ബാങ്കിനുള്ളില്‍ മാനേജര്‍ ആത്മഹത്യ ചെയ്ത സംഭവം: മനുഷ്യാവകാശ കമ്മീഷന്‍ കേസെടുത്തു
Published on 11 April, 2021
കണ്ണൂര്‍: കാനറാ ബാങ്ക് കൂത്തുപറമ്ബ് ശാഖയുടെ മാനേജര്‍ ബാങ്കിനുള്ളില്‍ തൂങ്ങി മരിച്ച സംഭവത്തില്‍ മനുഷ്യാവകാശ കമ്മീഷന്‍ സ്വമേധയാ കേസെടുത്തു. സംഭവത്തെക്കുറിച്ച്‌ അന്വേഷിച്ച്‌ റിപ്പോര്‍ട്ട് നല്‍കാന്‍ കാനറാ ബാങ്ക് കേരള സര്‍ക്കിള്‍ ചീഫ് മാനേജര്‍ക്ക് കമ്മീഷന്‍ നിര്‍ദ്ദേശം നല്‍കി.
മാനേജര്‍ ജീവനൊടുക്കാനുണ്ടായ സാഹചര്യം വിശദീകരിക്കാനാണ് മനുഷ്യാവകാശ കമ്മീഷന്‍ നിര്‍ദ്ദേശിച്ചിരിക്കുന്നത്. വെള്ളിയാഴ്ചയാണ് തൃശൂര്‍ മണ്ണുത്തി സ്വദേശിനി കെ.എസ്.സ്വപ്ന (40) ബാങ്കിനുള്ളില്‍ ജീവനൊടുക്കിയത്.
ഉദ്യോഗസ്ഥര്‍ക്ക് മേല്‍ ബാങ്കുകള്‍ അധിക ജോലി ഭാരവും സമ്മര്‍ദ്ദവും നല്‍കുന്നുണ്ടെന്ന് വ്യാപക പരാതി മുന്‍പും ഉയര്‍ന്നിരുന്നു. ഇതും കൂടി കണക്കിലെടുത്താണ് കമ്മീഷന്‍ സ്വമേധയാ കേസെടുത്തിരിക്കുന്നത്.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala