Image

ഫോമാ ഭാരവാഹികൾ ഷിക്കാഗോ കോൺസൽ ജനറൽ അമിത് കുമാറിനെ സന്ദർശിച്ചു

(ഫോമാ ന്യൂസ് ടീം) Published on 19 January, 2021
ഫോമാ ഭാരവാഹികൾ ഷിക്കാഗോ കോൺസൽ ജനറൽ അമിത് കുമാറിനെ സന്ദർശിച്ചു

കോവിഡ് കാല-കോവിഡാനന്തര യാത്ര സംബന്ധിയായ പ്രശ്നങ്ങളും, വിവരങ്ങളും ബോധ്യപ്പെടുത്താനും, പ്രവാസികൾക്ക് കോൺസുലേറ്റ് നൽകുന്ന സേവനങ്ങളെ സംബന്ധിച്ചുള്ള കൂടുതൽ വിവരങ്ങൾ ശേഖരിക്കുന്നതിനും ഫോമാ ജോയിന്റ് സെക്രട്ടറി ജോസ് മണക്കാട്ടിന്റെ  നേതൃത്വത്തിൽ ഫോമാ നേതാക്കൾ ഷിക്കാഗോ കോൺസുലേറ്റ് സന്ദർശിച്ചു. 

കോൺസൽ  ജനറൽ  അമിത് കുമാറുമായും, കോൺസുലേറ്റിലെ  ഉയർന്ന ഉദ്യോഗസ്ഥരായ പി.കെ മിശ്ര , എൽ.പി,ഗുപ്ത എന്നിവരുമായും ജോസ് മണക്കാട് ,  സെൻട്രൽ റീജിയൻ  ആർ.വി.പി. ജോൺ പാട്ടപതിയിൽ,     ഫോമാ ദേശീയ കമ്മറ്റി അംഗം  ജോൺസൺ  കണ്ണൂക്കാടൻ, എന്നിവർ  വിവിധ വിഷയങ്ങളെ സംബന്ധിച്ചു  സംസാരിച്ചു.

ഷിക്കാഗോ കോൺസുലേറ്റിന്റെ കീഴിൽ വരുന്ന മലയാളികളുടെ  എല്ലാ പ്രശ്നങ്ങളും പരിഹരിക്കാൻ സദാ സന്നദ്ധരായിരിക്കുമെന്ന്   അമിത് കുമാറും  മറ്റുദ്യോഗസ്ഥരും ഉറപ്പു നൽകി. ഈ കോവിഡ് കാലയളവിൽ നാട്ടിലേക്ക് പോകുന്നവരുടെ യാത്ര ക്ലേശങ്ങൾ പരിഹരിക്കുന്നതിന് കോൺസുലെറ്റ്മായി ബന്ധപ്പെട്ട് ഫോമാ നൽകിയ സഹായങ്ങളെ അദ്ദേഹം പ്രത്യകം അഭിനന്ദിച്ചു. പ്രവാസി മലയാളികൾക്ക് ഫോമ നൽകുന്ന സേവനങ്ങളും, നാടുമായി ബന്ധപ്പെട്ടു ഫോമാ ചെയ്യുന്ന വിവിധ പദ്ധതികളെ കുറിച്ചും അദ്ദേഹത്തെ  ജോസ് മണക്കാട് ബോധ്യപ്പെടുത്തി. 

ഫോമയുടെ വരുംകാല പരിപാടികളിൽ പങ്കെടുക്കുന്നതിനു   അമിത് കുമാറിനെ  ആർ.വി.പി. ജോൺ പാട്ടപതിയിൽ ക്ഷണിച്ചു.

ഓ.സി.ഐ കാർഡുമായി ബന്ധപ്പെട്ടുള്ള സംശയങ്ങളും, അത് സംബന്ധിച്ച മലയാളികളുടെ നിലപാടുകളും കോൺസുലർ ഹെഡായ  പി.കെ മിശ്രയുമായും, ഓ.സി.ഐ. വിഭാഗം തലവൻ  എൽ.പി.ഗുപ്തയുമായും       ജോൺസൺ കണ്ണൂക്കാടൻ പ്രത്യേകമായി ചർച്ച ചെയ്തു. 

ജോസ് മണക്കാട് മുൻകയ്യെടുത്ത് നടത്തിയ  സന്ദർശനവും ചർച്ചയും വളരെ വിജയമായിരുന്നു. 

 പ്രവാസി മലയാളികൾക്ക് കോണ്സുലേറ്റ്   നൽകുന്ന സേവനങ്ങൾക്കും സഹായങ്ങൾക്കും ഫോമാ ദേശീയ വനിതാ സമിതി പ്രതിനിധി  ജൂബി വള്ളിക്കളം, ഫോമാ ദേശീയ യുവജന വിഭാഗം പ്രതിനിധി കാൽവിൻ കവലക്കൽ, ഫോമാ ഉപദേശക സമിതി വൈസ് ചെയർമാൻ  പീറ്റർ  കുളങ്ങര എന്നിവർ   പ്രത്യേക നന്ദി രേഖപ്പെടുത്തി.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക