മിശ്രവിവാഹവും ദമ്ബതികളുടെ മരണ ശേഷം കുട്ടികള്‍ നേരിടുന്ന വെല്ലുവിളികളും പ്രശ്നങ്ങളും അതിജീവനവുമാണ് ചിത്രത്തിന്റെ ഇതിവൃത്തം. ബാലനടി മീനാക്ഷിയാണ് ചിത്രത്തില്‍ അമീറാ ആയെത്തുന്നത്. മീനാക്ഷിയുടെ അച്ഛന്‍ അനൂപ് ആര്‍. പാദുവ, സമീര്‍ മുഹമ്മദ് എന്നിവരാണ് തിരക്കഥാകൃത്തുക്കള്‍.

 അമീറയുടെയും, അമീന്‍ എന്ന സഹോദരന്റെയും കഥ പറയുന്ന ചിത്രത്തില്‍ സഹോദരങ്ങളായെത്തുന്നതും മീനാക്ഷിയും സഹോദരന്‍ ഹാരിഷും തന്നെയാണ്. അയ്യപ്പനും കോശിയും എന്ന ചിത്തത്തിലെ കുമാരന്‍ എന്ന കഥാപാത്രത്തിലൂടെ ശ്രദ്ധേയനായ കോട്ടയം രമേശ് ശ്രദ്ധേയമായ വേഷം കൈകാര്യം ചെയ്യുന്നുണ്ട്. കോട്ടയം പുരുഷന്‍, സംവിധായകന്‍ ബോബന്‍ സാമുവല്‍, സുമേഷ് ഗുഡ്ലക്ക്, മീനാക്ഷി മഹേഷ്, സന്ധ്യ തുടങ്ങിയവരും ചിത്രത്തില്‍ പ്രധാന കഥാപാത്രങ്ങളാണ്