അജയ് ദേവ്ഗണും സിദ്ധാര്ഥ് റോയ് കപ്പൂറും ചേര്ന്ന് നിര്മ്മിക്കുന്ന പുതിയ ചിത്രമെത്തുന്നു. 1990 കളുടെ പശ്ചാത്തലത്തില് നിര്മ്മിക്കുന്ന ഗോബര് എന്ന ചിത്രമാണ് അജയ് ദേവ്ഗണ് നിര്മ്മിക്കാന് ഒരുങ്ങുന്നത്. സറ്റയര് അല്ലെങ്കില് ആക്ഷേപ ഹാസ്യത്തിന്റെ വിഭാഗത്തില്പ്പെടുന്ന ചിത്രം വടക്കേ ഇന്ത്യയിലാണ് ചിത്രീകരിക്കുന്നത്. ആശുപത്രിയിലെ അഴിമതിക്കെതിരെ നില്ക്കുന്ന ഒരു മൃഗഡോക്ടറുടെ കഥയാണ് ചിത്രം പറയുന്നത്.
തമാശ രൂപത്തിലെടുക്കാന് ശ്രമിക്കുന്ന ചിത്രം (Cinema) സംവിധാനം ചെയ്യുന്നത് സഭല് ശിഖാവത്താണ്. അദ്ദേഹം സംവിധാനം ചെയ്യുന്ന ആദ്യ ഫീച്ചര് ചിത്രമെന്ന പ്രത്യേകത കൂടി ഗോബറിന് ഉണ്ട്. ചിത്രത്തില് അജയ് ദേവ്ഗണ് അഭിനയിക്കുമോ എന്നതിനെ കുറിച്ച് ഇനിയും വ്യക്തത വന്നിട്ടില്ല. ചിത്രത്തില് ആരൊക്കെ അഭിനയിക്കുമെന്ന് തീരുമാനിച്ചിട്ടില്ലെങ്കിലും ചിത്രത്തിന്റെ ചിത്രീകരണം ഈ വര്ഷം അവസാനത്തോടെ തന്നെ ആരംഭിക്കുമെന്നാണ് റിപ്പോര്ട്ടുകള് സൂചിപ്പിക്കുന്നത്.
മൃഗങ്ങളെസ്നേഹിക്കുന്ന ഒരു മൃഗഡോക്ടറുടെ കഥയാണ് ചിത്രം പറയുന്നത്. സ്ഥലത്തെ അദ്ദേഹം ജോലി ചെയ്യുന്ന സ്വകാര്യ ആശുപത്രി നടത്തുന്ന അഴിമതികളെ കുറിച്ച് മനസിലാക്കുകയും അതിനെതിരെ പ്രവര്ത്തിക്കാന് ആരംഭിക്കുന്നു, ഇതിനെ തുടര്ന്നുണ്ടാകുന്ന സംഭവങ്ങളാണ് ചിത്രത്തിന്റെ പ്രമേയം.
അജയ് ദേവ്ഗണ് ഇപ്പോള് അഭിനയിച്ച് കൊണ്ടിരിക്കുന്നത് ആര്ആര്ആര് (RRR) , ഭുജ്: ദി പ്രൈഡ് ഓഫ് ഇന്ത്യ, മൈതാന്, ചാണക്യ തുടങ്ങിയ ചിത്രങ്ങളിലാണ്. അത് കൂടാതെ മെയ് ഡേ എന്ന ചിത്രം സംവിധാനവും ചെയ്യുന്നുണ്ട്. Ajay Devgn ന്റെ അന്പത്തിരണ്ടാം പിറന്നാളിന് ആര്ആര്ആര് എന്ന ചിത്രത്തിലെ കഥാപാത്രത്തിന്റെ ഫസ്റ്റ് ലുക്ക് റിലീസ് ചെയ്തിരുന്നു അത് കൂടാതെ അജയ് ദേവ്ഗണ് അവതരിപ്പിക്കുന്ന മോഷന് പോസ്റ്ററും പുറത്തിറക്കിയിട്ടുണ്ട്.