-->

America

കോവിഡ് പരിശോധനയ്ക്ക് വിധേയരാകുന്ന അമേരിക്കക്കാർ കുറയുന്നു

Published

on

 ലോസ് ആഞ്ചലസ്‌ കൗണ്ടിയിൽ ഓൺ‌ലൈൻ ആയി കൂടുതൽ കോവിഡ് ടെസ്റ്റിംഗ് സൈറ്റുകൾ തുറന്നിട്ടും പരിശോധനയ്ക് ബുക്ക് ചെയ്യുന്നവർ ഗണ്യമായി കുറഞ്ഞു. ഇപ്പോൾ വഴിയേ നടക്കുന്ന ആർക്കും തൽക്ഷണംടെസ്റ്റിംഗ് നടത്താവുന്ന അവസ്ഥയാണ്. തീരെ തിരക്കില്ല.

കോവിഡ് ട്രാക്കിംഗ് പ്രോജക്ടിന്റെ കണക്കനുസരിച്ച് അമേരിക്കയിൽ ഓരോ ദിവസവും നടത്തുന്ന ശരാശരിപരിശോധനകളുടെ എണ്ണം ജനുവരി മുതൽ 33.6 ശതമാനം കുറഞ്ഞു. ഈ കണക്കുകൾ, നിരവധി വിദഗ്ധരെ വളരെയധികം ആശങ്കപ്പെടുത്തുന്നു.  കാരണം, രാജ്യത്ത് അടുത്തിടെ കൊണ്ടുവന്ന രോഗബാധയിലെയും മരണങ്ങളിലെയും ഇടിവ് നിലച്ചതിനെ തുടർന്ന് വ്യാപനം കൂടുമെന്ന സൂചനയാണുള്ളത്. കൊറോണ വൈറസിനെ ചെറുക്കുന്ന  പ്രധാന ആയുധമാണ് കൃത്യസമയത്തുള്ള പരിശോധന. 

യുഎസ് ജനസംഖ്യയുടെ ചെറിയ ശതമാനം ആളുകൾക്കെ  ( ഏകദേശം 54 മില്യൺ ആളുകൾക്ക് )വാക്സിനേഷൻ നൽകിയിട്ടുള്ളൂ. കൂടുതൽ ആളുകൾക്ക് ഡോസ്  ലഭിക്കുന്നതുവരെ,  പരിശോധന തുടരുക തന്നെ വേണം. ആളുകൾ അശ്രദ്ധരായാൽ വലിയ വില കൊടുക്കേണ്ടി വരും.

കോവിഡ് മരണങ്ങളിൽ 90 ശതമാനവും അമിതവണ്ണമുള്ളവർ കൂടുതലുള്ള രാജ്യങ്ങളിൽ 

കൊറോണ വൈറസ് മരണങ്ങളിൽ 90 ശതമാനവും അമിതവണ്ണമുള്ളവർ കൂടുതലുള്ള രാജ്യങ്ങളിലാണ് സംഭവിച്ചതെന്ന് ഗവേഷകർ അഭിപ്രായപ്പെടുന്നു. അമിതവണ്ണമുള്ള ആളുകൾക്ക് പ്രതിരോധ കുത്തിവയ്പ്പുകൾക്ക് മുൻഗണന നൽകണമെന്ന് അവർ അഭിപ്രായപ്പെട്ടു.

ആകെ  ജനസംഖ്യയുടെ 50 ശതമാനമെങ്കിലും  ആളുകൾക്ക് അമിതഭാരമുള്ള യുഎസ് പോലുള്ള രാജ്യങ്ങളിൽ, മരണനിരക്ക് 10 മടങ്ങ് കൂടുതലാണെന്ന് ലോകാരോഗ്യ സംഘടനയുടെ പിന്തുണയോടെ World Obesity Foundation വ്യാഴാഴ്ച പുറത്തുവിട്ട പഠനത്തിൽ പറയുന്നു.

പ്രായാധിക്യം കഴിഞ്ഞാൽ, വൈറസിൽ നിന്നുള്ള ഗുരുതരമായ രോഗാവസ്ഥ അനുഭവിക്കേണ്ടി വരുന്നത്  ഭാരം  കൂടിയവർക്കാണെന്നും പഠനം  വ്യക്തമാക്കുന്നു.

ഈ റിപ്പോർട്ടിനായി, ഗവേഷകർ ജോൺസ് ഹോപ്കിൻസ് യൂണിവേഴ്സിറ്റിയിൽ നിന്നുള്ള മരണനിരക്കും ഡബ്ല്യുഎച്ച്ഒ ഗ്ലോബൽ ഹെൽത്ത് ഒബ്സർവേറ്ററി ഡാറ്റയും പരിശോധിച്ചു.  ലോകമെമ്പാടുമുള്ള 2.5 മില്യൺ കോവിഡ് മരണങ്ങളിൽ 2.2 മില്യൺ ആളുകളും അമിതവണ്ണമുള്ളവർ കൂടുതലുള്ള രാജ്യങ്ങളിൽ നിന്നാണെന്ന് ഇതുപ്രകാരം കണ്ടെത്തി.

ജോൺസൺ ആന്റ് ജോൺസൺ വാക്സിൻ നിരസിച്ചതിന് ഡെട്രോയിറ്റ് മേയർക്ക് ഫൗച്ചിയുടെ ശാസന

മോഡേണയുടെയും ഫൈസറിന്റെയും കുത്തിവയ്പ്പ് പോലെ മികച്ചതല്ലെന്ന് പറഞ്ഞ്, ഡെട്രോയിറ്റ് മേയർ തന്റെ നഗരത്തിനായുള്ള ജോൺസൺ & ജോൺസൺ വാക്സിനുകൾ 
നിരസിച്ചെന്നുള്ള  റിപ്പോർട്ടുകളുടെ അടിസ്ഥാനത്തിൽ അദ്ദേഹത്തിന്  വെള്ളിയാഴ്ച ഡോ. ആന്റണി ഫൗച്ചിയുടെ ശാസന എത്തി.

മൂന്ന് വാക്സിനുകളും ഫലപ്രദമാണെന്ന് വിദഗ്ധസംഘം  സംഘം ഉറപ്പാക്കിയതാണെന്നും ഒന്നിനെ  മറ്റൊന്നുമായി  താരതമ്യപ്പെടുത്തുന്ന പ്രവണത നിർത്തണമെന്നുമാണ്  ഡെട്രോയിറ്റ് മേയർ മൈക്ക് ഡഗ്ഗന് ലഭിച്ച താക്കീത്. 6,000 -ത്തിലധികം ജോൺസൻ ഡോസുകളാണ്  ഈ ആഴ്ച മേയർ നിരസിച്ചത്.

ന്യൂയോർക് ഗവർണർ ആൻഡ്രൂ കോമോ പറയുന്നത് 

കഴിഞ്ഞ രാത്രി ജാൻസെൻ / ജോൺസൺ & ജോൺസൺ വാക്സിൻസംസ്ഥാനത്ത് എത്തിച്ചേർന്നു. കിട്ടിയപ്പോൾ തന്നെ യോഗ്യരായ ആളുകൾക്ക്, ബ്രോങ്ക്സിലെയും  യാങ്കീ സ്റ്റേഡിയത്തിലെയും സൈറ്റിൽവച്ച് ഞങ്ങൾ സിംഗിൾ-ഡോസ് വാക്സിൻ നൽകാൻ തുടങ്ങി.ന്യൂയോർക്കിലെ പുതിയ ഹ്രസ്വകാല മാസ് വാക്സിനേഷൻ സൈറ്റുകളുടെ വിപുലീകരണം തുടരുകയാണ്. 12 മില്യണിലധികം ന്യൂയോർക്കുകാർ വാക്സിൻ സ്വീകരിക്കാൻ യോഗ്യത നേടി. മൂന്നാമത്തെ കോവിഡ് വാക്സിൻ,നമ്മുടെ ശ്രമങ്ങളെ ശക്തിപ്പെടുത്തുന്നു, ഫെഡറൽ സർക്കാരിൽ നിന്ന് കൂടുതൽഡോസുകൾ എത്തിച്ചേരുന്നതുവരെ  ക്ഷമയോടെ കാത്തിരിക്കാൻ ന്യൂയോർക്കുകാരോട് ഞങ്ങൾ ആവശ്യപ്പെടുന്നു. വൈറസ് വ്യാപനം തടയുന്നതിന് നമുക്കറിയാവുന്ന കാര്യങ്ങൾ തുടരേണ്ടത് നിർണായകമാണ്. കോവിഡ് ഇപ്പോഴും നമ്മുടെ കമ്മ്യൂണിറ്റികൾക്ക് ഭീഷണിയാണ്. അതിനർത്ഥം നമ്മൾ ഓരോരുത്തരും മാസ്ക് ധരിക്കുകയും  സാമൂഹിക അകലം പാലിക്കുകയും കൈകഴുകുകയും വേണമെന്നാണ്

* ആശുപത്രിയിൽ കഴിഞ്ഞിരുന്ന രോഗികളുടെ എണ്ണം 5,034 ആയി കുറഞ്ഞു. 295,935 ആളുകളെ പരിശോധിച്ചതിൽ 8,956 പേരുടെ ഫലം പോസിറ്റീവായി. പോസിറ്റിവിറ്റി നിരക്ക്: 3.02 ശതമാനം. ഐസിയുവിൽ കഴിയുന്ന രോഗികൾ : 1,030 പേർ, മരണസംഖ്യ:  94.
 
*  സംസ്ഥാനത്തിന് അനുവദിച്ച ആദ്യ ഡോസുകളിൽ 95 ശതമാനവും വിതരണം പൂർത്തിയാക്കി. 
 
*  ന്യൂയോർക്കിൽ  39 മില്യണിലധികം കോവിഡ് പരിശോധനകൾ നടത്തി. അത് ന്യൂയോർക്ക് സ്റ്റേറ്റിന്റെ ജനസംഖ്യയുടെ ഇരട്ടിയാണ്. നിങ്ങളുടെ ആരോഗ്യവും ചുറ്റുമുള്ളവരുടെ ആരോഗ്യവും ഉറപ്പുവരുത്തുന്നതിനുള്ള മികച്ച മാർഗമാണ് പതിവായി കോവിഡ് പരിശോധന നടത്തുന്നത്.  ലക്ഷണങ്ങൾ കണ്ടാലോ വൈറസ് ബാധിച്ചിരിക്കാമെന്ന്സംശയം തോന്നിയാലോ , ടെസ്റ്റ് ചെയ്യുക. ന്യൂയോർക്ക് സ്റ്റേറ്റ് നടത്തുന്ന ടെസ്റ്റിംഗ് ലൊക്കേഷനിൽ സൗജന്യ അപ്പോയിന്റ്മെന്റ് നേടുന്നതിന് നിങ്ങൾക്ക് 1-888-364-3065 എന്ന നമ്പറിൽ വിളിക്കാം.

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ആദ്യകാല കോണ്‍ഗ്രസ്സ് പ്രവര്‍ത്തകന്‍ കളപ്പുരയ്ക്കല്‍ അഗസ്റ്റ്യന്‍ നിര്യാതനായി

വിധിയുടെ നിഴൽ (ബിന്ദു ജോൺ മാലം - ഇ-മലയാളി കഥാമത്സരം 11)

വിഷു സ്‌പെഷ്യല്‍ പരിപാടികളുമായി ഏഷ്യാനെറ്റ്

മൂന്നുവയസ്സുകാരൻ അബദ്ധത്തിൽ വെടിവെച്ചു; 8 മാസമുള്ള സഹോദരൻ മരിച്ചു

മാസ്ക് ഇന്നൊവേഷൻ ചലഞ്ച് - 500,000 ഡോളർ സമ്മാനം - പങ്കെടുക്കേണ്ട അവസാന തീയതി - ഏപ്രിൽ 21

ഡാളസ് കേരള അസോസിയേഷന്‍ കോവിഡ് വാക്‌സീന്‍ ക്ലിനിക് വിജയകരമായി

ഷിക്കാഗോ തിരുഹൃദയ ക്‌നാനായ ദൈവാലയത്തിലെ വിശുദ്ധവാര തിരുകര്‍മ്മങ്ങള്‍ ഭക്തിസാന്ദ്രമായി

ഫൊക്കാന പ്രസിഡണ്ട് ജോർജി വർഗീസിന്റെ സഹോദരന്റെ ഭാര്യ ലില്ലി വർഗീസ് (ലില്ലിക്കുട്ടി-71) നിര്യാതയായി

ഫോക്കാന ടടെക്സാസ് റീജിയന്‍ യൂത്ത് വിംഗ് ഉദ്ഘാടനവും, രക്തദാന സേന രൂപീകരണവും നാളെ ഹ്യുസ്റ്റന്‍ കേരള ഹൌസ്സില്‍

‘നാദമുരളി’ ഏപ്രിൽ പതിനേഴിന്

ഫൊക്കാന യൂത്ത് കമ്മിറ്റി ലീഡര്‍ഷിപ്പ് ആന്‍ഡ് പബ്ലിക് സ്പീക്കിംഗ് വര്‍ക്ക്‌ഷോപ്പ് ഏപ്രില്‍ 13 മുതല്‍ ജഡ്ജി ജൂലി മാത്യു ഉദ്ഘാടനം ചെയ്യും

കൊല്ലപ്പെട്ട ദമ്പതികളുടെ മകൾക്കായി തുക സമാഹരിക്കുന്നു

പ്രവാസി മലയാളി ഫെഡറേഷന്‍ മെംബര്‍ഷിപ്പ് പ്രവര്‍ത്തനം ഊര്‍ജിതപ്പെടുത്തും.

അരിസോണ മലയാളി അസ്സോസിയേഷന്റെ വിഷു - ഈസ്റ്റര്‍ പരിപാടികള്‍ ഓണ്‍ലൈന്‍

കാന്‍സര്‍ രോഗിയുടെ മുഖത്ത് നോക്കി ചുമച്ചതിന് 30 ദിവസം ജയില്‍ ശിക്ഷയും 500 ഡോളര്‍ ഫൈനും

ഇറ്റ് ഈസ് നെവര്‍ ടൂ ഏര്‍ളി (ഏബ്രഹാം തോമസ്)

അതിര്‍ത്തി കടന്നെത്തിയ കുട്ടികള്‍ക്ക് പ്രതിവാരം ചെലവിടുന്നത് 60 മില്യണ്‍ ഡോളര്‍

ആത്മീയതയെയും മതവിശ്വാസങ്ങളെയും നഷ്ടപ്പെടുത്തുന്ന കോവിഡ് 19. (ഫിലിപ്പ് മാരേട്ട് )

മൊഹ്‌സിന്‍ സയ്യദിനെ അസിസ്റ്റന്റ് സെക്രട്ടറിയായി ബൈഡന്‍ നിര്‍ദ്ദേശിച്ചു

എം ജെ ജേക്കബ് നെടുംതുരുത്തില്‍ (മാളിയേക്കല്‍) നിര്യാതനായി

കാര്‍ട്ടൂണ്‍: സിംസണ്‍

ഡോ. മാത്യു വൈരമണ്‍ സ്റ്റാഫോര്‍ഡ് പ്ലാനിംഗ് & സോണിങ് കമ്മീഷണര്‍

ഹൃദയസരസ്സ് : 'ആർട് ലവേഴ്സ് ഓഫ് അമേരിക്ക' ശ്രീ ശ്രീകുമാരൻ തമ്പിയെ ആദരിക്കുന്നു

പോലീസ് നടപടിയിൽ പരുക്കേറ്റ സുരേഷ്ഭായി പട്ടേലിന്റെ കേസ് ഒത്തു തീർന്നു

ടോക്കിയോ ഒളിംപിക്‌സ്; രണ്ട് ഇന്ത്യന്‍ അമേരിക്കന്‍സ് അര്‍ഹത നേടി

പൂന്താനം മുതല്‍ വി.പി ജോയി വരെ; കെ എച്ച് എന്‍ എ കവിതക്കച്ചേരി സംഘടിപ്പിക്കും

വക്കീലിനെ ഏര്‍പ്പാടാക്കണം, ജയിലില്‍ സൌകര്യങ്ങള്‍ റെഡിയാക്കണം എന്നിട്ടൊക്കെയെ പറ്റൂ(അഭി: കാര്‍ട്ടൂണ്‍)

ചിക്കാഗൊ യൂണിവേഴ്‌സിറ്റിയില്‍ സ്റ്റേ അറ്റ് ഹോം- ഇന്‍പേഴ്‌സന്‍ ക്ലാസ്സുകള്‍ നിര്‍ത്തിവെച്ചു.

ഒക്കലഹോമ കോവിഡ് മരണം 8000 കവിഞ്ഞു.

സൂസന്‍ മാത്യു- വെള്ളിയാഴ്ചയിലെ പൊതു ദര്‍ശനം മാറ്റിവെച്ചു

View More