വാഷിംഗ്ടണ് ഡി സി: ഫെബ്രുവരി 5 ബുധനാഴ്ച യു എസ് കോണ്ഗ്രസ്സിനെ അഭിസംബോധന ചെയ്ത് രാഷ്ട്രത്തോടായി പ്രസിഡന്റ് ട്രംമ്പ് നടത്തിയ ഒന്നരമണിക്കൂര് നീണ്ടുനിന്ന പ്രസംഗത്തിന് ശേഷം ട്രംമ്പിന്റെ റേറ്റിംഗ് വന് വര്ദ്ധന ട്രംമ്പ് പ്രസിഡന്റായതിന് ശേഷം ഇതുവരെ നടത്തിയ പ്രസംഗങ്ങളെ വിലയിരുത്തുമ്പോള് ലഭിച്ച അംഗീകാരത്തേക്കാള് വര്ദ്ധിച്ച റേറ്റിംഗാണ് (49%) ട്രംമ്പിന് ഇത്തവണ ലഭിച്ചത്. കഴിഞ്ഞ വര്ഷങ്ങളിലെ യൂണിയന് അഡ്രസ്സിംഗിന് ലഭിച്ച ടെലിവിഷന് കാഴ്ചക്കാര് ഈ വര്ഷം ഇല്ലായിരുന്നുവെന്നതും പ്രത്യേകം ശ്രദ്ധിക്കപ്പെട്ടു. ഈ പ്രസംഗത്തോടെ അടുത്ത നിരഞ്ഞെടുപ്പില് വൈറ്റ് ഹൗസിലേക്കുള്ള ട്രംമ്പിന്റെ പ്രവേശനത്തിന് സാധ്യതകള് വര്ദ്ധിപ്പിച്ചിട്ടുണ്ട്.
ചൊവ്വാഴ്ച രാത്രി ട്രംമ്പ് നടത്തിയ പ്രസംഗം വളരെ കാര്യക്ഷമവും അതിവിദഗ്ദമായി തയ്യാറാക്കിയതുമായിരുന്നുവെന്നാണ് ഒബാമയുടെ മുന് ടോപ് ഉപദേഷ്ഠാവ് ഡേവിഡ് അലക്സിലോര്ഡ് അഭിപ്രായപ്പെട്ടത്.
പ്രസംഗത്തില് പരാമര്ശിച്ച എല്ലാ വിഷയങ്ങളും അടുത്ത് നടക്കുന്ന പൊതു തിരഞ്ഞെടുപ്പിന് ലക്ഷ്യം വച്ചായിരുന്നുവെന്നും അദ്ദേഹം പറഞ്ഞു.
ന്യൂനപക്ഷങ്ങളുടെ അവകാശങ്ങള് സംരക്ഷിക്കപ്പെടുമെന്ന് ഉറപ്പൂനല്കിയപ്പോള്തന്നെ, സ്ത്രീകള്ക്കിടയില് നിലവിലുള്ള ചെറിയ ആശങ്കകളും, സംശയങ്ങളും ദൂരീകരിക്കുന്നതിനുള്ള നടപടികള് കൂടി സ്വീകരിക്കുവാന് തയ്യാറായാല് ട്രംമ്പിന്റെ യശസ്സ് ഉയരുമെന്നും അദ്ദേഹം ചൂണ്ടിക്കാട്ടി.
നവംബറില് നടക്കുന്ന പ്രസിഡന്റ് തിരഞ്ഞെടുപ്പിന്റെ മുന്നോടിയായ അയോവായില് ട്രംമ്പ് വന് വിജയം ആഘോഷിച്ചപ്പോള്, അയോവ ഡമോക്രാറ്റിക് കോക്കസില് ഉടലെടുത്ത വോട്ടിങ്ങ് ന്യൂനത പൊതു ജനമദ്ധ്യത്തില് ഡമോക്രാറ്റിക് പാര്ട്ടിക്കേറ്റ വലിയൊരു പരാജയമായിട്ടാണ് കണക്കാക്കുന്നത്.