കൊവിഡ് രണ്ടാം തരംഗത്തില്‍ സംസ്ഥാനത്ത് പടരുന്നത് ജനിതകമാറ്റം വന്ന വൈറസെന്ന് സംശയം
Published on 11 April, 2021
കൊവിഡ് രണ്ടാം തരംഗത്തില്‍ സംസ്ഥാനത്ത് പടരുന്നത് ജനിതകമാറ്റം വന്ന വൈറസെന്ന് സംശയം, സാമ്ബിളുകള്‍ പരിശോധനയ്ക്ക് അയച്ചു.
സംസ്ഥാനവും കൊവിഡ് വാക്‌സിന്‍ ക്ഷാമത്തിലേക്ക് പോകുന്നൂവെന്ന് സൂചനകള്‍.മാര്‍ച്ച്‌ 25ന് ശേഷം സംസ്ഥാനത്ത് വാക്‌സിന്‍ എത്തിയില്ല.
കൊവിഡ് രണ്ടാം വ്യാപന തരംഗത്തെ ആശങ്കയോടെയാണ് കേരളം ഉറ്റുനോക്കുന്നത്. രണ്ടാം തരംഗത്തില്‍ ജനിതക വ്യതിയാനം വന്ന വൈറസിന്റെ വ്യാപനമാണോ ഉണ്ടാകുന്നത് എന്നാണ് ഉറ്റുനോക്കുന്നത്.
ഇത് തിരിച്ചറിയാന്‍ കേരളം പരിശോധനകള്‍ ആരംഭിച്ചു.ഡല്‍ഹി ആസ്ഥാനമായ ഇന്‍സ്റ്റിറ്റ്യൂട്ട് ഓഫ് ജിനോമിക്സ് ആന്റ് ഇന്റഗ്രേറ്റീവ് ബയോളജിയുമായി ചേര്‍ന്നാണ് പരിശോധന നടത്തുന്നത്.
പ്രതിരോധശേഷിയെ മറികടക്കാന്‍ കഴിവുള്ള 13 തരം ജനിതകമാറ്റങ്ങള്‍ നേരത്തെ കേരളത്തിലെ കൊറോണ വകഭേദങ്ങളില്‍ കണ്ടെത്തിയിരുന്നു.
കേരളത്തില്‍ ജനുവരിയില്‍ നടത്തിയ പരിശോധനയില്‍ വയനാട്, കോട്ടയം, കോഴിക്കോട്, കാസര്‍കോഡ് ജില്ലകളില്‍ 10 ശതമാനത്തിലേറെ പേരില്‍ വകഭേദം വൈറസ് സാന്നിധ്യം കണ്ടെത്തി.
ഈ സാഹചര്യത്തിലാണ് രണ്ടാം തരംഗ സാന്നിധ്യം പ്രകടമായ കേരളം വീണ്ടും പരിശോധന നടത്തുന്നത്. പതിനാല് ജില്ലകളില്‍ നിന്നും ശേഖരിച്ച സാമ്ബിളുകള്‍ അയച്ചിട്ടുണ്ട്.
അടുത്ത ആഴ്ചയോടെ ഫലം കിട്ടുമെന്നാണ് പ്രതീക്ഷ. വകഭേദം വന്ന വൈറസാണ് ഇപ്പോഴത്തെ വേഗത്തിലുള്ള രോഗവ്യാപനത്തിന് കാരണമെന്ന് കണ്ടെത്തിയാല്‍ അതിവജാഗ്രത പുലര്‍ത്തേണ്ടിവരും.
അതേസമയം സംസ്ഥാനത്ത് വാക്‌സിന്‍ വിതരണത്തിനും വരും ദിവസങ്ങളില്‍ ക്ഷാമമുണ്ടാകുമെന്നാണ് കണക്കുകള്‍. സംസ്ഥാനത്ത് ഇനിയുള്ള കൊവിഡ് വാക്‌സിന്‍ ശേഖരം പത്ത് ലക്ഷത്തിന് താഴെയാണ്.
വിവിധ ജില്ലാകളില്‍ നാലോ അഞ്ചോ ദിവസത്തേക്ക് വിതരണം ചെയ്യാനെ ഇത് തികയൂ. ഒരു ദിവസം മൂന്നു മുതല്‍ നാലു ലക്ഷം ഡോസസ് വാക്‌സിനാണ കേരളത്തില്‍ നല്‍കുന്നത്
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala