അടുക്കളയിലെ ചില്ലുപാത്രങ്ങളുടെ ചിന്നിച്ചിതറലിൽ കെട്ടടങ്ങുന്ന ചില ക്രോധങ്ങളുണ്ട്
ഒഴുകിയിറങ്ങുന്ന കണ്ണീരിൻ്റ ചൂടേറ്റുവാങ്ങി കുതിരുന്നൊരു തലയിണയിൽ ഒതുങ്ങുന്ന ചില നൊമ്പരങ്ങളുണ്ട്
സഹനത്തിൻ്റെ രാക്കിളികൾ ചേക്കേറിയ മനസ്സിൻ്റെ ചില്ലയിൽ മൗനം കൂടുകൂട്ടിയ ചില പ്രതീക്ഷേധങ്ങളുണ്ട്
കാലം നൽകിയ കർമ്മബന്ധങ്ങളുടെ മാറാപ്പു പേറി സ്വയം താണ്ടിതീർക്കാനുള്ള ചില യാത്രകളുണ്ട്
ഇടവഴിയിലെവിടെയോ പൊഴിഞ്ഞു വീണ മഞ്ചാടിക്കുരു പോലെ ചില സ്വപ്നങ്ങൾ കരിഞ്ഞുണങ്ങിയ മനസ്സുകളിൽ കാത്തിരിപ്പുണ്ട് ഉയിരിലേക്ക് നനഞ്ഞിറങ്ങുന്നൊരു വേനൽമഴയുടെ കുളിരിനായ്.......
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല