Image

ഫോമാ  ഈസ്റ്റർ-വിഷു-റമദാൻ ആഘോഷം ഇന്ന്  വൈകിട്ട് 9 മണിക്ക്

സലിം : ഫോമാ ന്യൂസ് ടീം  Published on 17 April, 2021
ഫോമാ  ഈസ്റ്റർ-വിഷു-റമദാൻ ആഘോഷം ഇന്ന്  വൈകിട്ട് 9 മണിക്ക്
  ലോകമെമ്പാടുമുള്ള ക്രൈസ്തവർ യേശുവിന്റെ പുനരുത്ഥാന സ്മരണകളുണർത്തിയും തിന്മയുടെ മേൽ അവസാന വിജയം നന്മയ്ക്കാണെന്ന്  ലോകത്തെ  ഓർമ്മപ്പെടുത്തിയും   ഈസ്റ്റർ ആഘോഷത്തിന്റെ നിറവിലാണ്. മലയാളികളാകട്ടെ  , സമൃദ്ധിയുടെയും  ഐശ്യര്യത്തിന്റെയും പ്രാർത്ഥനയും പുതുവർഷ സ്വപ്നങ്ങളുമായി വിഷു ആഘോഷങ്ങളിലും. ഇസ്‌ലാം മത വിശ്വാസികൾ തങ്ങളുടെ പരിശുദ്ധ ഗ്രന്ഥമായ ഖുർ-ആൻ അവതരിക്കപ്പെട്ട മാസമായ റമദാൻ വ്രതാനുഷഠാനത്തിലൂടെയും  പ്രാർത്ഥനകളിലൂടെയും  ദാന ധർമങ്ങളിലൂടെയും  ആചരിക്കുകയാണ്.  ഭാരതീയ സംസ്കാരത്തിന്റെ അടിസ്ഥാന പ്രമാണമായ മതസാഹോദര്യത്തെ ഉയർത്തിപ്പിടിച്ചും, സ്നേഹ സന്ദേശങ്ങളുടെ മഹത്വം ഉൾക്കൊണ്ടും ഫോമാ  ഈസ്റ്റർ-വിഷു-റമദാൻ ആഘോഷം ശനിയാഴ്ച വൈകിട്ട് 9 ന്  കൊണ്ടാടുന്നു.  ചടങ്ങിൽ  സീറോ മലങ്കര കത്തോലിക്കാ സഭയുടെ നിയുക്ത പ്രഥമ കർദ്ദിനാളും ഇപ്പോഴത്തെ മേജർ ആർച്ച് ബിഷപ്പും കാതോലിക്കോസുമായ  മോറോൻ മാർ ബസേലിയോസ്‌ ക്ലീമിസ്,   ശബരിമല അയ്യപ്പ സേവാ സമാജത്തിന്റെ ജനറൽ സെക്രട്ടറിയും മുൻ മിസോറാം ഗവർണ്ണറും  പൊതുജന സേവകനുമായ കുമ്മനം രാജശേഖരൻ, മുസ്ലിം പണ്ഡിതനും പൊതുകാര്യ പ്രസക്തനുമായ   പാണക്കാട് സയ്യിദ് സാദിക്  അലി ശിഹാബ് തങ്ങൾ എന്നിവർ  ആശംസകൾ നേരും.. ചടങ്ങിന്റെ അവസാന ഭാഗമായി പിന്നണി ഗായകരായ പ്രകാശ് ബാബു , അഷിത ബാബു , സിജി ആനന്ദ് , നന്ദിത , ആക്സ രഞ്ജി തുടങ്ങിയവർ അവതരിപ്പിക്കുന്ന മ്യൂസിക്കൽ നൈറ്റും ഉണ്ടായിരിക്കും. മതസൗഹാർദ്ദത്തിന്റെ  മഹത്സന്ദേശം ഉയർത്തിപ്പിടിച്ചും ശാന്തിയും സമാധാനവുമുള്ള, ഒത്തൊരുമയോടെ വർത്തിക്കുന്ന ലോകത്തെ വരവേൽക്കാനും ഫോമയുടെ ഈസ്റ്റർ-വിഷു-റമദാൻ ആഘോഷങ്ങൾക്കായി ഏപ്രിൽ 17 ശനിയാഴ്ച വൈകിട്ട് ഈസ്റ്റേൺ സ്റ്റാൻഡേർഡ് സമയം 9  നു  നടക്കുന്ന ചടങ്ങുകളിൽ  എല്ലാവരുടെയും സാന്നിധ്യം ഉണ്ടാകണമെന്ന് ഫോമ  പ്രസിഡന്റ്  അനിയന്‍ ജോര്‍ജ്, ജനറല്‍  സെക്രട്ടറി ടി.ഉണ്ണികൃഷ്ണന്‍, ട്രഷറര്‍ തോമസ് ടി.ഉമ്മന്‍, വൈസ് പ്രസിഡന്റ് പ്രദീപ് നായർ ,ജോയിന്റ് സെക്രട്ടറി ജോസ് മണക്കാട്ട്, ജോയിന്റ് ട്രഷറര്‍ ബിജു തോണിക്കടവില്‍ എന്നിവർ അഭ്യർത്ഥിച്ചു. 
സൂം മീറ്റിംഗ് ഐ.ഡി.: 958 035 372 53 
Topic: Easter Vishu Ramadan Celebration Time: Apr 17, 2021 09:00 PM Eastern Time (US and Canada)
 Join Zoom Meeting https://zoom.us/j/95803537253
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക