-->

EMALAYALEE SPECIAL

നമ്പാടന്‍ മാഷ് എന്ന ചിരിപ്പടക്കം (സി.കെ വിശ്വനാഥന്‍)

സി.കെ വിശ്വനാഥന്‍

Published

on

തോറ്റ എംഎല്‍എ എന്ന് ഇന്നസെന്റ് ഒരു സിനിമയില്‍ സ്വയം വിശേഷിപ്പിക്കുന്നുണ്ട്. തോറ്റാല്‍ പിന്നെ എങ്ങനെ എം.എല്‍.എ എന്നു പറയാം എന്നതായിരുന്നു അതിലെ കോമഡി.എന്നാല്‍ ഇന്നസെന്റിനു മുമ്പേ ജീവിതത്തില്‍ ഇതു പറഞ്ഞ മറ്റൊരു ഇരിങ്ങാലക്കുടയുടെ എം എല്‍ എ ഉണ്ടായിരുന്നു - സാക്ഷാല്‍ നമ്പാടന്‍ മാഷ്.
ഇന്നസെന്റ് എല്ലാ അര്‍ത്ഥത്തിലും ലോനപ്പന്‍ നമ്പാടന്റെ പിന്‍മുറക്കാരനാണ്.നമ്പാടനെ ലോകസഭയില്‍ എത്തിച്ച ചിഹ്നം തന്നെയാണല്ലോ ഇന്നസെന്റിനും അങ്ങനെ ഒരവസരം നല്‍കിയത്.
നമ്പാടന്‍ മാഷ് ചുവപ്പിച്ച മുകുന്ദപുരം തന്നെയാണല്ലോ ഇന്നസെന്റിന്റെ ചാലക്കുടി.
2001ലെ നിയമസഭ തെരഞ്ഞെടുപ്പില്‍ കൊടകരയില്‍ നിന്നും കോണ്‍ഗ്രസിലെ കെ.പി.വിശ്വനാഥനോട് തോറ്റു നില്‍ക്കുകയായിരുന്നു നമ്പാടന്‍ മാഷ്.
മുകുന്ദപുരത്തെ ലോകസഭാ സ്ഥാനാര്‍ഥിത്വത്തെക്കുറിച്ച് ആലോചന വന്ന അവസരത്തില്‍ ഇടതു മുന്നണിക്ക് രണ്ടു വട്ടം ആലോചിക്കേണ്ടി വന്നില്ല. ലോനപ്പന്‍ നമ്പാടന്‍ തന്നെ സ്ഥാനാര്‍ത്ഥി. എതിര്‍ സ്ഥാനാര്‍ഥി ലീഡര്‍ കെ. കരുണാകരന്റെ മകള്‍ പത്മജ വേണുഗോപാല്‍. ഫലം വന്നപ്പോള്‍ തോറ്റ എം.എല്‍.എ ഒന്നേകാല്‍ ലക്ഷത്തിന്റെ ഭൂരിപക്ഷത്തില്‍ എം.പി. ആയി.
തൊട്ടടുത്ത പാര്‍ലമെന്റ് തെരഞ്ഞെടുപ്പില്‍ മുകുന്ദപുരത്തിനു പകരം മണ്ഡലത്തിന്റെ പേര് ചാലക്കുടിയായി പുനര്‍നിര്‍ണയിച്ചു. അങ്ങനെ മുകുന്ദപുരത്തെ അവസാന എംപി. എന്നു മാത്രമല്ല  അവിടെ  ഏറ്റവും വലിയ ഭൂരിപക്ഷം നേടിയ വ്യക്തിയെന്ന ഖ്യാതിയും നമ്പാടന്‍ മാഷിനു സ്വന്തമായി.
ബിവററേജസിലെ വാര്‍ഷിക കണക്കെടുപ്പില്‍ ചാലക്കുടി പലപ്പോഴും ഒന്നാം സ്ഥാനത്തായിരിക്കും.എം.പി. ആണെങ്കിലും നമ്പാടന്‍ മാഷ് മണ്ഡലത്തെക്കുറിച്ച് ചോദിച്ചാല്‍ പറയും- ' നാട്ടില്‍ കുടികിടപ്പുകാരുടെ എണ്ണം കൂടിക്കൂടി വരുകയാണ്. കുടിക്കുക, കിടക്കുക. അതാണ് മാഷുദ്ദേശിക്കുന്ന കുടികിടപ്പ്. യു ഡി എഫ് പക്ഷത്തുനിന്ന് എല്‍ഡിഎഫില്‍ വന്ന ശേഷം പ്രസംഗത്തില്‍ മുഴുവന്‍ പഴയ കൂട്ടുകാരെയാണ് കളിയാക്കുക പതിവ് -
കുട്ടി അഹമ്മദ് കുട്ടി പുഷ്പുള്‍ എഞ്ചിന്‍ പോലെയാണെന്നാണ് പറയുന്നത്. അദ്ദേഹത്തിന്റെ പേരിലെ തുടക്കത്തിലും ഒടുക്കത്തിലുമുള്ള കുട്ടിയെ ഉദ്ദേശിച്ചാണ് ഈ കളിയാക്കല്‍.  വീരേന്ദ്രകുമാര്‍ ജനിച്ചത് തന്നെ എം.പി. ആയിട്ടാണെന്നാണ് നമ്പാടന്‍ മാഷിന്റെ പക്ഷം.
മന്ത്രി മുസ്തഫയെ കണ്ടാല്‍ കേരളത്തില്‍ ദാരിദ്യമുണ്ടെന്ന് ആരെങ്കിലും പറയുമോ ? മുസ്തഫ ഭക്ഷ്യമന്ത്രി ആയപ്പോള്‍ പറഞ്ഞതാണ്. വെഡ്ഡിങ്ങും വെല്‍ഡിങ്ങും ഒന്നുതന്നെ. പുരുഷനും സ്ത്രീയും തമ്മിലുള്ള വെല്‍ഡിങ്ങാണ് വെഡ്ഡിങ്ങ് - മാഷിന്റെ ഗുണപാഠം ഇതു മാത്രമല്ല, ഗ്രൌണ്ട് ' എന്നാല്‍ ഭൂമി. 'വാട്ടര്‍' എന്നാല്‍ ജലം. ഗ്രൌണ്ട് വാട്ടര്‍ എന്നാലോ ഭൂഗര്‍ഭജലം. ഈ ഗര്‍ഭം എവിടന്ന് വന്നു ? മാഷ് ഇത് ചോദിക്കുന്നത് സര്‍ക്കാരിലെ ഭാഷാവിദഗ്ദ്ധന്‍മാരോട്.
1977-ല്‍ തുടങ്ങി 2001 ല്‍ അവസാനിച്ച നിയമസഭാ ജീവിതത്തില്‍ മൂന്നു പ്രാവശ്യം കൊടകരയുടേയും നാലു പ്രാവശ്യം ഇരിങ്ങാലക്കുടയുടേയും പ്രതിനിധിയായി. 27 നാടകങ്ങളിലും മൂന്നു സിനിമയിലും അഭിനയിച്ച മികച്ച നടന്‍.നമ്പാടന്‍ നിറഞ്ഞു നിന്ന  തെരെഞ്ഞെടുപ്പു കാലം എന്നാല്‍ കേരളത്തില്‍ ചിരിയുടെ അമിട്ടുകള്‍ പൊട്ടി വിടര്‍ന്ന കാലം കൂടിയാണ്.
ഈ രാഷ്ട്രീയ ജീവിതം സംതൃപ്തമാണോ എന്ന ചോദ്യത്തിന് മാഷ് പറഞ്ഞ മറുപടി -
'വെറും ഒന്നാംക്ലാസില്‍ പഠിപ്പിച്ചിരുന്ന മാഷാണ് ഞാന്‍. ആദ്യം പഞ്ചായത്ത് മെമ്പറായി, ആറുതവണ എംഎല്‍എ. രണ്ടുതവണ മന്ത്രി. ഒടുവില്‍ പാര്‍ലമെന്റംഗം.  എന്നെപ്പോലെ ഭാഗ്യവാന്‍ കേരള രാഷ്ട്രീയത്തിലുണ്ടോ?'

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

സ്ത്രീ സ്വകാര്യ സ്വത്ത് ആണോ? ഈ മൂല്യബോധത്തിനെതിരെ സ്ത്രീകൾ തന്നെ രംഗത്തു വരണം (വെള്ളാശേരി ജോസഫ് )

ദല്‍ഹിയില്‍ ജനാധിപത്യം അട്ടിമറിക്കപ്പെടുന്നു (ഡല്‍ഹികത്ത് : പി.വി.തോമസ്)

നൃത്തമാടുക നിങ്ങൾ : ആൻസി സാജൻ

എഴുത്തിന്റെ വഴിയിലൂടെ രാജു മൈലപ്ര എഴുപതിലേക്ക് (സി വി വളഞ്ഞവട്ടം)

ശ്രീ ജോസഫ് പടന്നമാക്കലിന്റെ ചരമ വാർഷികത്തിൽ ഇ- മലയാളിയുടെ പ്രണാമം

ജോസഫ് മാത്യൂ പടന്നമാക്കല്‍ ഇല്ലാത്ത ഒരു വര്‍ഷം: ആ വിടവ് ഇനിയും നികന്നില്ല (തോമസ് കൂവള്ളൂര്‍)

ജോസഫ് പടന്നമാക്കലിന്റെ വേര്‍പാടിന്റെ ദുഃഖസ്മരണയില്‍! (ജോര്‍ജ് നെടുവേലില്‍)

Articles and stories from epics and mythologies (Thodupuzha K Shankar Mumbai)

പിണറായിയുടെ ഊഴം കഴിഞ്ഞു? ഇനി ചെന്നിത്തലയുടെ കാലം? (ജോർജ് എബ്രഹാം)

രാജ്യം നഷ്ടപ്പെടുന്ന റോഹിങ്കകൾ; വംശീയ ശുദ്ധീകരണമോ? വംശഹത്യയോ? (ജ്യോതിലക്ഷ്മി നമ്പ്യാർ, മുംബൈ, എഴുതാപ്പുറങ്ങൾ - 80)

പുല (ജിഷ.യു.സി, ഏഷ്യയിൽ നിന്ന് ആഫ്രിക്കയിലേക്ക് 3)

ഒരു വീട് സ്വന്തമാക്കാന്‍ പെടുന്ന പെടാപ്പാട്! (ജോര്‍ജ് തുമ്പയില്‍)

ഹായ് എവരിബഡി, ഞാന്‍ സ്വയം കൊന്നു, കുടുംബത്തെയും കൊന്നു... മഹാപാപികളുടെ സന്ദേശം 

താക്കോൽ ജനങ്ങൾ ആരെ ഏൽപ്പിക്കും (മീട്ടു റഹ്മത്ത് കലാം)

കേരളം വിധിയെഴുതുന്നു; തുടർ ഭരണമോ, ഭരണ മാറ്റമോ (സിൽജി ജെ ടോം)

തമിഴ് നാട് രാഷ്ട്രീയം ; വഴിത്തിരിവിന്റെ പുതിയ സാദ്ധ്യതകൾ (എസ സുന്ദര്ദാസ്)

ബംഗാളില്‍ നിന്ന് ചില അശുഭ സൂചനകള്‍ ( പി എസ് ജോസഫ്)‌

ആദ്യവോട്ടറായി ജോർജ് എബ്രഹാം; അമേരിക്കയിൽ 53 വർഷം; പക്ഷെ ഇന്ത്യൻ പൗരൻ

അപ്പനും അമ്മയും ദുഖിക്കാതിരിക്കാൻ ആറംഗ കുടുംബത്തെ കൂട്ടക്കൊല ചെയ്തു

പ്രവാസികള്‍ക്കും വേണ്ടേ പോസ്റ്റല്‍ വോട്ടിങ് സംവിധാനം? (സൂരജ് കെ. ആർ)

പ്രസംഗകല - സുകുമാര്‍ അഴീക്കോട് സമാഹരണവും പഠനവും: ഭാഗം-13: ഡോ. പോള്‍ മണലില്‍

ഇലച്ചൻ ഡ്യൂട്ടിയിരുക്ക് : മീര കൃഷ്ണൻകുട്ടി, ചെന്നൈ

മുംബൈയെ മാറോട് ചേർത്ത് ഒരു മുന്നൂർകോട്ടുകാരി ( ഗിരിജ ഉദയൻ മുന്നൂർക്കോട്)

ഷോൺ എബ്രഹാം ചരമ വാർഷികം ഇന്ന് (ഏപ്രിൽ 5) കണ്ണീരുണങ്ങാത്ത ഒരു വർഷം

ആർക്ക് വോട്ട് ചെയ്യണം? (ബാബു പാറയ്ക്കൽ)

യേശുവിൻ്റെ ഉയിർപ്പ് (സൂസൻ പാലാത്ര)

ഭൂമി കാത്തു വയ്ക്കുന്ന കല്ലുകൾ കൊണ്ട് മെനയുന്ന ശിൽപ്പങ്ങൾ (മൃദുല രാമചന്ദ്രൻ)

സ്വര്‍ണ്ണവില വര്‍ദ്ധന ഇറക്കുമതിയേയും ആഭരണ വ്യാപാരത്തേയും ശക്തമായി ബാധിച്ചു (കോര ചെറിയാന്‍)

ട്വന്റി/ട്വന്റി പാർട്ടിയുടെ പ്രസക്തി കേരള രാഷ്രീയത്തിൽ (വാൽക്കണ്ണാടി - കോരസൺ)

എ. കെ. ആൻറ്റണിയുടെ ചാരായ നിരോധനം നല്ല നടപടി; കുറച്ചു പേരേ അതിന്റെ ഗുണഫലങ്ങൾ തിരിച്ചറിയുന്നുള്ളൂ (വെള്ളാശേരി ജോസഫ്)

View More