കര്‍ഷക സമരത്തെ പിന്തുണച്ചതിനു പിന്നാലെയുണ്ടായ ഐടി റെയ്ഡിന് ശേഷം സംവിധായകന്‍ അനുരാഗ് കശ്യപ്,തപ്സി പന്നുവിനെ നായികയാക്കിയുള്ള ചിത്രത്തിന്റെ ചിത്രീകരണം പുനരാരംഭിച്ചു."ദൊബാര " എന്ന ചിത്രത്തിന്റെ ചിത്രീകരണവേളയില്‍ ഉള്ള ഒരു തമാശ രംഗം അനുരാഗ് കശ്യപ് ഇന്‍സ്റ്റാഗ്രാമില്‍ പങ്കുവെച്ചു. തപ്സിയുടെ മടിയില്‍ അനുരാഗ് ഇരിക്കുന്നതും വിജയത്തിന്റെ കൈ മുദ്രയുമാണ് ചിത്രം."വെറുക്കുന്നവരോടുള്ള എല്ലാ സ്നേഹത്തോടെയും ഞങ്ങള്‍ ദൊബാര പുനരാരംഭിച്ചു "അനുരാഗ് കുറിച്ചു .

തപ്സി പന്നുവും സമാനമായ ഒരു ചിത്രമാണ് ഇന്‍സ്റ്റാഗ്രാമില്‍ പങ്കുവെച്ചിരിക്കുന്നത്. ചില കൂട്ടുകെട്ടുകള്‍ ആവര്‍ത്തിക്കണമെന്ന് തപ്സി കുറിപ്പായി പോസ്റ്റ് ചെയ്തു.

മൂന്നു ദിവസമാണ് അനുരാഗ് കശ്യപിന്റെയും തപ്സി പന്നുവിന്റെയും വീടും ഓഫീസും ഐ ടി ഉദ്യോഗസ്ഥര്‍ റെയ്ഡ് ചെയ്തത്.650 കോടിയുടെ വരുമാന പൊരുത്തക്കേട് കണ്ടെത്തിയെന്നാണ് ഐടി വകുപ്പിന്റെ അവകാശവാദം.