കൊച്ചി:  'ഒരു അച്ഛന്‍ എന്ന നിലയില്‍ എനിക്ക് ഏറ്റവും അഭിമാനം നല്‍കുന്ന നിമിഷം'. അഭിനയവിസ്മയം മോഹന്‍ലാല്‍ ചൊവ്വാഴ്ച ഫേസ്ബുക്കില്‍ കുറിച്ച വാക്കുകളാണിത്. അതിന് കാരണമായത് രണ്ടുപേരും, ഒന്ന് മകള്‍ വിസ്മയ, മറ്റൊന്ന് സക്ഷാല്‍ അമിതാഭ് ബച്ചനും.

വിസ്മയയുടെ പുസ്തകമായ ഗ്രേയിന്‍സ് ഒഫ് സ്റ്റാര്‍ ഡസ്റ്റ് വായിച്ചതിനെ കുറിച്ചുള്ള അഭിപ്രായം ബിഗ് ബി സോഷ്യല്‍ മീഡിയയില്‍ പങ്കുവച്ചിരുന്നു. എന്റെ എല്ലാവിധ ഭാവുകങ്ങളും...എന്ന് മലയാളത്തില്‍ തുടങ്ങുന്ന കുറിപ്പ് അവസാനിക്കുന്നത് 'കഴിവ് പാരമ്ബര്യമാണ്' എന്ന് പറഞ്ഞുകൊണ്ടാണ്.

ഇതിന് മറുപടിയായാണ് മായക്ക് കിട്ടാവുന്ന ഏറ്റവും നല്ല അനുമോദനം എന്ന് ലാല്‍ കുറിച്ചത്. ഒപ്പം ബച്ചന് നന്ദി പറയാനും മോഹന്‍ലാല്‍ മറന്നില്ല.