-->

EMALAYALEE SPECIAL

വിവാദം സൃഷ്ടിച്ചുകൊണ്ട് വീണ്ടും ഒരവതാരം " ശ്രീ എം" ( മാത്യു ജോയിസ്, ലാസ് വേഗാസ് )

Published

on

ഇതിനു മുമ്പ് മലയാളിയെ മനനത്തിലും യോഗയിലും പ്രബുദ്ധനാക്കിയ  ഒരു ശ്രീ ശ്രീ രവിശങ്കറിനെ  ഒരു മാതിരി മലയാളിക്ക് നേരിയ പരിചയം ഉണ്ടാവാം. ഇപ്പോൾ  ഇതാ മലയാളനാട്ടിൽ അവതരിച്ചിരിക്കുന്നു മറ്റൊരു "ശ്രീ എം ".

ഇത് പുലിയല്ല, സാക്ഷാൽ സർക്കാരിന്റെ അനുഗ്രഹാശ്ശിസ്സുകളോടെ മലയാളക്കരയിൽ കാടും കരയും ഇളക്കി മറക്കാൻ കെല്പുള്ള ഒരു ശാന്ത സിംഹം തന്നെയാണെന്നതിൽ സംശയമില്ല. പറയുന്നതൊക്കെയും വൻ തത്വസംഹിതകളാണ്. "കമ്യൂണിസത്തെ പിന്തുടര്‍ന്നും ആധ്യാത്മിക പാതയില്‍ സഞ്ചരിക്കാന്‍ സാധിക്കും. കമ്യൂണിസം ഒരിക്കലും അക്രമാസക്തമാകാന്‍ പാടില്ല. യുവാക്കളിലെ അത്തരം ചിന്തകള്‍ മാറ്റിയെടുക്കുന്നതിനായി യോഗയും ധ്യാനവും അഭ്യസിപ്പിക്കണം. ഇതൊന്നും ചെയ്യുന്നതിന് ദൈവവിശ്വാസം വേണമെന്നില്ല."

"സാംഖ്യാ ഫിലോസഫിയിൽ ഈശ്വരൻ ഇല്ല, ഈശ്വരൻ ഉണ്ടെങ്കിലും ഇല്ലെങ്കിലും എല്ലാം ചെയ്യാൻ സാധിക്കും, ഏതു വിശ്വാസം പിന്തുടരുന്നു എന്നല്ല, മനുഷ്യനെ ബുദ്ധിമുട്ടിക്കാതെ ആ  പാത പിന്തുടരണം എന്ന് മാത്രമേയുള്ളൂ. വിശ്വാസം എല്ലാം ഒന്നാണ്, ശരിയുമാണ്. ലോകത്തിന്റെ ഒരുമ നഷ്ടപ്പെടുത്താതിരിക്കാനാണ് സ്വാമി വിവേകാനന്ദനും ശ്രീരാമകൃഷ്ണ പരമഹംസനും ശ്രമിച്ചത് ".

"മനസ്സ് എവിടെയാണു സ്ഥിതിചെയ്യുന്നത് എന്നതാണടുത്തതായി വരുന്ന ചോദ്യം. മനസ്സെന്നു പറയുമ്പോള്‍ നാം പലപ്പോഴും പരാമര്‍ശിക്കുന്നത് മസ്തിഷ്‌കത്തെയാണ്. നമ്മുടെ സന്തോഷകരവും ദുഃഖകരവുമായ അനുഭവങ്ങളുടെ കേന്ദ്രമാണ്  നമ്മുടെ ചിന്തകളുടെയെല്ലാം അടിസ്ഥാനമായ മസ്തിഷ്കം."

"യുവാക്കളിൽ നല്ല ചിന്തകൾ ഉയർന്നാൽ ഭാവിതന്നെ ശോഭനം ആയിരിക്കും . നമ്മുടെ ഭാരതത്തിൽ ഒരു പാട് മൂല്യങ്ങൾ ഉണ്ട്, അവയിൽ കൈചേർത്തു മുന്നോട്ട് പോവുകയാണ് വേണ്ടത് "

ഇങ്ങനെ മനോഹരമായ മുത്തുമണികൾ ഉതിരുന്ന തേജസ്വരൂപിയെ സ്വല്പം അറിഞ്ഞിരിക്കേണ്ടതു തന്നെ.

കേരളത്തിൽ സമാധാനാന്തരീക്ഷം സ്ഥാപിക്കാൻ സീ പീ എം - ആർ എസ്  എസ് നേതാക്കന്മാരെ കൂട്ടിയിരുത്തി മധ്യസ്ഥത നടത്തിയ " ശ്രീ എം" നിസ്സാരക്കാരൻ അല്ല. അതിന്റെ പ്രത്യുപകാരമായാണ് കേരളാ ഗവൺമെന്റ്  'സത്സംഗ് ഫൗണ്ടേഷൻ അധിപതിയായ  ശ്രീ എമ്മിന് നാല് ഏക്കർ ഭൂമി തിരുവന്തപുരത്തിനടുത്തുള്ള ചെറുവയ്ക്കൽ എന്ന സ്ഥലത്തു പത്തു വർഷത്തേക്ക് പാട്ടത്തിനു നൽകിയിരിക്കുന്നത് . തെറ്റിദ്ധരിക്കേണ്ട, വെറുതെയൊന്നുമല്ല വർഷത്തിൽ 34 ലക്ഷം രൂപ പാട്ടത്തിനാണ് കൊടുത്തിരിക്കുന്നത്. ഇങ്ങനെയാണ് സുപ്രഭാതത്തിൽ ശ്രീ എം മലയാളിക്കിടയിൽ പൊട്ടിവിടർന്നത് . ഇദ്ദേഹം എവിടെയായിരുന്നു ഇത്രയും കാലം ?
മുംതാസ് അലി എന്നാൽ സ്ത്രീയല്ല, വർഷങ്ങൾക്കു മുമ്പ് ആ 19 വയസ്സുള്ള റ്റീനേയ്ജർ  ജീവിതത്തിന്റെ സാരാംശം തേടി തിരുവനന്തപുരത്തുനിന്നും വടക്കോട്ടു ഒരു പുറപ്പാട്, എല്ലാ സത്യാന്വേഷികളും ചെന്നെത്തുന്ന ഹിമാലയത്തിൽ അലിയും ചെന്നെത്തിയെന്നു പറയപ്പെടുന്നു.

അവിടെനിന്നും പ്രാപിച്ച ജീവിതാനുഭവങ്ങളും ജ്ഞാനവും മുംതാസ് അലിയെ "ശ്രീ എം" എന്ന മഹാനാക്കിയപ്പോൾ സത്സംഗ് ഫൗണ്ടേഷൻ എന്ന പ്രസ്ഥാനവും പടർന്ന് പന്തലിക്കാൻ തൂടങ്ങി.

'ദ വോക് ഓഫ്‌ ഹോപ് ' എന്ന പേരിൽ 2015 ഇൽ  ഇദ്ദേഹം കന്യാകുമാരി തൊട്ട് കാശ്മീർ വരെ ഒരു കാൽനടയാത്ര നടത്തിയിരുന്നത് , അത്ര ജനശ്രദ്ധ നേടിയോ എന്നറിയില്ല. എന്നാൽ അദ്ദേഹം ഇംഗ്ലീഷിൽ എഴുതിയ "ശൂന്യ" എന്നൊരു നോവൽ തന്റെ ആധ്യാത്മികജീവിതത്തിന്റെ നിഴലിൽ കോർത്തിണക്കിയ ആത്മകഥാവിഷ്കരമായി മാറിക്കൊണ്ടിരിക്കുന്നു.

എവിടെനിന്നോ നാറാണത്തു ഭ്രാന്തനെപ്പോലെ ഒരു കുഗ്രാമത്തിൽ പ്രത്യക്ഷപ്പെട്ട ഒരുവൻ, സ്വയം 'ശൂന്യ' എന്ന് വിശേഷിപ്പിച്ചു ഒരു മനോരോഗിയോ, ദുര്മന്ത്രവാദിയോ കുശാഗ്രബുദ്ധിയുള്ള തട്ടിപ്പുകാരനോ കള്ളസന്യാസിയോ എന്നപോലെ സ്ഥലത്തെ പ്രമുഖ കള്ളുഷാപ്പിന്റെ പുറകിലത്തെ കോട്ടേജിൽ താമസം തുടങ്ങുന്നു. അവിടെയിരുന്നു കട്ടൻകാപ്പിയും മോന്തി നാട്ടുകാരെ ഉപദേശിക്കയും പ്രാകുകയും ചെയ്യുന്നു.

പുല്ലാംകുഴലിലെ ശ്രുതിമധുരമായ സ്വരരാഗങ്ങൾകൊണ്ട് നാട്ടുകാരെ വിസ്മയിച്ചു ആ അവധൂതൻ മറ്റൊരു ദിനത്തിൽ നിഗൂഢമായി അപ്രത്യക്ഷനാകുമ്പോൾ സൃഷ്ടിച്ച ശൂന്യത്തിന്റെ ശാന്തതയാണ്, ശ്രീ എമ്മിന്റെ ഈ ആദ്യ നോവൽ. ഹിമാലയൻ മാസ്റ്റർ ഏ  യോഗീസ് ഓട്ടോബയോഗ്രഫി, ദി ജേർണി കണ്ടിന്യൂസ് , കൂടാതെ യോഗ ,ഫിലോസഫി വിഷയങ്ങളിൽ മറ്റു പുസ്തകങ്ങൾ എന്നിവയെല്ലാം ശ്രീ എമ്മിന്റെ പ്രതിഭാവിലാസത്തിന്റെ മുതൽക്കൂട്ടുകളാണ്

കാര്യമൊക്കെ ശരി തന്നെ. പക്ഷെ എന്തിനും വിവാദം സൃഷ്ടിക്കുന്ന മലയാളിക്ക് മൂക്കത്ത് വിരൽ വെച്ചുകൊണ്ട് തന്നെ, ഈ അവധൂതന്റെ പ്രത്യക്ഷപ്പെടലിൽ കടുത്ത സംശയങ്ങൾ ഉടലെടുത്തുകഴിഞ്ഞു. എന്നാൽ അതിനപ്പുറം  ഒരു ആർ എസ് എസ് - സി പി എം അവിശുദ്ധകൂട്ടുകെട്ടിന്റെ ഗൂഡാലോചന ചുരുളറിയാൻ ഇനിയും അധികം കാത്തിരിക്കേണ്ടിവരില്ല!

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ഒരു പേരിലെന്തൊക്കെയോ ഉണ്ടെന്റെ ഷേക്സ്പിയറെ... (മൃദുല രാമചന്ദ്രൻ, മൃദുമൊഴി 4)

ആ അഗ്നിച്ചിറകുകൾ അരിഞ്ഞതാരാണ്..? (ഉയരുന്ന ശബ്ദം - 34: ജോളി അടിമത്ര)

ബ്രിട്ടാസിനെ രാജ്യസഭാംഗമാക്കാനുള്ള തീരുമാനത്തിന് പരക്കെ സ്വാഗതം

വിധിയെഴുതിയ തെക്കന്‍ സംസ്ഥാനങ്ങള്‍ ആര്‍ക്കൊപ്പം? ( ദല്‍ഹി കത്ത് : പി.വി.തോമസ്)

പെൺകിളികൾ ചില്ലറക്കാരികളല്ല (ഏഷ്യയിൽ നിന്ന് ആഫ്രിക്കയിലേക്ക്- 4- ജിഷ.യു.സി

ജോജിയും പ്രീസ്റ്റും (പി. ടി. പൗലോസ്)

Living a Meaningful Life (Mathew Idikkula)

ഇങ്ങനെ മരിക്കാനാണെങ്കിൽ ചാവാനേ നേരംകാണൂ (ധർമ്മരാജ്  മടപ്പള്ളി)

കെ. ജയകുമാറിന്റെ കയ്യിൽ അവശേഷിക്കുന്ന വിസിറ്റിംഗ് കാർഡുകൾ

ഫഹദ്+ദിലീഷ്+ശ്യാം = ജോജി ബ്യുട്ടിഫുൾ ; മലയാള സിനിമയുടെ കുതിപ്പും കിതപ്പും (കുര്യൻ പാമ്പാടി)

ഇന്നലെ ഞാനാഘോഷിച്ച മുംബൈ വിഷു (ഗിരിജ ഉദയൻ മുന്നൂർക്കോട്)

ലോകായുക്തയും അമിക്കസ് ക്യൂറിയും രാജിതീരുമാനങ്ങളും : ആൻസി സാജൻ

ഇന്ദ്രവല്ലരിയിൽ വിരിഞ്ഞ സുന്ദരപുഷ്പം (മായ കൃഷ്ണൻ)

വിഷുക്കണി (മിനി ഗോപിനാഥ്)

ജയ് വിളിക്കാം, ഗ്രീന്‍ കാര്‍ഡിന്! (ജോര്‍ജ് തുമ്പയില്‍)

മഹാമാരിയിലും കൊന്ന പൂക്കുന്നു; വിഷു എത്തി ഐശ്വര്യവും സമ്പത്തും സന്തോഷവും പങ്കുവെയ്കുവാന്‍ (ശ്രീകുമാര്‍ ഉണ്ണിത്താന്‍)

ആത്മഹത്യ: നഷ്ടങ്ങൾ വിളക്കിച്ചേർത്തവർ (മീട്ടു റഹ്മത്ത് കലാം)

ചക്കരമാവിൽ വിഷുപ്പക്ഷി ചിലച്ചു (ശങ്കരനാരായണൻ ശംഭു)

ബഹിരാകാശ പദ്ധതിക്ക് സ്വകാര്യ പങ്കാളിത്തവും വരും: ഡോ.എസ്.സോമനാഥ് ഫോമ മുഖാമുഖത്തിൽ

ഉയിരു പറിച്ചെറിഞ്ഞ ആ ഷാള്‍ വെറുമൊരു പ്രതീകം മാത്രമല്ല... ബാങ്ക് മാനേജരായ യുവതിയുടെ ആത്മഹത്യയില്‍ പാര്‍വതി സി.എന്‍ എഴുതുന്നു

ഒരു ഡാൻസ് ഉണ്ടാക്കിയ വർഗീയ കോലാഹലം

രാഷ്ട്രീയ സാക്ഷരത കുറയുന്നോ? മധുര മനോഹര മനോജ്ഞ കേരളം വീണ്ടും ഇടത്തോട്ട്(കുര്യന്‍ പാമ്പാടി)

അമ്പും, വില്ലും, മലപ്പുറം കത്തി, എന്തൊക്കെ ആയിരുന്നു! (മൃദുല രാമചന്ദ്രൻ - മൃദുമൊഴി-3)

സ്ത്രീ സ്വകാര്യ സ്വത്ത് ആണോ? ഈ മൂല്യബോധത്തിനെതിരെ സ്ത്രീകൾ തന്നെ രംഗത്തു വരണം (വെള്ളാശേരി ജോസഫ് )

ദല്‍ഹിയില്‍ ജനാധിപത്യം അട്ടിമറിക്കപ്പെടുന്നു (ഡല്‍ഹികത്ത് : പി.വി.തോമസ്)

നൃത്തമാടുക നിങ്ങൾ : ആൻസി സാജൻ

എഴുത്തിന്റെ വഴിയിലൂടെ രാജു മൈലപ്ര എഴുപതിലേക്ക് (സി വി വളഞ്ഞവട്ടം)

ശ്രീ ജോസഫ് പടന്നമാക്കലിന്റെ ചരമ വാർഷികത്തിൽ ഇ- മലയാളിയുടെ പ്രണാമം

ജോസഫ് മാത്യൂ പടന്നമാക്കല്‍ ഇല്ലാത്ത ഒരു വര്‍ഷം: ആ വിടവ് ഇനിയും നികന്നില്ല (തോമസ് കൂവള്ളൂര്‍)

ജോസഫ് പടന്നമാക്കലിന്റെ വേര്‍പാടിന്റെ ദുഃഖസ്മരണയില്‍! (ജോര്‍ജ് നെടുവേലില്‍)

View More