വോട്ടുപോര് 2016-സ്ത്രീകള്ക്കായി കരുണയില്ലാക്കരച്ചില് -2 (എ.എസ് ശ്രീകുമാര്)
എന്നാല് സ്ത്രീ സംവരണത്തെക്കുറിച്ചൊക്കെ വാചാലരാവുന്നവര് കേരളത്തിന് ഒരു വനിതാ മുഖ്യമന്ത്രി ഉണ്ടാവുന്നതിനെപ്പറ്റി മിണ്ടുന്നില്ല എന്ന് ഈ തിരഞ്ഞെടുപ്പുവേളയിലും ചുമ്മാതെങ്കിലും ചര്ച്ചചെയ്യേണ്ടതുണ്ട്. നമ്മുടെ തൊട്ടടുത്തു കിടക്കുന്ന തമിഴ്നാട്, പിന്നെ രാജസ്ഥാന്, ഉത്തര്പ്രദേശ്, ബംഗാള്, ഡല്ഹി, ഗുജറാത്ത്, ബീഹാര് തുടങ്ങിയ സംസ്ഥാനങ്ങളെ കണ്ടു പഠിക്കുക. അവിടെയെല്ലാം വനിതകള് മുഖ്യമന്ത്രിമാരായി വിലസിയിട്ടുണ്ട്. കേരള ജനസംഖ്യയില് പുരുഷകേസരികളേക്കാള് കൂടുതല് മഹിളാമണികളുണ്ട്. എന്നിട്ടും ഒരു വനിതാ മുഖ്യമന്ത്രിക്കായി നമ്മള് അനന്തമായി കാത്തിരിക്കുകയാണ്.