Image

പ്രേമിക്കുന്നവരോട് (കവിത: അനിൽ കുമാർ .എസ്.ഡി)

Published on 15 February, 2021
പ്രേമിക്കുന്നവരോട് (കവിത: അനിൽ കുമാർ .എസ്.ഡി)
വേദനിപ്പിയ്ക്കാതെ ചുംബിക്കുക
ശ്വാസംമുട്ടിക്കാതെ പുണരുക
നോവാതെ സ്നേഹിക്കുക
മുറിയാതെ ചിരിക്കുക
കരയാതെ കണ്ണീരണിയുക
കുന്തമുനയാവാതെ കാണുക
മുള്ളുകളാവാതെ കേൾക്കുക
ചവട്ടിയമർത്താതെ നടക്കുക
വിരൽത്തുമ്പിൽ കോരിയെടുത്ത്
ഹൃദയത്തിൽ സൂക്ഷിക്കുക.

ജീവിതമെന്ന
ഈ മരണത്തിലേക്കുള്ള യാത്രയിയിൽ
സ്വപ്നങ്ങളുടെ അവസാനവണ്ടിയിൽ
ഭ്രമിപ്പിക്കുന്ന മരീചികകളായി
പ്രേമം നിങ്ങളെ പുണരട്ടേ!

അവസാനമായി
പ്രേമം നിറഞ്ഞ മനസ്സുകളോട്
പ്രിയരേ ,
ഉച്ചപ്പിരാന്തുപുലമ്പുന്ന
ഈ കവിയെ
തുറിങ്കിലsയ്ക്കുക ,
തൂക്കിക്കൊല്ലുക.
നീർക്കുമിളയായ ജീവിതത്തിൻ്റെ
അർത്ഥം തിരയുന്ന ഇയാളുടെ ചിന്താഭ്രാന്ത്
സ്വയംകൊല്ലുന്ന രോഗം !
=============
വര
വൈശാഖ് 


പ്രേമിക്കുന്നവരോട് (കവിത: അനിൽ കുമാർ .എസ്.ഡി)
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക