Image

അന്നൊരു നാളിൽ ( കവിത : അല്ലു സി.എച്ച് )

Published on 12 April, 2021
  അന്നൊരു നാളിൽ ( കവിത :  അല്ലു സി.എച്ച് )
നമ്മുടെ കലഹങ്ങളായി
തന്നെയാണ് ഇന്നും മഴ
പെയ്തുകൊണ്ടിരിക്കുന്നത്
ഒത്തിരി ഓർമ്മകൾ സമ്മാനിച്ച
നിശ്വാസങ്ങൾ പോലെ
ആ മഴ ഇപ്പോഴും 
എന്നെ നനയ്ക്കുന്നുണ്ട്
ഞാൻ ഓർക്കുന്നു
തീരാത്ത നമ്മുടെ 
രാത്രികളെ കുറിച്ച്
ഒറ്റയ്ക്കായ എൻ്റെ കൈ പിടിച്ച്
ആ രാത്രിയിൽ 
നനയാൻ കൊതിക്കുന്ന
നിൻ്റെ ഇഷ്ടത്തെ കുറിച്ച്
ജനലരികിൽ കാത്തുനിന്ന്
മഴയുടെ 
എണ്ണിയാലൊടുങ്ങാത്ത 
ചുംബനമേറ്റുവാങ്ങുമ്പോൾ
എൻ്റെ മാറിൽ നീ എഴുതുന്ന 
കവിതകളെക്കുറിച്ച്
എല്ലാമെല്ലാം പെയ്തൊഴിയാതെ
മനസ്സിൽ ഇപ്പോഴും
അവശേഷിക്കുന്നു 
എങ്കിലും
അവശേഷിച്ചതൊക്കെയും
മഴ പൂക്കളുടെ
ചിരി തെന്നലുകൾ മാത്രയിരുന്നു
അതിനാലാണ് ഞാനിപ്പോഴും 
മൗനത്തെ ഹൃദയത്തിലാക്കി
തനിയെ നനയാൻ പഠിച്ചത്...

                           
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക