-->

America

ആ​രോ​ഗ്യ രംഗത്ത് ​ഇന്ത്യക്കാർക്ക് ​അമേ​രി​ക്കയിൽ വലിയ അവസരങ്ങൾ: ​ഡോ. ​ആ​സാ​ദ് മൂ​പ്പ​ന്‍

(ഫോമാ ന്യൂസ് ടീം)

Published

on

കോവിഡാനന്തര അമേരിക്കയിൽ, ആരോഗ്യ സംരക്ഷണ രംഗത്ത് ഭാരതീയർക്ക് വലിയ തൊഴിൽ സാധ്യതകളാണുള്ളതെന്ന്  ആ​സ്​​റ്റ​ര്‍ ഡി.​എം ഹെ​ല്‍ത്ത് കെ​യ​ര്‍ സ്ഥാ​പ​ക ചെ​യ​ര്‍മാ​നും മാ​നേ​ജി​ങ് ഡ​യ​റ​ക്ട​റു​മാ​യ ഡോ. ​ആ​സാ​ദ് മൂ​പ്പ​ന്‍. ഫോമാ ബിസിനസ് ഫോറത്തിന്റെ മേഖലാ സമിതികളുടെ പ്രവർത്തനങ്ങൾക്ക് നാന്ദി കുറിച്ച്  സംസാരിക്കുകയായിരുന്നു അദ്ദേഹം.

അമേരിക്കയിൽ ആരോഗ്യ രംഗത്ത് പ്രവർത്തിക്കുന്ന പതിനായിരക്കണക്കിന് ഭാരതീയരുണ്ട്. ഡോക്ടറുമാരും, നഴ്‌സുമാരും അതിൽപെടും. കഴിഞ്ഞ കുറച്ചു വർഷത്തെ കണക്കുകൾ പരിശോധിച്ചാൽ അവരുടെ എണ്ണത്തിൽ ഗണ്യമായ കുറവുണ്ടായതായി കാണാം. ഒരു പക്ഷെ സൗഹ്ര്യദപരമല്ലാത്ത ഭരണകൂട നടപടികളോ അതല്ലെങ്കിൽ മറ്റു കാരണങ്ങൾ കൊണ്ടോ ആകാം. എന്നാൽ കോവിഡിന്റെ പശ്ചാത്തലത്തിൽ കാര്യങ്ങളെ നോക്കിക്കാണുകയാണെങ്കിൽ, ആരോഗ്യ പരിപാലന രംഗത്ത് ആശാവഹമായ വളർച്ചയുണ്ടാകുമെന്നാണ് കണക്കുകൾ കാണിക്കുന്നത്. 2019-2029 കാലയളവിൽ 15% തൊഴിലവസരങ്ങളാണ് ആരോഗ്യ രംഗത്ത് പ്രതീക്ഷിക്കുന്നത്. അതായത് 2.4 മില്യൺ ആരോഗ്യ പ്രവർത്തകർക്ക് തൊഴിൽ അവസരങ്ങൾ ഉണ്ടാകുമെന്നർത്ഥം. ഇത് മറ്റു തോഴിൽ രംഗങ്ങളിലെ ശരാശരി അവസരങ്ങളെ അപേക്ഷിച്ചു  വലിയ കുതിച്ചു ചാട്ടമാണ്. എന്നാൽ അമേരിക്കയിൽ മാത്രമായി ഇത്രയും  ആരോഗ്യ രംഗത്തെ വിദഗ്ധരെ കണ്ടെത്തുക സാധ്യമല്ല. ഈ സാധ്യതകളാണ് ഇന്ത്യപോലുള്ള ഒരു രാജ്യത്തിനു ഗുണകരമാകുന്നത്.  നഴ്സ് പ്രാക്ടീഷണർമാർ, ഡെന്റിസ്റ്റുകൾ, ഫിസിഷ്യൻ അസിസ്റ്റന്റ്‌സ്‌മാർ, ന​ഴ്‌​സു​മാ​ര്‍, ഫാ​ര്‍മ​സി​സ്​​റ്റു​ക​ള്‍, ഫി​സി​യോ​തെ​റ​പ്പി​സ്​​റ്റു​ക​ള്‍, സ്‌പീച് ആൻഡ് ലാംഗ്വേജ് പാത്തോളജിസ്റ്റ്  തുടങ്ങിയവർക്കെല്ലാം ഇ​ത് വ​ലി​യ തൊ​ഴി​ല​വ​സ​ര​മു​ണ്ടാ​ക്കും. ഈയവരസങ്ങൾ പ്രയോജനപ്പെടുത്തി പരസ്പര സഹകരണത്തിലൂടെ, ആരോഗ്യ രംഗത്ത്‌ പ്രവർത്തിക്കുന്നവരുമായി കൈകോർത്ത് തൊഴിൽ ദായകരെയും, തൊഴിൽ ദാതാക്കളെയും ബന്ധിപ്പിക്കുവാൻ കഴിയുന്നത് അമേരിക്കയ്ക്കും, ഇന്ത്യക്കും ഒരു പോലെ പ്രയോജനകരമാണ്. അടുത്ത ഒരു ദശാബ്ദക്കാലം ഈ രംഗത്തു വിപ്ലവകരമായ വളർച്ചയാണുണ്ടാകാൻ പോകുന്നത്.

എടുത്തു പറയത്തക്ക ഏറ്റവും പ്രധാനമായ ഒരു വളർച്ചയുണ്ടാകാൻ പോകുന്നത് ഡിജിറ്റൽ ആരോഗ്യ പരിപാലന രംഗത്താണ്. യാത്രാ രംഗത്തുള്ള നിയന്ത്രണങ്ങൾ മൂലം  വിദൂര നിയന്ത്രണ സംവിധാന-സാങ്കേതിക സംവിധാനങ്ങൾ ഉപയോഗിച്ചുള്ള പരിപാലനത്തിന്റെ പ്രസക്തി വർദ്ധിച്ചു.  ടെലി- റേഡിയോളജി അമേരിക്കയിൽ നിലവിൽ വന്നു കഴിഞ്ഞു.  ടെ​ലി-​പ​ത്തോ​ള​ജിയാണ് മറ്റൊരു മേഖല. Knowledge Process Outsourcing എന്ന് വിളിക്കുന്ന ഡിജിറ്റൽ സാങ്കേതിക രീതിയിലൂടെ വിവരങ്ങൾ കുറഞ്ഞ ചിലവിൽ അതി വിദഗ്ദരായവരെ കണ്ടെത്തി കൈമാറി റിപ്പോർട്ടുകൾ ശേഖരിക്കുന്നു. ഇന്ത്യയിൽ നിന്ന്  ആരോഗ്യ രംഗത്ത് കുറഞ്ഞ ചിലവിൽ വിദഗ്ധരെ ലഭിക്കുന്നതിന് ഇത് വളരെ ഗുണകരമാണ്. ഇന്ത്യയിൽ നിന്നുള്ള പാതോളജിസ്റ്റുകൾക്ക് ഇത് വളരെ പ്രയോജനപ്രദമാണ്. വളരെ കുറഞ്ഞ ചിലവിൽ അവർക്ക് ഈ സേവനം ആവശ്യമായ ആശുപത്രികൾക്കും, ആരോഗ്യമേഖലയിലെ മറ്റു സ്ഥാപനങ്ങൾക്കും ലഭ്യമാക്കാൻ കഴിയും. 

റി​​മോ​ട്ട് ഐ.​സി.​യു മോ​ണി​റ്റ​റി​ങ്ങാണ്  മറ്റു സാധ്യകളുള്ള ഡിജിറ്റൽ ആരോഗ്യ പരിപാലന രംഗം. നഴ്‌സുമാരുടെ അഭാവം മൂലം നിലവിൽ വളരെ ബുദ്ധിമുട്ടുള്ള ഒരു മേഖലയാണ് ഐ.സി.യു.മോണിറ്ററിങ്. ഇന്ത്യയിൽ നിന്ന് നഴ്‌സുമാരെ ഉപയോഗിച്ചു റിമോട്ട് ഐ.സി.യു. മോണിറ്ററിങ് സാധ്യമാകുമോ എന്ന് പരിശോധിക്കണം. ദുബായിൽ തങ്ങളുടെ ആശുപത്രിയിൽ ആവശ്യത്തിന് ഡോക്ടർമാരും നഴ്‌സുമാരും കോവിഡ് സമയത്ത്‌ ലഭ്യമല്ലാതിരുന്ന സമയത്ത്‌ വളരെ വിജയകരമായി ഇത് പ്രയോജനപ്പെടുത്തി. കൂടുതൽ സാങ്കേതിക സംവിധാനങ്ങളുള്ള അമേരിക്കയിൽ നിന്ന് ഇത് കൂടുതൽ ഫലപ്രദമായി ചെയ്യാൻ കഴിയും. 

മെഡിക്കൽ വാല്യൂ ടൂറിസമാണ് മറ്റൊരു സാധ്യത. അമേരിക്കയിൽ ഉള്ള രോഗികൾക്ക് ഇന്ത്യയിലുള്ള ആശുപത്രികളിൽ കുറഞ്ഞ ചിലവിൽ ചികിത്സ ലഭ്യമാക്കുക എന്നത് വളരെ പ്രയോജനകരമായ ഒന്നാണ്. ഇ​ന്ത്യ​യി​ലെ ആ​സ്​​റ്റ​ര്‍ ഹോ​സ്പി​റ്റ​ലു​ക​ള്‍ ഇ​തി​ന​കം​ത​ന്നെ വി​ദേ​ശ​ത്തു​നി​ന്നു​ള്ള രോ​ഗി​ക​ളെ സ്വീ​ക​രി​ക്കു​ന്നു​ണ്ട്.ആസ്റ്റർ മെഡിസിറ്റി കേയ്മാൻ ഐലൻഡിൽ പുതുതായി ആശുപത്രീ തുടങ്ങുകയാണ്. അമേരിക്കയിൽ നിന്നുള്ളവർക്ക് വളരെ എളുപ്പത്തിൽ എത്തിച്ചേരാനും കുറഞ്ഞ ചിലവിൽ ചികിത്സ ലഭിക്കാനും ഇവിടെ സംവിധാനമുണ്ടാകും. 

ഫോമയുടെ വാണിജ്യ സമിതിയുടെ വേദിയിൽ സംസാരിക്കാൻ കഴിഞ്ഞതിലുള്ള  സന്തോഷവും അദ്ദേഹം  പങ്കു വെച്ചു. ഫോമയുടെ കാരുണ്യ-ജന സേവന പരിപാടികൾ മഹത്തരവുമാണ്. സഹായങ്ങൾ ആവശ്യമുള്ളിടത്ത് മുൻപന്തിയിൽ ഫോമാ എത്തുന്നുവെന്നത് വളരെ ചാരിതാർത്ഥ്യം നൽകുന്നു. ബിരുദങ്ങളോ, അധികാരങ്ങളോ, സമ്പത്തോ അല്ല നമ്മൾ ആരാണെന്ന് നിശ്ചയിക്കുന്നത്. സങ്കടപെടുന്നവരുടെ കണ്ണീരൊപ്പാനും, അവരുടെ ആവലാതികൾക്ക് പരിഹാരം കാണാനും കഴിയുന്നുണ്ടോ എന്നതാണ് പ്രധാനം. ആ​സ്​​റ്റ​ര്‍ ഡി.​എം ഹെ​ല്‍ത്ത് കെ​യറും ആരോഗ്യപരിപാലന രംഗത്തുൾപ്പടെ നിരവധി കാരുണ്യ-സേവന പ്രവൃത്തികൾ ചെയ്യുന്നുണ്ട്. ഫോമയുടെ കാരുണ്യ പ്രവൃത്തികളോടൊപ്പം പങ്കു ചേരാനും പരസ്പരം കൈകോർത്ത് സേവനങ്ങൾ ആവശ്യക്കാർക്ക് എത്തിക്കാനും കഴിയും. ആവശ്യമുള്ളവരെ കണ്ടെത്തി  സഹായിക്കുക എന്നതാണ് നമ്മുടെ ഹ്ര്യദയത്തിനുള്ള ഏറ്റവും നല്ല വ്യായാമം എന്ന് നാമോർക്കണമെന്ന് അദ്ദേഹം കൂട്ടിച്ചേർത്തു. 

മണപ്പുറം ഫിനാൻസിന്റെ  മേധാവി മാനേജിങ് ഡയറക്ടർ ശ്രീ വി.പി.നന്ദകുമാർ,  സമുദ്രോല്പന്ന കയറ്റുമതി രംഗത്തെ നിരവധി സ്ഥാപനങ്ങളുടെയും ചോയ്സ് സ്കൂളിന്റെയും തലവനായ ശ്രീ ജോസ്  തോമസ്,  ബാംഗ്ലൂർ കേന്ദ്രമായുള്ള പ്രമുഖ ജോൺ ഡിസ്റ്റിലെറീസിന്റെ ചെയർമാനും മാനേജിങ് ഡിറക്ടറുമായ പോൾ ജോൺ, എയ്‌റോ കൺട്രോൾ കമ്പനി ചെയർമാൻ ജോൺ ടൈറ്റസ്,  സ്മാർട്ട് എഞ്ചിനിയറിങ്

 ആൻഡ് ഡിസൈൻ സൊല്യൂഷൻ പ്രസിഡന്റ് ശ്രീ ആന്റിണി പ്രിൻസ്, അലൈൻ ഡയഗ്നോസ്റ്റിക് കമ്പനി  പ്രസിഡന്റ്  ബേബി ഊരാളിൽ    എന്നിവരും  ചടങ്ങിൽ സംബന്ധിച്ചു ആശംസകൾ അർപ്പിച്ചു 

ഫോമാ പ്രസിഡന്റ് അനിയൻ ജോർജ്ജ് സ്വാഗതവും, ട്രഷറർ തോമസ് ടി ഉമ്മൻ നന്ദിയും രേഖപ്പെടുത്തി.

ചടങ്ങിൽ  ഫോമാ ജനറൽ  സെക്രട്ടറി ടി.ഉണ്ണികൃഷ്‌ണൻ,, വൈസ് പ്രസിഡന്റ് പ്രദീപ് നായർ , ജോയിന്റ് സെക്രട്ടറി ജോസ് മണക്കാട്ട്, ജോയിൻറ് ട്രഷറർ ബിജു തോണിക്കടവിൽ,  വിവിധ റീജിയനുകളെ പ്രതിനിധീകരിച്ചു ടിജോ ജോസഫ്- ന്യൂ ഇംഗ്ളണ്ട് റീജിയൻ, ജോസ് വർഗീസ്- ന്യൂയോർക്ക് മെട്രോ റീജിയൻ, പി.ടി.തോമസ്- എമ്പയർ റീജിയൻ, ജെയിംസ് ജോർജ്- മിഡ്- അറ്റ്ലാന്റിക് റീജിയൻ, ജോജോ ആലപ്പാട്ട്- ക്യാപിറ്റൽ റീജിയൻ, ഡോക്ടർ. ബിജോയ് ജോൺ- സൗത്ത് ഈസ്റ്റ് റീജിയൻ, ജോസ് ഫിലിപ്പ്-സൺഷൈൻ റീജിയൻ, പ്രിമുസ് ജോൺ കേളന്തറ-ഗ്രേറ്റ് ലേക്‌സ്‌ റീജിയൻ, സ്റ്റീഫൻ കിഴക്കേക്കുറ്റ്,-സെൻട്രൽ റീജിയൻ, ലോസൺ ബിജു തോമസ്- സതേൺ റീജിയൻ, ബിനോയ് മാത്യു വെസ്റ്റേൺ റീജിയൻ,  ജിയോ ജോസ്-അറ്റ്-ലാർജ് റീജിയൻ എന്നിവരും പങ്കെടുത്തു.

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ജഡ്ജ് മെയ്ഡ് ലോ (ഡോ.എം.ഷാജഹാൻ, ഇ-മലയാളി കഥാമത്സരം 15)

ജോൺസൺ & ജോൺസൺ വാക്സിനും ട്രംപിന്റെ രോഷവും; വാക്സിൻ വിവാദത്തിനു പിന്നിലെ രാഷ്ട്രീയം

വിഷുപക്ഷി പാടുമ്പോൾ (ജയശ്രീ രാജേഷ്)

ഇന്ദ്രവല്ലരിയിൽ വിരിഞ്ഞ സുന്ദരപുഷ്പം (മായ കൃഷ്ണൻ)

മക്കളുടെ വിവാഹം ഒരു നീറുന്ന പ്രശ്നം (അമേരിക്കൻ തരികിട 141, ഏപ്രിൽ 13)

ഓർമ്മകൾ നൽകുന്ന വിഷുക്കൈനീട്ടം (ബിനു ചിലമ്പത്ത് -സൗത്ത് ഫ്ലോറിഡ)

AAPI Elects New Leaders For 2021-22 And Beyond

ശ്യാം ശങ്കര്‍പ്രസിഡന്റ്; ഡോ. സിനു പോള്‍ സെക്രട്ടറി

മിഡ് ഹഡ്‌സണ്‍ കേരള അസോസിയേഷന് നവ നേതൃത്വം

തികച്ചും പോലീസിന്റെ തെറ്റ് (ബി ജോണ്‍ കുന്തറ)

എ,എം തോമസ് (പാപ്പിച്ചായന്‍) ഹ്യൂസ്റ്റണില്‍ നിര്യാതനായി

അന്തരിച്ച മുന്‍ മന്ത്രി കെ.ജെ.ചാക്കോയുടെ സംസ്കാരം ബുധനാഴ്ച

കാര്‍ട്ടൂണ്‍: സിംസണ്‍

ബൈബിള്‍ പഠനത്തിനും പ്രാര്‍ഥനക്കും കാലിഫോര്‍ണിയ ഗവണ്‍മെന്റ് ഏര്‍പ്പെടുത്തിയിരുന്ന നിയന്ത്രണം സുപ്രീം കോടതി നീക്കി

കെഎച്ച്എന്‍എ ഗ്ലോബല്‍ ഹിന്ദു സംഗമം: മിഡ്വെസ്റ്റ് റീജിയണ്‍ ശുഭാരംഭവും മേഖലാ പ്രവര്‍ത്തനോത്ഘാടനവും.

2024 ല്‍ ട്രമ്പ് മത്സരിച്ചാല്‍ ഞാന്‍ മത്സരിക്കില്ല, പിന്തുണക്കും: നിക്കിഹേലി

ക്രിസ്റ്റിന്‍ വര്‍മത്ത്- ആദ്യ വനിതാ ആര്‍മി സെക്രട്ടറിയെ ബൈഡന്‍ നോമിനേറ്റ് ചെയ്തു

മത്തായി പി. ദാസ് എണ്‍പതിന്റെ നിറവില്‍

ഏലിക്കുട്ടി വർഗീസിന്റെ സംസ്കാരം ഏപ്രിൽ 17 ശനിയാഴ്ച

ഷാജി രാമപുരം, ജീമോൻ റാന്നി - നോർത്ത് അമേരിക്ക യൂറോപ്പ് മാർത്തോമാ ഭദ്രസന മീഡിയ കമ്മിറ്റിയിൽ

ഫോമാ പാര്‍പ്പിട പദ്ധതിയ്ക്ക് പുതിയ സാരഥികള്‍. (സലിം : ഫോമാ ന്യൂസ് ടീം )

'മാഗ് ' ക്രിക്കറ്റ് ടൂര്‍ണമെന്റ് ഏപ്രില്‍ 17,18,24 തീയതികളില്‍.

മാഗ് സംഘടിപ്പിച്ച വൈവിധ്യമാര്‍ന്ന പരിപാടികള്‍ ജനശ്രദ്ധ പിടിച്ചു പറ്റി.

റവ. ജോബി ജോയ് ഏപ്രില്‍ 13നു ഇന്റര്‍നാഷണല്‍ പ്രയര്‍ലൈനില്‍ മുഖ്യപ്രഭാഷണം നല്‍കുന്നു.

വേള്‍ഡ് മലയാളി കൗണ്‍സിലിന് പുതിയ ഗ്ലോബല്‍ നേതൃത്വം

ലിസ്സി സ്കറിയയുടെ (65) സംസ്കാരം ചൊവ്വാഴ്ച

നന്മയുടെ ആഭിമുഖ്യത്തില്‍ ചെറുകഥ- കവിതാ രചന മത്സരം സംഘടിപ്പിച്ചു

അന്നം മെതിപ്പാറ, 98, ചിക്കാഗോയില്‍ നിര്യാതയായി

ആദ്യകാല കോണ്‍ഗ്രസ്സ് പ്രവര്‍ത്തകന്‍ കളപ്പുരയ്ക്കല്‍ അഗസ്റ്റ്യന്‍ നിര്യാതനായി

വിഷു സ്‌പെഷ്യല്‍ പരിപാടികളുമായി ഏഷ്യാനെറ്റ്

View More