സെലിബ്രിറ്റി ദമ്പതികളായ പ്രിയങ്ക ചോപ്ര-നിക് ജൊനാസ് വിശേഷങ്ങള് അറിയാന് ആരാധകര്ക്ക് പ്രത്യേക താല്പര്യമാണ്. ഇരുവരുടെയും പ്രണയവും വിവാഹവും ഹണിമൂണും എല്ലാം ആരാധകരുടെ ചര്ച്ചാ വിഷയങ്ങളായിരുന്നു. നിറത്തിന്റെ പേരില് തന്നെ പലരും ബ്രൗണിയെന്ന് വിളിയ്ക്കുന്നത് കേട്ട് കരഞ്ഞ നാളുകള് പ്രിയങ്കയുടെ ജീവിതത്തില് ഉണ്ടായിരുന്നു. വളരെ കാലം മുന്പ് അങ്ങനെ കരഞ്ഞെങ്കില് ഇപ്പോള് ശരീര സങ്കല്പ്പങ്ങളെപ്പറ്റി പ്രിയങ്ക നടത്തിയ ചില പരാമര്ശങ്ങളാണ് ആരാധകര്ക്കിടയിലും പ്രചോദനമായിരിക്കുന്നത്.
'' എന്നെ ഒരിക്കലും ഇതൊന്നും ബാധിക്കില്ലെന്ന് ഞാന് കള്ളം പറയുന്നില്ല. പ്രായം കൂടുന്തോറും എന്റെ ശരീരത്തിലും മാറ്റങ്ങള് വരുന്നുണ്ട്. എനിക്ക് മാത്രമല്ല. എല്ലാവര്ക്കും സംഭവിക്കുന്ന കാര്യമാണത്. ഇത് വളരെ നോര്മലായ കാര്യമാണെന്ന് കരുതി സ്വീകരിക്കാനുള്ള ഒരു മനസ്സാണ് വേണ്ടത്. ഞാന് ഇനി മുതല് ഇങ്ങനെയാണ് മറ്റുള്ളവര്ക്ക് മുന്നിലെത്തുന്നത് എന്ന ബോധ്യം സ്വയമുണ്ടാക്കണം. അല്ലാതെ പത്തോ ഇരുപതോ വര്ഷങ്ങള്ക്ക് മുമ്പുള്ള എന്റെ ശരീരം ഇങ്ങനെയായിരുന്നു എന്നൊക്കെ പറഞ്ഞിട്ട് യാതൊരു കാര്യവുമില്ല.
ഇത്തരം മാനസിക സമ്മര്ദ്ദം കുറയ്ക്കാന് സ്വയം ആത്മവിശ്വാസമുണ്ടാക്കിയെടുത്താല് മാത്രം മതി ഓരോ ദിവസവും തന്നിലേല്പ്പിക്കുന്ന ഉത്തരവാദിത്വങ്ങള് നിര്വ്വഹിക്കാന് എത്രമാത്രം പ്രാപ്തയാണ്, എന്താണ് എന്റെ ലക്ഷ്യം എന്നിവയില് മാത്രം ശ്രദ്ധ കേന്ദ്രീകരിക്കുക. അവിടെ ലുക്ക്സിന് പ്രാധാന്യമില്ല'' - യാഹൂ ലൈഫിന് നല്കിയ അഭിമുഖത്തില് പ്രിയങ്ക പറഞ്ഞു.