പോലീസ് ഇന്നൊരു പ്രതിക്കൂട്ടിൽ ഇവർ ഭരണാധികാരികളുടെ മുൻവിധികളിൽ ഒറ്റപ്പെടുന്നു?
കുറ്റവും ശിക്ഷയും എന്നത് പരമ്പരാഗതമായി എല്ലാ സമൂഹങ്ങളിലും നില നിന്നിട്ടുള്ള പരിപാലിച്ചു വരുന്ന നടപടി ക്രമമാണ് കുറ്റം ചെയ്തവൻ ശിക്ഷിക്കപ്പെടണം. അതിന്നു അമേരിക്കയിൽ മറ്റൊരു രൂപം സ്വീകരിച്ചിരിക്കുന്നു. കുറ്റം ചെയ്തത് ആര് അതനുസരിച്ചു വേണം ശിക്ഷ.
നിരന്ദിരം കേൾക്കുന്നു പോലീസിൻറ്റെ വെടിയേറ്റ് പട്ടണങ്ങളിൽ, യുവാക്കൾ മരണമടയുന്നു. ഇന്നലെ ഷിക്കാഗോ നഗരത്തിൽ 13 വയസുള്ള ആദാം ടോളിഡോ എന്ന ബാലനാണ് മരണപ്പെട്ടത്. ഈ നഗരത്തിൽ മാത്രം ഒരു ദിനം ഇരുപതിലേറെ തോക്കുപയോഗിച്ചുള്ള കുറ്റ കൃത്യങ്ങൾ നടക്കുന്നു എന്നു കണക്കുകൾ കാട്ടുന്നു.
ഇതുപോലെ മരണപ്പെടുന്നതിൽ ഒട്ടുമുക്കാലും ന്യൂന സമുദായങ്ങളിൽ നിന്നുമുള്ളവർ. ഇവിടെ പോലീസ്, ആവശ്യപ്പെട്ടിട്ടാണ് ഓരോ സ്ഥലങ്ങളിൽ എത്തുന്നത് അവിടെ ഇവർ പലേ അപകട മേഖലകളും നേരിടുന്നു കൂട്ടുമുട്ടലുകൾ നടക്കുന്നു .
എല്ലാവരുടെയും ജീവന് വിലയുണ്ട് അതു സംരക്ഷിക്കുന്നതിന് എല്ലാവരും ശ്രമിക്കും. ഇതാണ് അമേരിക്കയിൽ ഇന്നത്തെ സാഹചര്യത്തിൽ എല്ലാ പോലീസുകാരും നേരിടുന്നത്. വെടിയേറ്റു മരണപ്പെട്ടവർ കൂടാതെ നിരവധി പോലിസ് ഉദ്യോഗസ്ഥർ അവരുടെ കുടുംബങ്ങൾ എല്ലാം ഈ പ്രക്രിയകളിൽ തകർക്കപ്പെട്ടുന്നു.
ഭരണതലങ്ങളിൽ നിന്നും പലരും ഇതുപോലുള്ള നിറയൊഴിക്കലുകളെ പോലീസ് ചെയ്യുന്ന കുറ്റമായി വരച്ചു കാട്ടുന്നു. പോലിസ് വേണ്ട എന്ന അഭ്യർത്ഥനകളും ഏതാനും ഭരണനേതാക്കൾ അവതരിപ്പിച്ചിരിക്കുന്നു. വിവേകപൂര്വ്വ മായ ഒരു ചർച്ചയും ഇവിടെ നടക്കുന്നില്ല. നിരവധി മാധ്യമങ്ങളും ഓരോ പക്ഷം ചേർന്നു സംസാരിക്കുന്നു.
ഒരു കൂട്ടർ വർഗ്ഗീയത കുത്തിപ്പൊക്കി ഇതിൽ നിന്നെല്ലാം മുതലെടുക്കുന്നു. പട്ടണങ്ങളിൽ സമാധാന പ്രധിഷേധ പ്രകടനം എന്ന പേരിൽ ബിസിനസുകൾ കൊള്ളയടിക്കുക മറ്റുള്ളവരെ ദ്രോഹിക്കുക ഇതിനെല്ലാം നേതുർത്വം നൽകുന്നതും വർഗ്ഗീയ സംഘടനകൾ.
പൊതുജനം മനപ്പൂർവം സമ്മതിക്കാത്തതും തള്ളിക്കളയുന്നതുമായ നിരവധി സത്യങ്ങൾ ഇതിൻറ്റെ എല്ലാം പിന്നിലുണ്ട് എന്നു മനസിലാക്കുക. ഒന്നാമത്, അമേരിക്കൻ പട്ടണങ്ങളിൽ നടക്കുന്ന കുറ്റകൃത്യങ്ങളിൽ 75 % ന്യൂന സമുദായങ്ങളിൽ നിന്നും കൂടാതെ അവർ വസിക്കുന്ന ഇടങ്ങളിൽ നിന്നും. ഒരിക്കലും പോലീസ് സ്വമേധയാ എങ്ങും പോയിട്ടില്ല എല്ലാം ആവശ്യപ്പെട്ടവ.
അമേരിക്കൻ ജന സംഖ്യയിൽ മുപ്പതു ശതമാനത്തോളം, എല്ലാ മേഖലകളിൽ നിന്നുമുള്ള ന്യൂന പക്ഷക്കാർ ഇതിന് അനുപാതകമായിട്ടാണ് പോലീസ് സേനയിലെ അംഗങ്ങളും. അപ്പോൾ സ്വഭാഗികമായും വെള്ളക്കാർ ആയിരിക്കും സേനയിലെ ഭൂരിപക്ഷം. ഒട്ടുമുക്കാൽ ക്രിമിനൽ പെരുമാറ്റങ്ങൾ നടക്കുന്നതും പട്ടണങ്ങളുടെ ഉൾഭാഗത്തു അവിടെ പ്രമാദമായും വസിക്കുന്നത് പിന്നോക്ക സമുദായക്കാർ. ഈ സാഹചര്യത്തിൽ എങ്ങിനെ പോലീസ് കുറ്റവാളികളുമായി ഇടപെടണം?
ഒന്നുകിൽ പോലീസ് സേന മുഴുവൻ പിന്നോക്ക സമുദായത്തിൽ നിന്നും അതിനു തുനിഞ്ഞാൽ സേനക്ക് ആവശ്യത്തിന് പോലീസിനെ കിട്ടില്ല. മറ്റൊരു വഴി, ഒരു കുറ്റകൃത്യം അറിയിക്കുമ്പോൾ ചോദിക്കണം അതിൽ ആരാണ് ഇടപെട്ടിരിക്കുന്നത് അതനുസരിച്ചു വേണം പോലീസിനെ വിടുവാൻ. ഇതും എത്രമാത്രം പ്രായോഗികം? പിന്നൊരു വഴിയുള്ളത് കുറ്റവാളികളുടെ നേരെ പോലീസ് കണ്ണടക്കുക.
ഫ് ബി ഐ കണക്കുകൾ കാട്ടുന്നു, പോലീസ് മനപ്പൂർവം ഒരാളെ കൊല്ലുന്നതിന് വെടിവയ്ച്ചിട്ടില്ല തൊണ്ണൂറു ശതമാനവും സ്വജീവൻ രക്ഷിക്കുന്നതിന് അഞ്ചു ശതമാനം തെറ്റായ തിരിച്ചറിയൽ ശേഷിക്കുന്ന അഞ്ചു ശതമാനം എടുത്തു ചാട്ടത്തിൽ നിന്നും വേണമെങ്കിൽ ഒഴിവാക്കുവാൻ പറ്റുന്നവ.
നാം ഓർക്കണം പോലീസുകാരും മനുഷ്യ ജീവികൾ അവർക്കും ജീവനിൽ ഭയമുണ്ട് കൂടാതെ ഒരു സംഘർഷാവസ്ഥയിൽ എപ്പോഴും ശെരികൾ മാത്രം സംഭവിക്കും എന്നും ആശിക്കരുത്.
മറ്റൊരഭിപ്രായം പൊന്തിവരുന്നത് പോലീസിൻറ്റെ കൈകളിൽ നിന്നും തോക്കുകൾ മാറ്റുക ഇവരെ വെറും ലാത്തിയുമായി കുറ്റവാളികളെ പിടിക്കുന്നതിനു വിടുക. അതിനു തുനിഞ്ഞാൽ പിറ്റേദിനം ഭൂരിഭാഗം പോലീസും മെഡൽ മേശപ്പുറത്തു വയ്ച്ചിട്ടു മറ്റു വേറെ ജോലിക്കും പോകും.
ഇതൊരു നിസ്സാര കാര്യമായി പൊതുജനവും, രാഷ്ട്രീയക്കാരും, ഭരണാധികാരികളും, മാധ്യമങ്ങളും എടുക്കരുത്. പോലീസിനെ നാം അധികാരം നൽകി നമ്മെ രക്ഷിക്കുന്നതിനുള്ള ചുമതല നൽകി നിയമിച്ചിരുന്നു. പോലീസ് ഇല്ലാത്ത ഒരു പട്ടണത്തിൽ നിന്നും കുറ്റവാളികൾ അപ്രത്യക്ഷമാകും എന്ന് ആരെങ്കിലും ചിന്തിക്കുന്നുണ്ടോ?