-->

America

വിഷുപക്ഷി പാടുമ്പോൾ (ജയശ്രീ രാജേഷ്)

Published

on

" വിത്തും കൈക്കോട്ടും....
കള്ളൻ ചക്കട്ടു........
കണ്ടാ മിണ്ടണ്ട.......
കൊണ്ടോയ് തിന്നോട്ടെ..."
 
കുട്ടിക്കാലത്ത് വളരെ രസകരമായി പാടി നടന്നിരുന്ന വരികൾ.കടന്നുപോകാൻ  മടിച്ചു നിൽക്കുന്ന ഇല്ലായ്മയുടെ വറുതിക്കാലത്ത് നിറയെ കായ്ഫലത്തോടെ സമുദ്ധിയുടെ പ്രതീകമെന്നോണം തൊടിയിലെങ്ങും പ്ലാവും മാവും . പണ്ടുള്ളവർക്ക് ദാരിദ്ര്യത്തിലും സന്തോഷിക്കാനും ആശ്വസിക്കാനും പ്രകൃതിയുടെ സാന്ത്വനം.  ചക്കക്ക് പോലും കള്ളന്മാർ വരും വന്നാലും കൊണ്ടൊയ് തിന്നോട്ടെന്നു കാരണവന്മാർ  ചൊല്ലി പഠിപ്പിച്ചതും അതു കൊണ്ടു തന്നെ ആകും.
 
വിഷുപുലരിയിൽ അമ്മ ബ്രാഹ്മമുഹൂർത്തത്തിൽ വിളിച്ചുണർത്തി   കൈകൾ കൊണ്ട് കണ്ണുകൾ പൊത്തി കണി ക്കരികിലേക്ക് മെല്ലെ നടത്തും .കണിക്കു മുന്നിലെത്തുവോളം കണ്ണുകൾ തുറക്കാൻ പാടില്ല . ആദ്യ ദർശനം നിറഞ്ഞു കത്തുന്ന നിലവിളക്കിന്റെ പ്രഭയിൽ  നീലാബര ധാരിയായി കണിക്കൊന്ന പൂവിന്റെ പീതവർണ്ണമാർന്ന  ഒരു കള്ള ചിരിയോടെ നിൽക്കുന്ന കണ്ണനെതന്നെ ആയിരിക്കണം. .അരികിൽ ഓട്ടുരുളിയിൽ കണിക്കൊന്ന പൂവുകൾക്കൊപ്പം ഐശ്വര്യത്തിന്റെ പ്രതീകമായ ചക്ക മാങ്ങ തേങ്ങ വെള്ളരി വാൽക്കണ്ണാടി പട്ട് നാണയ തുട്ടുകൾ. അതൊരു പ്രതീക്ഷയായിരുന്നു , ഒരു വർഷത്തിന്റെ സ്വപ്നങ്ങളിലക്ക് തുറന്നു വച്ച വിശ്വാസത്തിന്റെ കണിവെട്ടം. മിഴിഞ്ഞ വട്ട കണ്ണുകളിൽ സന്തോഷത്തിന്റെ തിരയിളകി കൈ കൂപ്പി നിൽക്കുമ്പോൾ കൈവെള്ളയിലേക്കു അമ്മ വെച്ചു തരുന്ന  നാണയതുട്ടിനോളം വന്നിട്ടില്ല പിന്നീട് കിട്ടിയ  ഒരു  കൈനീട്ടവും. മുറ്റം നിറയെ ചിന്നി ചിതറി കിടക്കുന്ന ഓലപടക്ക കഷ്ണങ്ങൾക്കിടയിൽ എവിടെയോ പരതുന്നു മനസ്സിലിന്നും പൊട്ടാതെ  കിടക്കുന്ന  കുഞ്ഞു പടക്കങ്ങൾ.
 
വിഷുദിനത്തേക്കാൾ ആഹ്ലാദമായിരുന്നു വിഷു സംക്രമ ദിനം .നാളെക്കു വേണ്ട കണിയൊരുക്കാനുള്ള തയ്യാറെടുപ്പുകൾ . കണി വെയ്ക്കാനായി ലക്ഷണമൊത്ത വെള്ളരിക്കും കണികൊന്ന പൂവിനും വേണ്ടി നടന്നു താണ്ടിയ കുന്നുകളും പറമ്പുകളും ഇന്ന് കുട്ടികളുടെ മുഖത്തെ നഷ്ടപ്പെട്ട കളി ചിരി ഓർത്ത് ഗതകാലങ്ങൾ അയവിറക്കുന്നു . വിഷു തലേന്നത്തെ ഇപ്പോഴും മായാതെ ഓർമ്മയിൽ നിൽക്കുന്ന ഒരു കാഴ്ച്ചയുണ്ട്.അലുക്കിട്ട കുപ്പായവും ഉടുത്തമുണ്ടിനു മീതേകൂടി വെള്ളി അരപട്ട യും കാതിൽ  വട്ട ജിമിക്കിയും കൂടെ മുകളറ്റം വരെ നിറയെ സ്വർണ്ണ  അലുക്കുകളും അണിഞ്ഞു  നാടൻ  മുസ്ലിം  രീതിയിൽ തട്ടമിട്ട  ബീമുമ്മ തലയിൽ ഒരു ചക്കയും എടുത്ത് പടി കടന്നു വരുമ്പോൾ നീട്ടി ഒരു വിളിയുണ്ട്..."വിശാലമ്മേ....വറക്കാനുള്ള ചക്ക  ദാ ...ങ്ങള് അങ്ങട് അകത്തേക്ക് വെച്ചോളിൻ...കുട്ടികളെ കൊണ്ടു രാവിലെ ഇട്ടു വെപ്പിച്ചതാ...." പറമ്പിൽ ഇഷ്ടം പോലെ പ്ലാവുണ്ട്...എങ്കിലും വിഷു ന്   വീട്ടിൽ ചക്ക വറക്കുന്നെങ്കിൽ അതു  ബീമുമ്മ ന്റെ പ്ലാവിലെ ചക്ക തന്നെ നല്ലത് എന്ന ജാതി മത ഭേദമില്ലാത്ത നിഷ്കളങ്കമായ അയല്വക്ക സ്നേഹം  അംഗീകരിച്ചു കൊടുക്കാൻ വിശാലമ്മക്കും ഒരു ബുദ്ധിമുട്ടും ഉണ്ടായിരുന്നില്ല.
"ങ്ങള് വയ്യാതെ ഇങ്ങനെ ഇതും തലയിലേറ്റി വന്നതെന്തിനാ... ആ മതിലിൽ വെച്ചു ഒന്നു വിളിച്ച പോരെ" ന്നു അമ്മ ചോദിക്കുമ്പോ നിറഞ്ഞ ഒരു ചിരി ചിരിക്കും ബീമുമ്മ.
 
കാലചക്രം അതി വേഗതയിൽ ഓടി മറയാൻ തിടുക്കപ്പെടുന്നു. ഇന്ന് ബീമുമ്മ യില്ല.വലിയ കൂട്ടു കുടുംബത്തിൽ നിന്ന് അവരുടെ സന്തതി പരമ്പരകൾ എല്ലാരും പലയിടത്തേക്കായി പറിച്ചു നടപെട്ടു. കണിയും ആഘോഷങ്ങളും ഇന്നിന്റെ പ്രൗഢിയെ വിളിച്ചോതി നഗരത്തിരക്കുകൾക്കിടയിൽ സ്വന്തം സ്വീകരണമുറിയിൽ ഒരു സ്ക്രീനിൽ ഒതുങ്ങി തീരുമ്പോൾ  ഓർമ്മകളിൽ എവിടെയോ ഒരു വിഷു പക്ഷി പാടുന്നു...."വിത്തും....കൈക്കോട്ടും........." തിളങ്ങുന്നു ആ ജിമിക്കിയും അല്ക്കുകളും...നീട്ടിയുള്ള ആ വിളിയും....നിറമോലുന്നൊരു  വിഷുക്കണിയായി.....
 
മറഞ്ഞു പോയ ഇന്നലെ കളിലേക്ക് ഗൃഹാതുരത്വത്തിന്റെ നോവു പടർത്തി എന്റെ മനസ്സിന്റെ കിളിവാതിലിൽ ഒരു വിഷു പക്ഷി. ... നഗരജീവിതത്തിന്റെ ശബ്ദഘോഷങ്ങളിൽ അവ്യക്തമായൊരു പഴമ്പാട്ട് ഒഴുകിയെത്തുന്നു.. വിത്തും കൈക്കോട്ടും .... കായൽ തിരകളിൽ തട്ടി അവ പ്രതിധ്വനിക്കുമ്പോൾ ഒരു പാവാടക്കാരിയായി ഞാനും ഓർമ്മകളിലേക്ക് ഊർന്നിറങ്ങട്ടെ......                

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ജാതകവശാൽ (ഉദയ പയ്യന്നൂര്‍, ഇ -മലയാളി കഥാമത്സരം 40)

ന്യു യോർക്കിലെ ടൂറിസ്റ്റുകൾക്ക് വാക്സിൻ നൽകണമെന്ന് മേയർ; മഹാമാരിയിൽ ജനന നിരക്ക് കുറഞ്ഞു

ജൂലൈയ്ക്ക് ശേഷം യു.എസിലെ രോഗബാധ 50,000 ല്‍ താഴെ ആകുമെന്ന് പ്രതീക്ഷ (ഏബ്രഹാം തോമസ്)

അമേരിക്കയില്‍ കോവിഡ് 19 മരണം 9,00,000; പുതിയ പഠന റിപ്പോര്‍ട്ട്

ഡാളസ് സൗഹൃദ വേദിയുടെ മാതൃദിനാഘോഷം മെയ് 9 ഞായറാഴ്ച 5 മണിക്ക് ലൂയിസ്വില്ലയില്‍ വെച്ച്

ഇന്ത്യക്ക് അടിയന്തിര സഹായം അനുവദിക്കണമെന്ന് യു.എസ്.സെനറ്റര്‍മാര്‍

ഷിക്കാഗോ രൂപത : ഫാ. നെടുവേലിചാലുങ്കല്‍- പ്രൊക്യൂറേറ്റര്‍, ഫാ . ദാനവേലില്‍ - ചാന്‍സലര്‍.

അതിരുകളെ അതിലംഘിക്കുന്ന അമൂല്യസ്‌നേഹം നല്‍കിയ ദിവ്യപ്രവാചകന്റെ ദേഹവിയോഗം തീരാനഷ്ടം -- ബിഷപ് ഡോ.മാര്‍ ഫിലക്‌സിനോസ്.

തിരുവനന്തപുരം നഗരത്തിലെ പോലീസ് സ്‌റ്റേഷനുകള്‍ക്ക് സഹായവുമായി ഡബ്ല്യു.എം.സി കെയര്‍ & ഷെയര്‍ പ്രോഗ്രാം

മാർ ക്രിസോസ്റ്റം, ബിൽ ഗേറ്റ്സ്, ചിന്ന വീട് (അമേരിക്കൻ തരികിട-153, മെയ് 6)

ഫൊക്കാനയുടെ ആഭിമുഖ്യത്തില്‍ മാര്‍ ക്രിസോസ്റ്റം അനുസ്മരണ സമ്മേളനം വെള്ളിയാഴ്ച രാത്രി 9 ന്

കോവിഡ് വാക്‌സിന് പേറ്റന്റ് താത്കാലികമായി ഒഴിവാക്കാന്‍ ബൈഡന്‍ ഭരണകൂടം തീരുമാനിച്ചു

കളത്തില്‍ പാപ്പച്ചന്റെ ഭാര്യ മേരിക്കുട്ടി പാപ്പച്ചന്‍, 83, കേരളത്തില്‍ അന്തരിച്ചു

ഫോമയും, അംഗ സംഘടനകളും, കോവിഡ് ബാധിതരെ സഹായിക്കാൻ കൈകോർക്കുന്നു

5G പരീക്ഷണം : ചൈനയോട് " നോ " പറഞ്ഞ് ഇന്ത്യ; കൈയ്യടിച്ച് യുഎസ്

ഗ്രൗണ്ടിനു പുറത്തും ടീമംഗങ്ങളെ ചേര്‍ത്തു പിടിച്ച് ക്യാപ്റ്റന്‍ കൂള്‍

മുരളീധരന്റെ പരിഹാസശരം ആര്‍ക്കെതിരെ ?(ജോബിന്‍സ് തോമസ് )

മാറ്റം വന്ന വൈറസിന് മറുമരുന്നുമായി ബെയ്ലര്‍

ഗാര്‍ലാന്‍ഡ് സിറ്റി കൌണ്‍സില്‍: പി. സി. മാത്യുവിനു റണ്‍ ഓഫ് മത്സരം ജൂണ്‍ 5 നു

ജനിതകമാറ്റം സംഭവിച്ച ഇന്ത്യന്‍ വൈറസ് അയോവയിലും ടെന്നസ്സിയിലും

കേരളത്തില്‍ സമ്പൂര്‍ണ്ണ ലോക്ക് ഡൌണ്‍

സ്ഥലം മാറി പോകുന്ന വൈദികര്‍ക്ക് ഹൂസ്റ്റണ്‍ എക്യൂമെനിക്കല്‍ കമ്മ്യൂണിറ്റി യാത്രയയപ്പു നല്‍കി

വലിയ മെത്രാപ്പോലീത്തയുടെ വിയോഗത്തിൽ ഇന്ത്യന്‍ ക്രിസ്ത്യന്‍ ഫോറം അനുശോചനവും ആദരാഞ്ജലികളും അര്‍പ്പിക്കുന്നു

ഡാളസ് കേരള അസോസിയേഷന്‍ കോവിഡ് 19 വാക്സിന്‍ സഹായനിധി സമാഹരികുന്നു

ബൈഡന്റെ കുഴല്‍ സ്വപ്നങ്ങള്‍ (കാര്‍ട്ടൂണ്‍: സിംസണ്‍)

ഫെയ്സ്ബുക്കും മറ്റ് ടെക് കമ്പനികളും 'രാഷ്ട്രീയ വില നൽകേണ്ടി വരുമെന്ന് ട്രംപ്

കോവിഡ് മാനദണ്ഡങ്ങൾ പാലിച്ചു നെവാഡയിലെ വേശ്യാലയങ്ങൾ തുറക്കാൻ അനുമതി

റവ:ഈപ്പന്‍ വര്‍ഗീസ് ഹ്യൂസ്റ്റണ്‍ ഇമ്മാനുവേല്‍ മാര്‍ത്തോമ്മാ ഇടവകയുടെ വികാരിയായി ചുമതലയേറ്റു

ഷിക്കാഗോ രൂപത: ഫാ. നെടുവേലിചാലുങ്കല്‍- പ്രൊക്യൂറേറ്റര്‍, ഫാ. ദാനവേലില്‍ - ചാന്‍സലര്‍

വേള്‍ഡ് മലയാളി കൗണ്‍സില്‍ ഹൂസ്റ്റണ്‍ പ്രോവിന്‍സന്റെ പ്രൗഡഗംഭീരമായ ഒത്തുചേരല്‍ വര്‍ണ്ണാഭമായി

View More