ന്യു യോർക്ക്: വെസ്റ്ചെസ്റ്റർ മലയാളി അസോസിയേഷൻ പ്രസിഡണ്ടും അവിഭക്ത ഫൊക്കാന നേതാവുമായിരുന്ന കൊച്ചുമ്മൻ ടി. ജേക്കബ്, 79, ന്യു റോഷലിൽ അന്തരിച്ചു. ഇന്ത്യൻ എയർ ഫോഴ്സ് ഉദ്യോഗസ്ഥനായിരുന്നു. 1979 -ൽ അമേരിക്കയിലെത്തി തുടർന്ന് ന്യു യോർക്ക് ട്രാൻസിറ്റിൽ ഉദ്യോഗസ്ഥനായി. സൂപ്പർവൈസർ ആയി വിരമിച്ചു. കുണ്ടറ തുണ്ടിൽ കുടുംബാംഗമാണ്
പോർട്ട്ചെസ്റ്റർ സെന്റ് ജോർജ് ഓർത്തഡോക്സ് ചർച്ചിന്റെ സ്ഥാപക മെമ്പറും , അല-യു.എസ.എ ഫൗണ്ടിങ് മെംബറുമാണ്
സംഘടനാ രംഗത്തും ചാരിറ്റി പ്രവർത്തനങ്ങളിലും എന്നും സജീവമായിരുന്നു. നിസ്വാർത്ഥതയായിരുന്നു എക്കാലവും അദ്ദേഹത്തിന്റെ പ്രവർത്തനങ്ങളെ വേറിട്ട് നിർത്തിയത്. സൗഹൃദബന്ധങ്ങൾ ഊഷ്മളമായി നിലനിർത്തിയ ചുരുക്കം ചിലരിലൊരാളാണ്.
പുനലൂർ സ്വദേശി അന്നമ്മ ആണ് ഭാര്യ. മക്കൾ: ജോബി ജേക്കബ്, ജെയ്സൺ ജേക്കബ്. മരുമക്കൾ: റാണി, ഡെനിസ്.
കൊച്ചുമക്കൾ: വില്യം, ക്രിസ്ത്യൻ, മിയ, ഇവ
സഹോദരർ: പരേതനായ തങ്കച്ചൻ, പരേതയായ മറിയാമ്മ, ലില്ലിക്കുട്ടി, പരേതനായ വർഗീസ് ടി. ജേക്കബ്, മാത്തുക്കുട്ടി ടി. ജേക്കബ്, ഓമന കുട്ടപ്പൻ, ജോൺ ജേക്കബ്, ജേക്കബ് ടി. ജേക്കബ്, ലീലാമ്മ പ്രകാശ്, രാജൻ ടി. ജേക്കബ്. രണ്ട് പേരൊഴിച്ച് എല്ലാവരും ന്യു യോർക്കിൽ.
പൊതുദർശനം: ജൂൺ 2 ബുധൻ 3 മുതൽ 8.30 വരെ: സെന്റ് ജോർജ് ഓർത്തഡോക്സ് ചർച്ച്, 360 ഇർവിംഗ് അവന്യു, പോർട്ട്ചെസ്റ്റർ
സംസ്ക്കാര ശുശ്രുഷ ജൂൺ 3 വ്യാഴം രാവിലെ 9 മണി: സെന്റ് ജോർജ് ഓർത്തഡോക്സ് ചർച്ച്, 360 ഇർവിംഗ് അവന്യു, പോർട്ട്ചെസ്റ്റർ . തുടർന്ന് സംസ്കാരം ബീച്ചവുഡ് സെമിത്തേരി, ന്യു റോഷൽ .
സംഘടനകളുമായും വ്യക്തികളുമായും ഇത്രയധികം ഗാഢബന്ധം പുലർത്തിയവർ ചുരുക്കമാണെന്നു ഫോമാ അഡ്വൈസറി ബോർഡ് ചെയർ ജോൺ സി. വർഗീസ് അനുശോചനത്തിൽ പറഞ്ഞു. അദ്ദേഹവുമായുള്ള ബന്ധം എന്നും ഓർമ്മയിൽ നിലനിൽക്കും. ഈ വേർപാട് സമൂഹത്തിനു തീരാ നഷ്ടമാണ്. ആ ധന്യാത്മാവിനു ഫോമാ ആദരാഞ്ജലി അർപ്പിക്കുന്നു.
തന്റെ അമ്മയുടെ വൗയാറ്റിൽ ജനിക്കാത്ത സഹോദരനാണ് കൊച്ചുമ്മനെന്നു ഫോമാ നേതാവും വെസ്റ്റ് ചെസ്റ്റർ ഹ്യൂമൻ റൈറ്സ് കമ്മീഷണറുമായ തോമസ് കോശി പറഞ്ഞു. ഈ വേർപാട് തന്റെ ജീവിതത്തിന്റെ ഒരു ഭാഗം നഷ്ടപ്പെടും പോലെയാണ്. ഏത് സംഘടനയിലും ഏതു സ്ഥാനത്തും എത്താൻ പ്രാപ്തനായിരുന്നിട്ടും പിന്നണിയിൽ നിന്ന് സജീവ പ്രവർത്തനങ്ങൾ നടത്തിയ അപൂർവം വ്യക്തികളിലൊരാളാണ്.
നല്ല ഓർമ്മകൾ മാത്രം സമ്മാനിച്ച് വിടപറഞ്ഞ അദ്ദേഹത്തിന്റെ ആത്മാവിനു നിത്യശാന്തി നേരുന്നു.
contact: 914 907 6318
contact: 914 907 6318