ഫ്‌ലോറിഡ: വലിയ നോമ്പില്‍ വിശുദ്ധ വാരത്തിനു മുന്നോടിയായി ഫാ. ജോണ്‍സ്റ്റി തച്ചാറ രചനയും ആലാപനവും നിര്‍വഹിച്ചു ദൈവജനത്തിനായി സമര്‍പ്പിക്കുന്ന കവിതയാണ് ദിവ്യകാരുണ്യ രാത്രി.
'ഒരു രക്ത പുഷ്പമായി വിരിയുവാന്‍ വെമ്പുന്നു' എന്ന് തുടങ്ങി മനസിന്റെ ആഴങ്ങളില്‍ പതിയുന്ന കവിത ഭയഭക്തിയോടെ മാത്രമേ വിശ്വാസിക്ക് കേട്ടിരിക്കുവാന്‍ സാധിക്കൂ.
അവശേഷിക്കുന്ന പ്രാണന്‍ പോലും തിരുശേഷിപ്പാക്കുന്ന, ക്രൂശു മരണത്തിനു തയ്യാറെടുക്കുന്ന ദൈവപുത്രന്റെ പെസഹാ രാത്രിയാണ് കവിതയില്‍ ധ്യാനിക്കുന്നത്.
അമേരിക്കയിലെ കോറല്‍സ്പ്രിംഗ് ഔവര്‍ ലേഡി ഓഫ് ഹെല്‍ത്ത് കാത്തലിക് ഫൊറോനാ ദേവാലയ വികാരിയാണ് ഫാ ജോണ്‍സ്റ്റി തച്ചാറ. എറണാകുള -അങ്കമാലി രൂപതയുടെ 'പില്‍ഗ്രിംസ്' കമ്മ്യൂണിക്കേഷന്‍ മീഡിയ ഡിപ്പാര്‍ട്ട്‌മെന്റ് ഡയറക്‌റായി സേവനം അനുഷ്ടിച്ച കാലയളവില്‍ ഫാ.ജോണ്‍സ്റ്റി രചനയും സംവിധാനവും സംഗീതവും പകര്‍ന്നു തയാറാക്കിയ കുരിശിന്റെ വഴിയുടെ ആവിഷ്‌കാരം 'കാല്‍വരിയാഗവും' പ്രസിദ്ധമാണ്. സെബി നായരമ്പലം സംഗീതവും അനീറ്റ പി ജോയ്, എബി ജോസഫ് എന്നിവര്‍ ഓര്‍ക്കസ്‌ട്രേഷനും നിര്‍വഹിച്ചിരിക്കുന്നു.
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല