-->

news-updates

കൊട്ടിക്കലാശം ഓർമ്മകളിൽ മാത്രം : ആൻസി സാജൻ

Published

on

നിയമസഭാ തിരഞ്ഞെടുപ്പ് പരസ്യ പ്രചാരണത്തിന് നാളെ വൈകിട്ട് 7 മണിയോടെ സമാപനമാവുന്നു. കോവിഡ് തുള്ളിത്തുള്ളി നടക്കുന്നുണ്ടെങ്കിലും വീറുറ്റ , വാശി നിറഞ്ഞ വോട്ടഭ്യർത്ഥനയുടെ ദിവസങ്ങളാണ് കടന്നുപോയത്. എന്നാൽ കലാശക്കൊട്ട് എന്ന പതിവ് കുംഭകുട, പൊന്നിൻകുട ആട്ടങ്ങൾ കേന്ദ്ര തിരഞ്ഞെടുപ്പ് കമ്മീഷൻ നിരോധിച്ചു കൊണ്ട് ഉത്തരവിറങ്ങി. മുഖ്യ തിരഞ്ഞെടുപ്പ് ഓഫീസറുടെ ശുപാർശ കണക്കിലെടുത്താണ് ഈ നടപടി.
ആശ്വാസമായി . പ്രധാന ജംഗ്ഷൻ കേന്ദ്രീകരിച്ച് അങ്ങോട്ടൊരോട്ടം , അവിടുന്നിങ്ങോട്ടൊരോട്ടം എന്ന മട്ടിൽ മൂന്ന് മുന്നണികളും തുള്ളിക്കയറുന്ന അസുലഭ പ്രകടനമാണ് നിരോധിക്കപ്പെട്ടത്.ഉന്താനും തള്ളാനും പിന്നെയത് സംഘർഷമായി വളർത്താനും കരഞ്ഞു വിളിക്കാനുമുള്ള അവസരം രാഷ്ട്രീയപ്പാർട്ടികൾക്ക് നഷ്ടമായി. പാലാ നഗരസഭയിൽ ഒരാൾ ഒരാൾക്കിട്ട് ചാടിയടിച്ചിട്ട് അയാൾ തന്നെയിരുന്ന് വലിയവായിൽ നിലവിളിക്കുന്ന വീഡിയോ നമ്മളെല്ലാം കണ്ടതല്ലേ. (നിലവിളിക്കാനും മാത്രം എന്തു കിട്ടി എന്ന വീഡിയോ ലഭ്യമല്ല) അത് ഒരേ മുന്നണിയിൽ പെട്ടവർ. അതിലും എത്ര വലിയ അടിപൂരമായിരുന്നേനെ ചിലപ്പോൾ നാളെ അരങ്ങേറേണ്ടിയിരുന്നത് ! ബൈക്കുകളിലും മറ്റു വാഹനങ്ങളിലുമൊക്കെ കവലചുറ്റി ജൈത്രയാത്ര നടത്താനിരുന്നവരും ഇടയിലൂടെ തീർത്ഥം തളിച്ച് നടക്കാൻ പതുങ്ങി നിന്ന കൊറോണയുമൊക്കെ നിരാശിതരായിക്കാണും. സംഘർഷ സാധ്യതയും കോവിഡ് വ്യാപന ഭീഷണിയുമാണ് കലാശക്കൊട്ട് നിരോധനത്തിന് പ്രേരിപ്പിച്ച ഘടകങ്ങൾ. ശരിയാണ് ; ഭരണത്തുടർച്ച ഉണ്ടായേതീരൂ എന്ന് വാശിപിടിച്ച് പ്രചരണ രംഗത്തുള്ള ഇടതുമുന്നണിയും എങ്ങനെയെങ്കിലും അധികാരത്തിലെത്താൻ ബദ്ധപ്പെടുന്ന ഐക്യജനാധിപത്യ മുന്നണിയും ഒന്നോ രണ്ടോ സീറ്റ് സാധ്യത കണ്ട് സംസ്ഥാനമാകെ ഇളക്കി പ്രചരണം നടത്തുന്ന ബി.ജെ.പി മുന്നണിയും പ്രചരണ കലാശക്കൊട്ട് ഗംഭീരമാക്കാൻ തകൃതിയായ അണിയറ പ്രവർത്തനങ്ങളാവും ആസൂത്രണം ചെയ്തിട്ടുള്ളത്. എല്ലാ കക്ഷികളും ചേർന്ന് നടത്തുന്ന തേരോട്ടങ്ങൾക്കിടയിൽ കൂട്ടിമുട്ടലുകൾക്കും സാധ്യതയുണ്ട്. എന്തായാലും ആശ്വാസമായി.
കിറ്റ് തന്നില്ലേ , പെൻഷൻ തന്നില്ലേ, ഞങ്ങളും തരും , ഇനിയുംതരും മാസംതോറും തുകകൾ തുടങ്ങിയ വാഗ്ദാനങ്ങളനുസരിച്ച് എന്തു കിട്ടും എന്ന് നോക്കിയിരിക്കുന്ന ജനതയായി മാറുമോ നാട്ടിലെ വോട്ടർമാർ. നടപ്പാക്കിയ പദ്ധതികളും വികസന മുന്നേറ്റങ്ങളും ചൂണ്ടിക്കാട്ടി ജനവിധി തങ്ങൾക്കനുകൂലമാക്കാൻ ശ്രമിക്കുന്നതിനു പകരം സൗജന്യങ്ങൾ നൽകാം എന്നു പറഞ്ഞ് മനുഷ്യരെ യാചകസ്വഭാവമുള്ളവരാക്കുകയാണോ രാഷ്ട്രീയകക്ഷികൾ ചെയ്യേണ്ടത് ? 
വിദ്യാഭ്യാസത്തിനും തൊഴിൽ നേടുന്നതിനുമുള്ള അവകാശം നിലനിർത്തി സ്വന്തം അധ്വാനത്താൽ ജീവിക്കുവാനും നാടിന് മുതൽക്കൂട്ടാവാനും അഭിമാനമുള്ള ജനസമൂഹമല്ലേ ഉയർന്നു വരേണ്ടത്. ആരോഗ്യവും സംസ്കാരവും അന്തസ്സുമുള്ള ജീവിതം നയിക്കാൻ ഇവിടുത്തെ മനുഷ്യരെ പ്രാപ്തരാക്കുകയെന്നതാവണം ഭരണതലപ്പത്തിരിക്കുന്നവരുടെ ഉത്തരവാദിത്വം . അതുപോലെ വില കുറഞ്ഞ ആരോപണ പ്രത്യാരോപണങ്ങളിൽ ഇളക്കിമറിച്ചിൽ നടത്താതെ തങ്ങളുടെ നയപരിപാടികൾ പൊതുജനത്തിനു മുൻപിലവതരിപ്പിച്ച് വോട്ടുകൾ നേടുന്ന രീതി പ്രചരണ രംഗത്തുണ്ടാവുന്ന വലിയ സംസ്കാരത്തിലേക്ക് നമ്മൾ എന്നാവും ഉയർന്നെത്തുക.
എന്തായാലും കൊട്ടിക്കലാശമെന്ന തുള്ളക്കളി നിരോധിച്ച തിരഞ്ഞെടുപ്പ് കമ്മീഷന് അഭിനന്ദനങ്ങൾ...!

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

കൊല്ലപ്പെട്ട ദമ്പതികളുടെ മകൾക്കായി തുക സമാഹരിക്കുന്നു

രാഷ്ട്രീയ സാക്ഷരത കുറയുന്നോ? മധുര മനോഹര മനോജ്ഞ കേരളം വീണ്ടും ഇടത്തോട്ട്(കുര്യന്‍ പാമ്പാടി)

തിരഞ്ഞെടുപ്പില്‍ ജയിച്ചത് സത്യത്തില്‍ കൊറോണ തന്നെ (മോന്‍സി കൊടുമണ്‍)

മന്ത്രിയായാൽ നമ്മുടെ ടീച്ചറമ്മയെപ്പോലെ

നിറം (കമാൽ കാരാത്തോട് - ഇ-മലയാളി  കഥാമത്സരം - 9)

ലാലേട്ടൻ സംവിധായകനും നായകനുമാകുമ്പോൾ

അമ്പും, വില്ലും, മലപ്പുറം കത്തി, എന്തൊക്കെ ആയിരുന്നു! (മൃദുല രാമചന്ദ്രൻ - മൃദുമൊഴി-3)

അതിർത്തി കടന്നെത്തിയ 20,000 കുട്ടികൾക്ക് ബൈഡൻ ഭരണകൂടം സംരക്ഷണം ഒരുക്കുന്നു

ഇന്ത്യൻ അമേരിക്കൻ ദമ്പതികൾ മകന്റെ ചികിത്സയ്ക്കായി പോരാടുന്നു

സ്പീക്കര്‍ ശ്രീരാമകൃഷ്ണന്‍ ആത്മഹത്യയ്ക്ക് ശ്രമിച്ചുവെന്ന് കുപ്രചരണം; പേടിച്ചോടുന്ന ആളല്ല താനെന്ന് സ്പീക്കര്‍

ന്യൂജഴ്സിയില്‍ ഇന്ത്യന്‍ ദമ്പതികൾ കുത്തേറ്റ് മരിച്ചു; ബാല്‍ക്കണിയില്‍ കരച്ചിലോടെ നാലുവയസുകാരി മകള്‍

എൽ ഡി എഫ് സർക്കാർ ഭരണകാലഘട്ടവും; പ്രതിപക്ഷത്തിന്റെ ചെറുത്തു നിൽപ്പുകളും

മിസൂറിയിൽ ഇന്ത്യൻ എഞ്ചിനിയറെ വെടിവച്ച് കൊന്നു 

കമല ഹാരിസ് ബ്ലെയർ ഹൗസ് ഒഴിയുന്നു; ഇനി ഔദ്യോഗിക വസതിയിലേക്ക്  

യു.ഡി.എഫിന് ഇനി വേണ്ടത് ഒരു  ട്രാൻസിഷൻ സമിതി  (ഷെമീർ, ഹൂസ്റ്റൺ)

മഹാമാരിക്കാലത്തെ തെരഞ്ഞെടുപ്പ്; ചില കാഴ്ചകള്‍ (സൂരജ് കെ.ആർ)

വൈറസ് അഴിഞ്ഞു നടന്ന തിരഞ്ഞെടുപ്പുകാലം: ആൻസി സാജൻ

ഇഎംസിസി ഡയറക്ടര്‍ ഷിജു വര്‍ഗീസിന്റെ കാര്‍ ആക്രമിക്കപ്പെട്ട നിലയില്‍

ഓരോ മുന്നണിക്കും എത്ര സീറ്റ് വീതം കിട്ടും? നിങ്ങളുടെ പ്രവചനം എങ്ങനെ?

കണ്ടറിയാം കേരളത്തിന്റെ രാഷ്ട്രീയ ഭാവി (അനിൽ പെണ്ണുക്കര)

തെരഞ്ഞെടുപ്പ് ദിനത്തില്‍ ശബരിമല വിഷയമാക്കി നേതാക്കള്‍ (സനൂബ് ശശിധരന്‍)

ശബരിമല, ആഴക്കടല്‍, കോ-ലി-ബി... പ്രചാരണ ചൂടിലെ വിവാദങ്ങള്‍.(സനൂബ് ശശിധരന്‍)..

കഴക്കൂട്ടം ഒരു പരീക്ഷണശാല (സി.കെ.വിശ്വനാഥൻ)

തിരുവല്ലയിൽ 'സർപ്രൈസ്' വിജയം പ്രതീക്ഷിക്കാമോ? (പ്രവാസി കാഴ്ച്ച-9, ജോർജ് എബ്രഹാം)

വിജയം നിശ്ചയിക്കുന്ന 25 നിയോജകമണ്ഡലങ്ങള്‍

ആർക്ക് വോട്ട് ചെയ്യണമെന്ന് തീരുമാനിക്കും മുൻപ് അറിയേണ്ടത്  (തോമസ് കൂവള്ളൂര്‍)

എന്തുകൊണ്ട് തുടർഭരണം? (അമ്പഴയ്ക്കാട്ട് ശങ്കരൻ)

എന്റെ ജന്മ നാട്ടിൽ എം. മുരളിയും സജി ചെറിയാനും നേർക്ക് നേർ (പ്രവാസി കാഴ്ച-8, ജോർജ് എബ്രഹാം)

കളം ആകെ മാറി; ദേശിയ നേതാക്കന്മാർ തെരഞ്ഞെടുപ്പിനെ സാധിനിച്ചുവോ? (ശ്രീകുമാർ ഉണ്ണിത്താൻ)

ബി  ജെ പിയുടെ പ്രതീക്ഷകള്‍ സീറ്റ്‌ ആയി മാറുമോ?

View More