന്മദിനം ,കുവൈറ്റ് ഓഐസിസിയുടെ ആഭിമുഖ്യത്തില്‍ കോര്‍ഡിനേഷന്‍ കമ്മിറ്റി ജനറല്‍ കണ്‍വീനര്‍ വര്‍ഗീസ് പുതുകുളങ്ങരയുടെ നേതൃത്വത്തില്‍ ജന്മദിന കേക്ക് മുറിച്ചു ഉല്‍ഘാടനം ചെയ്തു. കുരുവിള അധ്യക്ഷത വഹിച്ച യോഗത്തില്‍,വര്‍ഗീസ് ജൊസഫ്, വിജയഭാനു തുടങ്ങിയവര്‍ സംസാരിച്ചു. റോയ് യോയാക്കി നന്ദി പറഞ്ഞു.

നവോദയ സാംസ്‌കാരിക വേദി ഈസ്‌റ്റേണ്‍ പ്രോവിന്‍സിന്റെ കീഴില്‍ കേന്ദ്രകുടുംബവേദി രൂപീകരിച്ചു

നവോദയ കുടുംബങ്ങളെ ഏകീകൃത രൂപത്തില്‍ നയിക്കാനും നേതൃത്വം നല്‍കാനും ഉദ്ദേശിച്ചുകൊണ്ട് ദമാം കേന്ദ്രമായി കുടുംബവേദിക്ക് രൂപം നല്‍കി. 12 ാം വാര്‍ഷികത്തിനുശേഷം ബദര്‍ അല്‍റബിഅ ഓഡിറ്റോറിയത്തില്‍ കേന്ദ്ര കുടുംബവേദി അംഗങ്ങള്‍ പങ്കെടുത്ത യോഗത്തില്‍ കിഴക്കന്‍ പ്രദേശങ്ങളിലെ നവോദയയുടെ വിവിധ ഏരിയ കുടുംബങ്ങള്‍ പങ്കെടുത്തു.

കെഎംസിസി മുര്‍ഗാബ് യൂണിറ്റിന് പുതിയ ഭാരവാഹികള്‍

കുവൈറ്റ് കെഎംസിസി മുര്‍ഗാബ് യൂണിറ്റ് 2014-15 ലേയ്ക്കുള്ള പുതിയ ഭാരവാഹികളെ തെരഞ്ഞെടുത്തു. സിറ്റി സംഘം ഓഡിറ്റോറിയത്തില്‍ നടന്ന വാര്‍ഷിക ജനറല്‍ ബോഡിയോഗത്തില്‍ സിറ്റി ഏരിയ ആക്ടിംഗ് പ്രസിഡന്റ് സമീര്‍ ചെട്ടിപടിയുടെ അധ്യക്ഷതയില്‍ കേന്ദ്ര പ്രസിഡന്റ് ഷറഫുദ്ദീന്‍ കണ്ണേത് യോഗം ഉദ്ഘാടനം ചെയ്തു